➖ »
«
➖ ➕
Peshitta OT
PesOT
The Acts of Thomas
ActThom
←
Psalms
Psa
90
→
[1]ܡܵܪܝܵܐ ܒܹܝܬ̣ ܡܲܥܡܪܵܐ ܗ̤ܘܲܝܬ̇ ܠܲܢ ܠܕ݂ܵܪܕܵܪ̈ܝܼܢ. [No book]
[2]ܥܲܕ݂ܠܵܐ ܢܸܬ̣ܒܲܛܢܘܼܢ ܛܘܼܪܹ̈ܐ. [No book]
[3]ܘܥܲܕ݂ܠܵܐ ܬܚܲܒܸ̇ܠ ܐܲܪܥܵܐ. [No book]
[4]ܘܥܲܕ݂ܠܵܐ ܬܸܬ̣ܩܲܢ ܬܹܒܹܝܠ. [No book]
[5]ܡ̣ܢ ܥܵܠܲܡ ܘܲܥܕܲܡܵܐ ܠܥܵܠܲܡ ܐܲܢ̄ܬ̇ܘܼ ܐܲܠܵܗܵܐ. [No book]
[6]ܕܐܲܗܦܸܟ̣ܬܵܝܗܝ ܠܒܲܪܢܵܫܵܐ ܥܕܲܡܵܐ ܠܡܘܼܟܵܟ̣ܵܐ. [No book]
[7]ܘܐܸܡܲܪ݂ܬ̇ ܕܬ̣ܘܼܒ̣ܘ ܒܢܲܝ̈ܢܵܫܵܐ. [No book]
[8]ܡܸܛܠ ܕܐܵܠܸܦ ܫܢܝܼ̈ܢ ܒܥܲܝܢܲܝ̈ܟ. [No book]
[9]ܐܲܝܟ݂ ܝܲܘܡܵܐ ܕܐܸܬ̣ܡܵܠܝ ܕܲܥܒܲܪ݂. [No book]
[10]ܘܐܲܝܟ݂ ܡܲܛܲܪܬܵܐ ܕܠܸܠܝܵܐ. [No book]
[11]ܫܲܪ̈ܒ̣ܵܬ̣ܗܘܿܢ ܫܸܢܬ̣ܵܐ ܢܸܗ̱ܘ̈ܝܵܢ. [No book]
[12]ܘܲܒ̣ܨܲܦܪܵܐ ܐܲܝܟ݂ ܥܘܼܦܝܵܐ ܬܲܚܠܸܦ. [No book]
[13]ܕܲܒ̣ܨܲܦܪܵܐ ܝܵܥܹ̇ܐ ܘܡܲܚܠܸܦ. [No book]
[14]ܘܲܒ̣ܪܲܡܫܵܐ ܚܵܡܹ̇ܐ ܘܝܵܒܹܫ݁. [No book]
[15]ܡܸܛܠ ܕܲܓ̣ܡܲܪ̱ܢ ܒܪܘܼܓ̣ܙܵܟ݂. [No book]
[16]ܘܲܒ̣ܚܸܡܬ̣ܵܟ݂ ܐܸܬ̇ܕܲܠܲܚܢ. [No book]
[17]ܣܵܡ̣ܬ̇ ܚܛܵܗܲܝ̈ܢ ܠܩܘܼܒ̣ܠܵܟ݂. [No book]
[18]ܥܲܠܸܡܲܝܢ ܒܢܘܼܗܪܵܐ ܕܐܲܦܲܝ̈ܟ. [No book]
[19]ܡܸܛܠ ܕܟ̣ܠܗܘܿܢ ܝܲܘܡܲܝ̈ܢ ܓܡܲܪ݂ܘ ܒܪܘܼܓ̣ܙܵܟ݂. [No book]
[20]ܘܲܓ̣ܡܲܪ݂ ܫܢܲܝ̈ܢ ܐܲܝܟ݂ ܓܘܵܓܲܝ. [No book]
[21]ܝܲܘ̈ܡܝܼܢ ܫܢܲܝ̈ܢ ܒܗܘܿܢ ܫܲܒ̣ܥܝܼܢ ܫܢܝܼ̈ܢ. [No book]
[22]ܘܲܠܡܲܚܣܸܢ ܬܡܵܢܐܝܼܢ ܫܢܝܼ̈ܢ. [No book]
[23]ܘܣܘܼܓ̣ܐܗܹܝܢ ܥܲܡܠܵܐ ܘܟܹܐܒܹ̈ܐ. [No book]
[24]ܡܸܛܠ ܕܐܸܬ̣ܵܐ ܥܠܲܝܢ ܡܘܼܟܵܟ̣ܵܐ ܘܐܸܬ̇ܛܲܪܲܦܢ. [No book]
[25]ܡܲܢ ܝܵܕܲܥ̇ ܥܘܼܫܢܵܐ ܕܪܘܼܓ̣ܙܵܟ݂ ܘܕܸܚܠ̱ܬ̣ܵܐ ܕܪܘܼܓ̣ܙܵܟ݂. [No book]
[26]ܐܲܘܕܲܥܲܝܢ ܡܸܢܝܵܢܵܐ ܕܝܲܘܡܲܝ̈ܢ. [No book]
[27]ܕܢܸܥܘܿܠ ܠܠܸܒܵܐ ܕܚܸܟ̣ܡ̱ܬ̣ܵܐ. [No book]
[28]ܐܸܬ̣ܦܲܢ ܡܵܪܝܵܐ ܥܕܲܡܵܐ ܠܐܸܡܲܬ̣ܝ. [No book]
[29]ܠܵܐ ܡܒܲܝܲܐ ܐܲܢ̄ܬ̇ ܠܥܲܒ̣ܕܲܝ̈ܟ. [No book]
[30]ܣܲܒܲܥܲܝܢ ܒܨܲܦܪܵܐ ܛܲܝܒ̇ܘܼܬ̣ܵܟ݂. [No book]
[31]ܢܫܲܒܲܚ ܘܢܸܚܕܸ̇ܐ ܟܠܗܘܿܢ ܝܲܘ̈ܡܵܬܲܢ. [No book]
[32]ܚܲܕܵܢ ܡܸܛܠ ܕܡܝܼܬ̣ ܥܲܘܠܲܢ. [No book]
[33]ܘܲܫ̈ܢܲܝܵܐ ܕܲܚ݂ܙܲܝܢ ܒܗܹܝܢ ܒܝܼ̈ܫܵܬ̣ܵܐ. [No book]
[34]ܢܸܬ̣ܚܙܘܿܢ ܠܥܲܒ̣ܕܲܝ̈ܟ ܥܒ̣ܵܕܲܝ̈ܟ. [No book]
[35]ܘܗܸܕ݂ܪܵܟ݂ ܥܲܠ ܒܢܲܝ̈ܗܘܿܢ. [No book]
[36]ܬܸܗܘܸܐ ܒܲܣܝܼܡܘܼܬܹܗ ܕܡܵܪܝܵܐ ܐܲܠܵܗܲܢ ܥܠܲܝܢ. [No book]
[37]ܕܲܥܒ̣ܵܕ݂ ܐܝܼ̈ܕ݂ܵܘܗܝ ܐܲܬ̣ܩܸܢ ܥܠܲܝܢ. [No book]
[38]ܘܒܲܥܒ̣ܵܕ݂ ܐܝܼ̈ܕ݂ܵܘܗܝ ܬܲܩܢܲܢ. [No book]
 
Top