|
|
| [No book] |
[1]Psalmus, in Salomonem. |
| [No book] |
[2]Deus, judicium tuum regi da, et justitiam tuam filio regis; judicare populum tuum in justitia, et pauperes tuos in judicio. |
| [No book] |
[3]Suscipiant montes pacem populo, et colles justitiam. |
| [No book] |
[4]Judicabit pauperes populi, et salvos faciet filios pauperum, et humiliabit calumniatorem. |
| [No book] |
[5]Et permanebit cum sole, et ante lunam, in generatione et generationem. |
| [No book] |
[6]Descendet sicut pluvia in vellus, et sicut stillicidia stillantia super terram. |
| [No book] |
[7]Orietur in diebus ejus justitia, et abundantia pacis, donec auferatur luna. |
| [No book] |
[8]Et dominabitur a mari usque ad mare, et a flumine usque ad terminos orbis terrarum. |
| [No book] |
[9]Coram illo procident Æthiopes, et inimici ejus terram lingent. |
| [No book] |
[10]Reges Tharsis et insulæ munera offerent; reges Arabum et Saba dona adducent; |
| [No book] |
[11]et adorabunt eum omnes reges terræ, omnes gentes servient ei. |
| [No book] |
[12]Quia liberabit pauperem a potente, et pauperem cui non erat adjutor. |
| [No book] |
[13]Parcet pauperi et inopi, et animas pauperum salvas faciet. |
| [No book] |
[14]Ex usuris et iniquitate redimet animas eorum, et honorabile nomen eorum coram illo. |
| [No book] |
[15]Et vivet, et dabitur ei de auro Arabiæ; et adorabunt de ipso semper, tota die benedicent ei. |
| [No book] |
[16]Et erit firmamentum in terra in summis montium; superextolletur super Libanum fructus ejus, et florebunt de civitate sicut fœnum terræ. |
| [No book] |
[17]Sit nomen ejus benedictum in sæcula; ante solem permanet nomen ejus. Et benedicentur in ipso omnes tribus terræ; omnes gentes magnificabunt eum. |
| [No book] |
[18]Benedictus Dominus, Deus Israël, qui facit mirabilia solus. |
| [No book] |
[19]Et benedictum nomen majestatis ejus in æternum, et replebitur majestate ejus omnis terra. Fiat, fiat. |
| [No book] |
[20]Defecerunt laudes David, filii Jesse. |