|
|
| [1]Infirmum autem in fide assumite, non in disceptationibus cogitationum. |
[No book] |
| [2]Alius enim credit se manducare omnia: qui autem infirmus est, olus manducet. |
[No book] |
| [3]Is qui manducat, non manducantem non spernat: et qui non manducat, manducantem non judicet: Deus enim illum assumpsit. |
[No book] |
| [4]Tu quis es, qui judicas alienum servum? domino suo stat, aut cadit: stabit autem: potens est enim Deus statuere illum. |
[No book] |
| [5]Nam alius judicat diem inter diem: alius autem judicat omnem diem: unusquisque in suo sensu abundet. |
[No book] |
| [6]Qui sapit diem, Domino sapit, et qui manducat, Domino manducat: gratias enim agit Deo. Et qui non manducat, Domino non manducat, et gratias agit Deo. |
[No book] |
| [7]Nemo enim nostrum sibi vivit, et nemo sibi moritur. |
[No book] |
| [8]Sive enim vivemus, Domino vivimus: sive morimur, Domino morimur. Sive ergo vivimus, sive morimur, Domini sumus. |
[No book] |
| [9]In hoc enim Christus mortuus est, et resurrexit: ut et mortuorum et vivorum dominetur. |
[No book] |
| [10]Tu autem quid judicas fratrem tuum? aut tu quare spernis fratrem tuum? omnes enim stabimus ante tribunal Christi. |
[No book] |
| [11]Scriptum est enim: Vivo ego, dicit Dominus, quoniam mihi flectetur omne genu: et omnis lingua confitebitur Deo. |
[No book] |
| [12]Itaque unusquisque nostrum pro se rationem reddet Deo. |
[No book] |
| [13]Non ergo amplius invicem judicemus: sed hoc judicate magis, ne ponatis offendiculum fratri, vel scandalum. |
[No book] |
| [14]Scio, et confido in Domino Jesu, quia nihil commune per ipsum, nisi ei qui existimat quid commune esset, illi commune est. |
[No book] |
| [15]Si enim propter cibum frater tuus contristatur, jam non secundum caritatem ambulas. Noli cibo tuo illum perdere, pro quo Christus mortuus est. |
[No book] |
| [16]Non ergo blasphemetur bonum nostrum. |
[No book] |
| [17]Non est enim regnum Dei esca et potus: sed justitia, et pax, et gaudium in Spiritu Sancto: |
[No book] |
| [18]qui enim in hoc servit Christo, placet Deo, et probatus est hominibus. |
[No book] |
| [19]Itaque quæ pacis sunt, sectemur: et quæ ædificationis sunt, in invicem custodiamus. |
[No book] |
| [20]Noli propter escam destruere opus Dei, omnia quidem sunt munda: sed malum est homini, qui per offendiculum manducat. |
[No book] |
| [21]Bonum est non manducare carnem, et non bibere vinum, neque in quo frater tuus offenditur, aut scandalizatur, aut infirmatur. |
[No book] |
| [22]Tu fidem habes? penes temetipsum habe coram Deo. Beatus qui non judicat semetipsum in eo quod probat. |
[No book] |
| [23]Qui autem discernit, si manducaverit, damnatus est: quia non ex fide. Omne autem, quod non est ex fide, peccatum est. |
[No book] |