|
|
| [No book] |
[1]Psalmus David, quem cantavit Domino pro verbis Chusi, filii Jemini. |
| [No book] |
[2]Domine Deus meus, in te speravi; salvum me fac ex omnibus persequentibus me, et libera me, |
| [No book] |
[3]nequando rapiat ut leo animam meam, dum non est qui redimat, neque qui salvum faciat. |
| [No book] |
[4]Domine Deus meus, si feci istud, si est iniquitas in manibus meis, |
| [No book] |
[5]si reddidi retribuentibus mihi mala, decidam merito ab inimicis meis inanis. |
| [No book] |
[6]Persequatur inimicus animam meam, et comprehendat; et conculcet in terra vitam meam, et gloriam meam in pulverem deducat. |
| [No book] |
[7]Exsurge, Domine, in ira tua; et exaltare in finibus inimicorum meorum; et exsurge, Domine Deus meus, in præcepto quod mandasti; |
| [No book] |
[8]et synagoga populorum circumdabit te: et propter hanc in altum regredere. |
| [No book] |
[9]Dominus judicat populos. Judica me, Domine, secundum justitiam meam, et secundum innocentiam meam super me. |
| [No book] |
[10]Consumetur nequitia peccatorum; et diriges justum, scrutans corda et renes, Deus. |
| [No book] |
[11]Justum adjutorium meum a Domino, qui salvos facit rectos corde. |
| [No book] |
[12]Deus judex justus, fortis, et patiens; numquid irascitur per singulos dies? |
| [No book] |
[13]Nisi conversi fueritis, gladium suum vibrabit; arcum suum tetendit, et paravit illum. |
| [No book] |
[14]Et in eo paravit vasa mortis, sagittas suas ardentibus effecit. |
| [No book] |
[15]Ecce parturiit injustitiam; concepit dolorem, et peperit iniquitatem. |
| [No book] |
[16]Lacum aperuit, et effodit eum; et incidit in foveam quam fecit. |
| [No book] |
[17]Convertetur dolor ejus in caput ejus, et in verticem ipsius iniquitas ejus descendet. |
| [No book] |
[18]Confitebor Domino secundum justitiam ejus, et psallam nomini Domini altissimi. |