|
|
| [1]In finem, pro torcularibus filiis Core. Psalmus. |
[No book] |
| [2]Quam dilecta tabernacula tua, Domine virtutum ! |
[No book] |
| [3]Concupiscit, et deficit anima mea in atria Domini; cor meum et caro mea exsultaverunt in Deum vivum. |
[No book] |
| [4]Etenim passer invenit sibi domum, et turtur nidum sibi, ubi ponat pullos suos. Altaria tua, Domine virtutum, rex meus, et Deus meus. |
[No book] |
| [5]Beati qui habitant in domo tua, Domine; in sæcula sæculorum laudabunt te. |
[No book] |
| [6]Beatus vir cujus est auxilium abs te, ascensiones in corde suo disposuit, |
[No book] |
| [7]in valle lacrimarum, in loco quem posuit. |
[No book] |
| [8]Etenim benedictionem dabit legislator; ibunt de virtute in virtutem, videbitur Deus deorum in Sion. |
[No book] |
| [9]Domine Deus virtutum, exaudi orationem meam; auribus percipe, Deus Jacob. |
[No book] |
| [10]Protector noster, aspice, Deus, et respice in faciem christi tui. |
[No book] |
| [11]Quia melior est dies una in atriis tuis super millia; elegi abjectus esse in domo Dei mei magis quam habitare in tabernaculis peccatorum. |
[No book] |
| [12]Quia misericordiam et veritatem diligit Deus, gratiam et gloriam dabit Dominus. |
[No book] |
| [13]Non privabit bonis eos qui ambulant in innocentia. Domine virtutum, beatus homo qui sperat in te. |
[No book] |