|
|
| [1]Dico ergo: Numquid Deus repulit populum suum? Absit. Nam et ego Israëlita sum ex semine Abraham, de tribu Benjamin: |
[No book] |
| [2]non repulit Deus plebem suam, quam præscivit. An nescitis in Elia quid dicit Scriptura? quemadmodum interpellat Deum adversum Israël: |
[No book] |
| [3]Domine, prophetas tuos occiderunt, altaria tua suffoderunt: et ego relictus sum solus, et quærunt animam meam. |
[No book] |
| [4]Sed quid dicit illi divinum responsum? Reliqui mihi septem millia virorum, qui non curvaverunt genua ante Baal. |
[No book] |
| [5]Sic ergo et in hoc tempore reliquiæ secundum electionem gratiæ salvæ factæ sunt. |
[No book] |
| [6]Si autem gratia, jam non ex operibus: alioquin gratia jam non est gratia. |
[No book] |
| [7]Quid ergo? Quod quærebat Israël, hoc non est consecutus: electio autem consecuta est: ceteri vero excæcati sunt: |
[No book] |
| [8]sicut scriptum est: Dedit illis Deus spiritum compunctionis: oculos ut non videant, et aures ut non audiant, usque in hodiernum diem. |
[No book] |
| [9]Et David dicit: Fiat mensa eorum in laqueum, et in captionem, et in scandalum, et in retributionem illis. |
[No book] |
| [10]Obscurentur oculi eorum ne videant: et dorsum eorum semper incurva. |
[No book] |
| [11]Dico ergo: Numquid sic offenderunt ut caderent? Absit. Sed illorum delicto, salus est gentibus ut illos æmulentur. |
[No book] |
| [12]Quod si delictum illorum divitiæ sunt mundi, et diminutio eorum divitiæ gentium: quanto magis plenitudo eorum? |
[No book] |
| [13]Vobis enim dico gentibus: Quamdiu quidem ego sum gentium Apostolus, ministerium meum honorificabo, |
[No book] |
| [14]si quomodo ad æmulandum provocem carnem meam, et salvos faciam aliquos ex illis. |
[No book] |
| [15]Si enim amissio eorum, reconciliatio est mundi: quæ assumptio, nisi vita ex mortuis? |
[No book] |
| [16]Quod si delibatio sancta est, et massa: et si radix sancta, et rami. |
[No book] |
| [17]Quod si aliqui ex ramis fracti sunt, tu autem cum oleaster esses, insertus es in illis, et socius radicis, et pinguedinis olivæ factus es, |
[No book] |
| [18]noli gloriari adversus ramos. Quod si gloriaris: non tu radicem portas, sed radix te. |
[No book] |
| [19]Dices ergo: Fracti sunt rami ut ego inserar. |
[No book] |
| [20]Bene: propter incredulitatem fracti sunt. Tu autem fide stas: noli altum sapere, sed time. |
[No book] |
| [21]Si enim Deus naturalibus ramis non pepercit: ne forte nec tibi parcat. |
[No book] |
| [22]Vide ergo bonitatem, et severitatem Dei: in eos quidem qui ceciderunt, severitatem: in te autem bonitatem Dei, si permanseris in bonitate, alioquin et tu excideris. |
[No book] |
| [23]Sed et illi, si non permanserint in incredulitate, inserentur: potens est enim Deus iterum inserere illos. |
[No book] |
| [24]Nam si tu ex naturali excisus es oleastro, et contra naturam insertus es in bonam olivam: quanto magis ii qui secundum naturam inserentur suæ olivæ? |
[No book] |
| [25]Nolo enim vos ignorare, fratres, mysterium hoc (ut non sitis vobis ipsis sapientes), quia cæcitas ex parte contigit in Israël, donec plenitudo gentium intraret, |
[No book] |
| [26]et sic omnis Israël salvus fieret, sicut scriptum est: Veniet ex Sion, qui eripiat, et avertat impietatem a Jacob. |
[No book] |
| [27]Et hoc illis a me testamentum: cum abstulero peccata eorum. |
[No book] |
| [28]Secundum Evangelium quidem, inimici propter vos: secundum electionem autem, carissimi propter patres. |
[No book] |
| [29]Sine pœnitentia enim sunt dona et vocatio Dei. |
[No book] |
| [30]Sicut enim aliquando et vos non credidistis Deo, nunc autem misericordiam consecuti estis propter incredulitatem illorum: |
[No book] |
| [31]ita et isti nunc non crediderunt in vestram misericordiam: ut et ipsi misericordiam consequantur. |
[No book] |
| [32]Conclusit enim Deus omnia in incredulitate, ut omnium misereatur. |
[No book] |
| [33]O altitudo divitiarum sapientiæ, et scientiæ Dei: quam incomprehensibilia sunt judicia ejus, et investigabiles viæ ejus ! |
[No book] |
| [34]Quis enim cognovit sensum Domini? aut quis consiliarius ejus fuit? |
[No book] |
| [35]aut quis prior dedit illi, et retribuetur ei? |
[No book] |
| [36]Quoniam ex ipso, et per ipsum, et in ipso sunt omnia: ipsi gloria in sæcula. Amen. |
[No book] |