|
|
| [1]`The nyntithe salm. He that dwellith in the help of the hiyeste God; schal dwelle in the proteccioun of God of heuene. |
[No book] |
| [2]He schal seie to the Lord, Thou art myn vptaker, and my refuit; my God, Y schal hope in him. |
[No book] |
| [3]For he delyuered me fro the snare of hunteris; and fro a scharp word. |
[No book] |
| [4]With hise schuldris he schal make schadowe to thee; and thou schalt haue hope vnder hise fetheris. |
[No book] |
| [5]His treuthe schal cumpasse thee with a scheld; thou schalt not drede of nyytis drede. |
[No book] |
| [6]Of an arowe fliynge in the dai, of a gobelyn goynge in derknessis; of asailing, and a myddai feend. |
[No book] |
| [7]A thousynde schulen falle doun fro thi side, and ten thousynde fro thi riytside; forsothe it schal not neiye to thee. |
[No book] |
| [8]Netheles thou schalt biholde with thin iyen; and thou schalt se the yelding of synneris. |
[No book] |
| [9]For thou, Lord, art myn hope; thou hast set thin help altherhiyeste. |
[No book] |
| [10]Yuel schal not come to thee; and a scourge schal not neiye to thi tabernacle. |
[No book] |
| [11]For God hath comaundid to hise aungels of thee; that thei kepe thee in alle thi weies. |
[No book] |
| [12]Thei schulen beere thee in the hondis; leste perauenture thou hirte thi foot at a stoon. |
[No book] |
| [13]Thou schalt go on a snake, and a cocatrice; and thou schalt defoule a lioun and a dragoun. |
[No book] |
| [14]For he hopide in me, Y schal delyuere hym; Y schal defende him, for he knew my name. |
[No book] |
| [15]He criede to me, and Y schal here him, Y am with him in tribulacioun; Y schal delyuere him, and Y schal glorifie hym. |
[No book] |
| [16]I schal fille hym with the lengthe of daies; and Y schal schewe myn helthe to him. |
[No book] |
| 17[No verse] |
[No book] |