|
|
| [1]In finem. Pro torcularibus. Psalmus ipsi Asaph. |
[No book] |
| [2]Exsultate Deo adjutori nostro, jubilate Deo Jacob. |
[No book] |
| [3]Sumite psalmum, et date tympanum; psalterium jucundum, cum cithara. |
[No book] |
| [4]Buccinate in neomenia tuba, in insigni die solemnitatis vestræ; |
[No book] |
| [5]quia præceptum in Israël est, et judicium Deo Jacob. |
[No book] |
| [6]Testimonium in Joseph posuit illud, cum exiret de terra Ægypti; linguam quam non noverat audivit. |
[No book] |
| [7]Divertit ab oneribus dorsum ejus; manus ejus in cophino servierunt. |
[No book] |
| [8]In tribulatione invocasti me, et liberavi te. Exaudivi te in abscondito tempestatis; probavi te apud aquam contradictionis. |
[No book] |
| [9]Audi, populus meus, et contestabor te. Israël, si audieris me, |
[No book] |
| [10]non erit in te deus recens, neque adorabis deum alienum. |
[No book] |
| [11]Ego enim sum Dominus Deus tuus, qui eduxi te de terra Ægypti. Dilata os tuum, et implebo illud. |
[No book] |
| [12]Et non audivit populus meus vocem meam, et Israël non intendit mihi. |
[No book] |
| [13]Et dimisi eos secundum desideria cordis eorum; ibunt in adinventionibus suis. |
[No book] |
| [14]Si populus meus audisset me, Israël si in viis meis ambulasset, |
[No book] |
| [15]pro nihilo forsitan inimicos eorum humiliassem, et super tribulantes eos misissem manum meam. |
[No book] |
| [16]Inimici Domini mentiti sunt ei, et erit tempus eorum in sæcula. |
[No book] |
| [17]Et cibavit eos ex adipe frumenti, et de petra melle saturavit eos. |
[No book] |