|
|
| [1]In finem. Psalmus cantici ipsi David. |
[No book] |
| [2]Exsurgat Deus, et dissipentur inimici ejus; et fugiant qui oderunt eum a facie ejus. |
[No book] |
| [3]Sicut deficit fumus, deficiant; sicut fluit cera a facie ignis, sic pereant peccatores a facie Dei. |
[No book] |
| [4]Et justi epulentur; et exsultent in conspectu Dei, et delectentur in lætitia. |
[No book] |
| [5]Cantate Deo, psalmum dicite nomini ejus; iter facite ei qui ascendit super occasum. Dominus nomen illi; exsultate in conspectu ejus. Turbabuntur a facie ejus, |
[No book] |
| [6]patris orphanorum, et judicis viduarum; Deus in loco sancto suo. |
[No book] |
| [7]Deus qui inhabitare facit unius moris in domo; qui educit vinctos in fortitudine, similiter eos qui exasperant, qui habitant in sepulchris. |
[No book] |
| [8]Deus, cum egredereris in conspectu populi tui, cum pertransires in deserto, |
[No book] |
| [9]terra mota est, etenim cæli distillaverunt, a facie Dei Sinai, a facie Dei Israël. |
[No book] |
| [10]Pluviam voluntariam segregabis, Deus, hæreditati tuæ; et infirmata est, tu vero perfecisti eam. |
[No book] |
| [11]Animalia tua habitabunt in ea; parasti in dulcedine tua pauperi, Deus. |
[No book] |
| [12]Dominus dabit verbum evangelizantibus, virtute multa. |
[No book] |
| [13]Rex virtutum dilecti, dilecti; et speciei domus dividere spolia. |
[No book] |
| [14]Si dormiatis inter medios cleros, pennæ columbæ deargentatæ, et posteriora dorsi ejus in pallore auri. |
[No book] |
| [15]Dum discernit cælestis reges super eam, nive dealbabuntur in Selmon. |
[No book] |
| [16]Mons Dei, mons pinguis. Mons coagulatus, mons pinguis: |
[No book] |
| [17]ut quid suspicamini montes coagulatos? Mons in quo beneplacitum est Deo habitare in eo; etenim Dominus habitabit in finem. |
[No book] |
| [18]Currus Dei decem millibus multiplex, millia lætantium; Dominus in eis in Sina in sancto. |
[No book] |
| [19]Ascendisti in altum, cepisti captivitatem, accepisti dona in hominibus; etenim non credentes inhabitare Dominum Deum. |
[No book] |
| [20]Benedictus Dominus die quotidie: prosperum iter faciet nobis Deus salutarium nostrorum. |
[No book] |
| [21]Deus noster, Deus salvos faciendi; et Domini, Domini exitus mortis. |
[No book] |
| [22]Verumtamen Deus confringet capita inimicorum suorum, verticem capilli perambulantium in delictis suis. |
[No book] |
| [23]Dixit Dominus: Ex Basan convertam, convertam in profundum maris; |
[No book] |
| [24]ut intingatur pes tuus in sanguine, lingua canum tuorum ex inimicis, ab ipso. |
[No book] |
| [25]Viderunt ingressus tuos, Deus, ingressus Dei mei, regis mei, qui est in sancto. |
[No book] |
| [26]Prævenerunt principes conjuncti psallentibus, in medio juvencularum tympanistriarum. |
[No book] |
| [27]In ecclesiis benedicite Deo Domino de fontibus Israël. |
[No book] |
| [28]Ibi Benjamin adolescentulus, in mentis excessu; principes Juda, duces eorum; principes Zabulon, principes Nephthali. |
[No book] |
| [29]Manda, Deus, virtuti tuæ; confirma hoc, Deus, quod operatus es in nobis. |
[No book] |
| [30]A templo tuo in Jerusalem, tibi offerent reges munera. |
[No book] |
| [31]Increpa feras arundinis; congregatio taurorum in vaccis populorum; ut excludant eos qui probati sunt argento: dissipa gentes quæ bella volunt. |
[No book] |
| [32]Venient legati ex Ægypto; Æthiopia præveniet manus ejus Deo. |
[No book] |
| [33]Regna terræ, cantate Deo; psallite Domino; psallite Deo. |
[No book] |
| [34]Qui ascendit super cælum cæli, ad orientem: ecce dabit voci suæ vocem virtutis. |
[No book] |
| [35]Date gloriam Deo super Israël; magnificentia ejus et virtus ejus in nubibus. |
[No book] |
| [36]Mirabilis Deus in sanctis suis; Deus Israël ipse dabit virtutem et fortitudinem plebi suæ. Benedictus Deus ! |
[No book] |