➖ »
«
➖ ➕
Aleppo Codex (~920)
Alep
King James Version with Samaritan Pentateuch
KJV(SP)
←
Psalms
Psa
68
→
[1]למנצח לדוד מזמור שיר [No book]
[2]יקום אלהים יפוצו אויביו וינוסו משנאיו מפניו [No book]
[3]כהנדף עשן תנדף כהמס דונג מפני־אש יאבדו רשעים מפני אלהים [No book]
[4]וצדיקים־ישמחו יעלצו לפני אלהים וישישו בשמחה [No book]
[5]שירו לאלהים זמרו שמו סלו לרכב בערבות־ביה שמו ועלזו לפניו [No book]
[6]אבי יתומים ודין אלמנות אלהים במעון קדשו [No book]
[7]אלהים מושיב יחידים ביתה מוציא אסירים בכושרות אך סוררים שכנו צחיחה [No book]
[8]אלהים־בצאתך לפני עמך בצעדך בישימון סלה [No book]
[9]ארץ רעשה אף־שמים נטפו מפני אלהים זה סיני מפני אלהים אלהי ישראל [No book]
[10]גשם נדבות תניף אלהים נחלתך ונלאה אתה כוננתה [No book]
[11]חיתך ישבו־בה תכין בטובתך לעני אלהים [No book]
[12]אדני יתן־אמר המבשרות צבא רב [No book]
[13]מלכי צבאות ידדון ידדון ונות־בית תחלק שלל [No book]
[14]אם־תשכבון בין שפתים כנפי יונה נחפה בכסף ואברותיה בירקרק חרוץ [No book]
[15]בפרש שדי מלכים בה תשלג בצלמון [No book]
[16]הר־אלהים הר־בשן הר גבננים הר־בשן [No book]
[17]למה תרצדון הרים גבננים ההר־חמד אלהים לשבתו אף־יהוה ישכן לנצח [No book]
[18]רכב אלהים רבתים אלפי שנאן אדני בם סיני בקדש [No book]
[19]עלית למרום שבית שבי לקחת מתנות באדם ואף סוררים לשכן יה אלהים [No book]
[20]ברוך אדני יום יום יעמס־לנו־האל ישועתנו סלה [No book]
[21]האל לנו אל למושעות וליהוה אדני־למות תצאות [No book]
[22]אך־אלהים־ימחץ ראש איביו קדקד שער־מתהלך באשמיו [No book]
[23]אמר אדני מבשן אשיב אשיב ממצלות ים [No book]
[24]למען תמחץ רגלך־בדם לשון כלביך־מאיבים מנהו [No book]
[25]ראו הליכותיך אלהים הליכות אלי מלכי בקדש [No book]
[26]קדמו שרים אחר נגנים בתוך עלמות תופפות [No book]
[27]במקהלות ברכו אלהים אדני ממקור ישראל [No book]
[28]שם בנימן צעיר רדם־שרי יהודה רגמתם שרי זבלון שרי נפתלי [No book]
[29]צוה אלהיך עזך עוזה אלהים־זו פעלת לנו [No book]
[30]מהיכלך על־ירושלם לך יובילו מלכים שי [No book]
[31]גער חית קנה עדת אבירים בעגלי עמים מתרפס ברצי־כסף בזר עמים קרבות יחפצו [No book]
[32]יאתיו חשמנים מני מצרים כוש תריץ ידיו לאלהים [No book]
[33]ממלכות הארץ שירו לאלהים זמרו אדני סלה [No book]
[34]לרכב בשמי שמי־קדם הן יתן בקולו קול עז [No book]
[35]תנו עז לאלהים על־ישראל גאותו ועזו בשחקים [No book]
[36]נורא אלהים ממקדשיך אל ישראל הוא נתן עז ותעצמות לעם ברוך אלהים [No book]
Source: unbound.biola.edu
 See information...
Top