➖ »
«
➖ ➕
Vulgata Clementina (1592)
Vul
King James Version with Samaritan Pentateuch
KJV(SP)
←
Psalms
Psa
63
→
[1]In finem. Psalmus David. [No book]
[2]Exaudi, Deus, orationem meam cum deprecor; a timore inimici eripe animam meam. [No book]
[3]Protexisti me a conventu malignantium, a multitudine operantium iniquitatem. [No book]
[4]Quia exacuerunt ut gladium linguas suas; intenderunt arcum rem amaram, [No book]
[5]ut sagittent in occultis immaculatum. [No book]
[6]Subito sagittabunt eum, et non timebunt; firmaverunt sibi sermonem nequam. Narraverunt ut absconderent laqueos; dixerunt: Quis videbit eos? [No book]
[7]Scrutati sunt iniquitates; defecerunt scrutantes scrutinio. Accedet homo ad cor altum; [No book]
[8]et exaltabitur Deus. Sagittæ parvulorum factæ sunt plagæ eorum; [No book]
[9]et infirmatæ sunt contra eos linguæ eorum. Conturbati sunt omnes qui videbant eos; [No book]
[10]et timuit omnis homo. Et annuntiaverunt opera Dei; et facta ejus intellexerunt. [No book]
[11]Lætabitur justus in Domino, et sperabit in eo; et laudabuntur omnes recti corde. [No book]
Source: unbound.biola.edu
 See information...
Top