|
|
| [1]Fratres, voluntas quidem cordis mei, et obsecratio ad Deum, fit pro illis in salutem. |
[No book] |
| [2]Testimonium enim perhibeo illis quod æmulationem Dei habent, sed non secundum scientiam. |
[No book] |
| [3]Ignorantes enim justitiam Dei, et suam quærentes statuere, justitiæ Dei non sunt subjecti. |
[No book] |
| [4]Finis enim legis, Christus, ad justitiam omni credenti. |
[No book] |
| [5]Moyses enim scripsit, quoniam justitiam, quæ ex lege est, qui fecerit homo, vivet in ea. |
[No book] |
| [6]Quæ autem ex fide est justitia, sic dicit: Ne dixeris in corde tuo: Qui ascendet in cælum? id est, Christum deducere: |
[No book] |
| [7]aut, Quis descendet in abyssum? hoc est, Christum a mortuis revocare. |
[No book] |
| [8]Sed quid dicit Scriptura? Prope est verbum in ore tuo, et in corde tuo: hoc est verbum fidei, quod prædicamus. |
[No book] |
| [9]Quia si confitearis in ore tuo Dominum Jesum, et in corde tuo credideris quod Deus illum suscitavit a mortuis, salvus eris. |
[No book] |
| [10]Corde enim creditur ad justitiam: ore autem confessio fit ad salutem. |
[No book] |
| [11]Dicit enim Scriptura: Omnis qui credit in illum, non confundetur. |
[No book] |
| [12]Non enim est distinctio Judæi et Græci: nam idem Dominus omnium, dives in omnes qui invocant illum. |
[No book] |
| [13]Omnis enim quicumque invocaverit nomen Domini, salvus erit. |
[No book] |
| [14]Quomodo ergo invocabunt, in quem non crediderunt? aut quomodo credent ei, quem non audierunt? quomodo autem audient sine prædicante? |
[No book] |
| [15]quomodo vero prædicabunt nisi mittantur? sicut scriptum est: Quam speciosi pedes evangelizantium pacem, evangelizantium bona ! |
[No book] |
| [16]Sed non omnes obediunt Evangelio. Isaias enim dicit: Domine, quis credidit auditui nostro? |
[No book] |
| [17]Ergo fides ex auditu, auditus autem per verbum Christi. |
[No book] |
| [18]Sed dico: Numquid non audierunt? Et quidem in omnem terram exivit sonus eorum, et in fines orbis terræ verba eorum. |
[No book] |
| [19]Sed dico: Numquid Israël non cognovit? Primus Moyses dicit: Ego ad æmulationem vos adducam in non gentem: in gentem insipientem, in iram vos mittam. |
[No book] |
| [20]Isaias autem audet, et dicit: Inventus sum a non quærentibus me: palam apparui iis qui me non interrogabant. |
[No book] |
| [21]Ad Israël autem dicit: Tota die expandi manus meas ad populum non credentem, et contradicentem. |
[No book] |