➖ »
«
➖ ➕
Aleppo Codex (~920)
Alep
Peshitta OT
PesOT
←
Psalms
Psa
78
→
[1]משכיל לאסף האזינה עמי תורתי הטו אזנכם לאמרי־פי [No chap]
[2]אפתחה במשל פי אביעה חידות מני־קדם [No chap]
[3]אשר שמענו ונדעם ואבותינו ספרו־לנו [No chap]
[4]לא נכחד מבניהם לדור אחרון מספרים תהלות יהוה ועזוזו ונפלאתיו אשר עשה [No chap]
[5]ויקם עדות ביעקב ותורה שם בישראל אשר צוה את־אבותינו להודיעם לבניהם [No chap]
[6]למען ידעו דור אחרון־בנים יולדו יקמו ויספרו לבניהם [No chap]
[7]וישימו באלהים כסלם ולא ישכחו מעללי־אל ומצותיו ינצרו [No chap]
[8]ולא יהיו כאבותם דור סורר ומרה דור לא־הכין לבו ולא־נאמנה את־אל רוחו [No chap]
[9]בני־אפרים נושקי רומי־קשת הפכו ביום קרב [No chap]
[10]לא שמרו ברית אלהים ובתורתו מאנו ללכת [No chap]
[11]וישכחו עלילותיו ונפלאותיו אשר הראם [No chap]
[12]נגד אבותם עשה פלא בארץ מצרים שדה־צען [No chap]
[13]בקע ים ויעבירם ויצב־מים כמו־נד [No chap]
[14]וינחם בענן יומם וכל־הלילה באור אש [No chap]
[15]יבקע צרים במדבר וישק כתהמות רבה [No chap]
[16]ויוצא נוזלים מסלע ויורד כנהרות מים [No chap]
[17]ויוסיפו עוד לחטא־לו למרות עליון בציה [No chap]
[18]וינסו־אל בלבבם לשאל־אכל לנפשם [No chap]
[19]וידברו באלהים אמרו היוכל אל־לערך שלחן במדבר [No chap]
[20]הן הכה־צור ויזובו מים ונחלים ישטפו הגם־לחם יוכל תת אם־יכין שאר לעמו [No chap]
[21]לכן שמע יהוה ויתעבר ואש נשקה ביעקב וגם־אף עלה בישראל [No chap]
[22]כי לא האמינו באלהים ולא בטחו בישועתו [No chap]
[23]ויצו שחקים ממעל ודלתי שמים פתח [No chap]
[24]וימטר עליהם מן לאכל ודגן־שמים נתן למו [No chap]
[25]לחם אבירים אכל איש צידה שלח להם לשבע [No chap]
[26]יסע קדים בשמים וינהג בעזו תימן [No chap]
[27]וימטר עליהם כעפר שאר וכחול ימים עוף כנף [No chap]
[28]ויפל בקרב מחנהו סביב למשכנתיו [No chap]
[29]ויאכלו וישבעו מאד ותאותם יבא להם [No chap]
[30]לא־זרו מתאותם עוד אכלם בפיהם [No chap]
[31]ואף אלהים עלה בהם ויהרג במשמניהם ובחורי ישראל הכריע [No chap]
[32]בכל־זאת חטאו־עוד ולא־האמינו בנפלאותיו [No chap]
[33]ויכל־בהבל ימיהם ושנותם בבהלה [No chap]
[34]אם־הרגם ודרשוהו ושבו ושחרו־אל [No chap]
[35]ויזכרו כי־אלהים צורם ואל עליון גאלם [No chap]
[36]ויפתוהו בפיהם ובלשונם יכזבו־לו [No chap]
[37]ולבם לא־נכון עמו ולא נאמנו בבריתו [No chap]
[38]והוא רחום יכפר עון ולא־ישחית והרבה להשיב אפו ולא־יעיר כל־חמתו [No chap]
[39]ויזכר כי־בשר המה רוח הולך ולא ישוב [No chap]
[40]כמה ימרוהו במדבר יעציבוהו בישימון [No chap]
[41]וישובו וינסו אל וקדוש ישראל התוו [No chap]
[42]לא־זכרו את־ידו יום אשר־פדם מני־צר [No chap]
[43]אשר־שם במצרים אתותיו ומופתיו בשדה־צען [No chap]
[44]ויהפך לדם יאריהם ונזליהם בל־ישתיון [No chap]
[45]ישלח בהם ערב ויאכלם וצפרדע ותשחיתם [No chap]
[46]ויתן לחסיל יבולם ויגיעם לארבה [No chap]
[47]יהרג בברד גפנם ושקמותם בחנמל [No chap]
[48]ויסגר לברד בעירם ומקניהם לרשפים [No chap]
[49]ישלח־בם חרון אפו־עברה וזעם וצרה משלחת מלאכי רעים [No chap]
[50]יפלס נתיב לאפו לא־חשך ממות נפשם וחיתם לדבר הסגיר [No chap]
[51]ויך כל־בכור במצרים ראשית אונים באהלי־חם [No chap]
[52]ויסע כצאן עמו וינהגם כעדר במדבר [No chap]
[53]וינחם לבטח ולא פחדו ואת־אויביהם כסה הים [No chap]
[54]ויביאם אל־גבול קדשו הר־זה קנתה ימינו [No chap]
[55]ויגרש מפניהם גוים ויפילם בחבל נחלה וישכן באהליהם שבטי ישראל [No chap]
[56]וינסו וימרו את־אלהים עליון ועדותיו לא שמרו [No chap]
[57]ויסגו ויבגדו כאבותם נהפכו כקשת רמיה [No chap]
[58]ויכעיסוהו בבמותם ובפסיליהם יקניאוהו [No chap]
[59]שמע אלהים ויתעבר וימאס מאד בישראל [No chap]
[60]ויטש משכן שלו אהל שכן באדם [No chap]
[61]ויתן לשבי עזו ותפארתו ביד־צר [No chap]
[62]ויסגר לחרב עמו ובנחלתו התעבר [No chap]
[63]בחוריו אכלה־אש ובתולתיו לא הוללו [No chap]
[64]כהניו בחרב נפלו ואלמנתיו לא תבכינה [No chap]
[65]ויקץ כישן אדני כגבור מתרונן מיין [No chap]
[66]ויך־צריו אחור חרפת עולם נתן למו [No chap]
[67]וימאס באהל יוסף ובשבט אפרים לא בחר [No chap]
[68]ויבחר את־שבט יהודה את־הר ציון אשר אהב [No chap]
[69]ויבן כמו־רמים מקדשו כארץ יסדה לעולם [No chap]
[70]ויבחר בדוד עבדו ויקחהו ממכלאת צאן [No chap]
[71]מאחר עלות הביאו לרעות ביעקב עמו ובישראל נחלתו [No chap]
[72]וירעם כתם לבבו ובתבונות כפיו ינחם [No chap]
Source: unbound.biola.edu
Top