➖ »
«
➖ ➕
Vulgata Clementina (1592)
Vul
Peshitta OT
PesOT
←
Revelation
Rev
2
→
[1]Angelo Ephesi ecclesiæ scribe: Hæc dicit, qui tenet septem stellas in dextera sua, qui ambulat in medio septem candelabrorum aureorum: [No book]
[2]Scio opera tua, et laborem, et patientiam tuam, et quia non potes sustinere malos: et tentasti eos, qui se dicunt apostolos esse, et non sunt: et invenisti eos mendaces: [No book]
[3]et patientiam habes, et sustinuisti propter nomen meum, et non defecisti. [No book]
[4]Sed habeo adversum te, quod caritatem tuam primam reliquisti. [No book]
[5]Memor esto itaque unde excideris: et age pœnitentiam, et prima opera fac: sin autem, venio tibi, et movebo candelabrum tuum de loco suo, nisi pœnitentiam egeris. [No book]
[6]Sed hoc habes, quia odisti facta Nicolaitarum, quæ et ego odi. [No book]
[7]Qui habet aurem, audiat quid Spiritus dicat ecclesiis: Vincenti dabo edere de ligno vitæ, quod est in paradiso Dei mei. [No book]
[8]Et angelo Smyrnæ ecclesiæ scribe: Hæc dicit primus, et novissimus, qui fuit mortuus, et vivit: [No book]
[9]Scio tribulationem tuam, et paupertatem tuam, sed dives es: et blasphemaris ab his, qui se dicunt Judæos esse, et non sunt, sed sunt synagoga Satanæ. [No book]
[10]Nihil horum timeas quæ passurus es. Ecce missurus est diabolus aliquos ex vobis in carcerem ut tentemini: et habebitis tribulationem diebus decem. Esto fidelis usque ad mortem, et dabo tibi coronam vitæ. [No book]
[11]Qui habet aurem, audiat quid Spiritus dicat ecclesiis: Qui vicerit, non lædetur a morte secunda. [No book]
[12]Et angelo Pergami ecclesiæ scribe: Hæc dicit qui habet rhomphæam utraque parte acutam: [No book]
[13]Scio ubi habitas, ubi sedes est Satanæ: et tenes nomen meum, et non negasti fidem meam. Et in diebus illis Antipas testis meus fidelis, qui occisus est apud vos ubi Satanas habitat. [No book]
[14]Sed habeo aversus te pauca: quia habes illic tenentes doctrinam Balaam, qui docebat Balac mittere scandalum coram filiis Israël, edere, et fornicari: [No book]
[15]ita habes et tu tenentes doctrinam Nicolaitarum. [No book]
[16]Similiter pœnitentiam age: si quominus veniam tibi cito, et pugnabo cum illis in gladio oris mei. [No book]
[17]Qui habet aurem, audiat quid Spiritus dicat ecclesiis: Vincenti dabo manna absconditum, et dabo illi calculum candidum: et in calculo nomen novum scriptum, quod nemo scit, nisi qui accipit. [No book]
[18]Et angelo Thyatiræ ecclesiæ scribe: Hæc dicit Filius Dei, qui habet oculos tamquam flammam ignis, et pedes ejus similes auricalco: [No book]
[19]Novi opera tua, et fidem, et caritatem tuam, et ministerium, et patientiam tuam, et opera tua novissima plura prioribus. [No book]
[20]Sed habeo adversus te pauca: quia permittis mulierem Jezabel, quæ se dicit propheten, docere, et seducere servos meos, fornicari, et manducare de idolothytis. [No book]
[21]Et dedi illi tempus ut pœnitentiam ageret: et non vult pœnitere a fornicatione sua. [No book]
[22]Ecce mittam eam in lectum: et qui mœchantur cum ea, in tribulatione maxima erunt, nisi pœnitentiam ab operibus suis egerint. [No book]
[23]Et filios ejus interficiam in morte, et scient omnes ecclesiæ, quia ego sum scrutans renes, et corda: et dabo unicuique vestrum secundum opera sua. Vobis autem dico, [No book]
[24]et ceteris qui Thyatiræ estis: quicumque non habent doctrinam hanc, et qui non cognoverunt altitudines Satanæ, quemadmodum dicunt, non mittam super vos aliud pondus: [No book]
[25]tamen id quod habetis, tenete donec veniam. [No book]
[26]Et qui vicerit, et custodierit usque in finem opera mea, dabo illi potestatem super gentes, [No book]
[27]et reget eas in virga ferrea, et tamquam vas figuli confringentur, [No book]
[28]sicut et ego accepi a Patre meo: et dabo illi stellam matutinam. [No book]
[29]Qui habet aurem, audiat quid Spiritus dicat ecclesiis. [No book]
Source: unbound.biola.edu
Top