|
|
| [1]In finem. Canticum psalmi resurrectionis. Jubilate Deo, omnis terra; |
[No book] |
| [2]psalmum dicite nomini ejus; date gloriam laudi ejus. |
[No book] |
| [3]Dicite Deo: Quam terribilia sunt opera tua, Domine ! in multitudine virtutis tuæ mentientur tibi inimici tui. |
[No book] |
| [4]Omnis terra adoret te, et psallat tibi; psalmum dicat nomini tuo. |
[No book] |
| [5]Venite, et videte opera Dei; terribilis in consiliis super filios hominum. |
[No book] |
| [6]Qui convertit mare in aridam, in flumine pertransibunt pede; ibi lætabimur in ipso. |
[No book] |
| [7]Qui dominatur in virtute sua in æternum, oculi ejus super gentes respiciunt; qui exasperant non exaltentur in semetipsis. |
[No book] |
| [8]Benedicite, gentes, Deum nostrum, et auditam facite vocem laudis ejus; |
[No book] |
| [9]qui posuit animam meam ad vitam, et non dedit in commotionem pedes meos. |
[No book] |
| [10]Quoniam probasti nos, Deus; igne nos examinasti, sicut examinatur argentum. |
[No book] |
| [11]Induxisti nos in laqueum; posuisti tribulationes in dorso nostro; |
[No book] |
| [12]imposuisti homines super capita nostra. Transivimus per ignem et aquam, et eduxisti nos in refrigerium. |
[No book] |
| [13]Introibo in domum tuam in holocaustis; reddam tibi vota mea |
[No book] |
| [14]quæ distinxerunt labia mea; et locutum est os meum, in tribulatione mea. |
[No book] |
| [15]Holocausta medullata offeram tibi, cum incenso arietum; offeram tibi boves cum hircis. |
[No book] |
| [16]Venite, audite, et narrabo, omnes qui timetis Deum, quanta fecit animæ meæ. |
[No book] |
| [17]Ad ipsum ore meo clamavi; et exaltavi sub lingua mea. |
[No book] |
| [18]Iniquitatem si aspexi in corde meo, non exaudiet Dominus. |
[No book] |
| [19]Propterea exaudivit Deus, et attendit voci deprecationis meæ. |
[No book] |
| [20]Benedictus Deus, qui non amovit orationem meam, et misericordiam suam a me. |
[No book] |