|
|
| [1]Commendo autem vobis Phœben sororem nostram, quæ est in ministerio ecclesiæ, quæ est in Cenchris: |
[No book] |
| [2]ut eam suscipiatis in Domino digne sanctis: et assistatis ei in quocumque negotio vestri indiguerit: etenim ipsa quoque astitit multis, et mihi ipsi. |
[No book] |
| [3]Salutate Priscam et Aquilam, adjutores meos in Christo Jesu |
[No book] |
| [4](qui pro anima mea suas cervices supposuerunt: quibus non solus ego gratias ago, sed et cunctæ ecclesiæ gentium), |
[No book] |
| [5]et domesticam ecclesiam eorum. Salutate Epænetum dilectum mihi, qui est primitivus Asiæ in Christo. |
[No book] |
| [6]Salutate Mariam, quæ multum laboravit in vobis. |
[No book] |
| [7]Salutate Andronicum et Juniam, cognatos, et concaptivos meos: qui sunt nobiles in Apostolis, qui et ante me fuerunt in Christo. |
[No book] |
| [8]Salutate Ampliatum dilectissimum mihi in Domino. |
[No book] |
| [9]Salutate Urbanum adjutorem nostrum in Christo Jesu, et Stachyn dilectum meum. |
[No book] |
| [10]Salutate Apellen probum in Christo. |
[No book] |
| [11]Salutate eos qui sunt ex Aristoboli domo. Salutate Herodionem cognatum meum. Salutate eos qui sunt ex Narcisi domo, qui sunt in Domino. |
[No book] |
| [12]Salutate Tryphænam et Tryphosam, quæ laborant in Domino. Salutate Persidem carissimam, quæ multum laboravit in Domino. |
[No book] |
| [13]Salutate Rufum electum in Domino, et matrem ejus, et meam. |
[No book] |
| [14]Salutate Asyncritum, Phlegontem, Hermam, Patrobam, Hermen, et qui cum eis sunt, fratres. |
[No book] |
| [15]Salutate Philologum et Juliam, Nereum, et sororem ejus, et Olympiadem, et omnes qui cum eis sunt, sanctos. |
[No book] |
| [16]Salutate invicem in osculo sancto. Salutant vos omnes ecclesiæ Christi. |
[No book] |
| [17]Rogo autem vos fratres, ut observetis eos qui dissensiones et offendicula, præter doctrinam, quam vos didicistis, faciunt, et declinate ab illis. |
[No book] |
| [18]Hujuscemodi enim Christo Domino nostro non serviunt, sed suo ventri: et per dulces sermones et benedictiones seducunt corda innocentium. |
[No book] |
| [19]Vestra enim obedientia in omnem locum divulgata est. Gaudeo igitur in vobis. Sed volo vos sapientes esse in bono, et simplices in malo. |
[No book] |
| [20]Deus autem pacis conterat Satanam sub pedibus vestris velociter. Gratia Domini nostri Jesu Christi vobiscum. |
[No book] |
| [21]Salutat vos Timotheus adjutor meus, et Lucius, et Jason, et Sosipater cognati mei. |
[No book] |
| [22]Saluto vos ego Tertius, qui scripsi epistolam, in Domino. |
[No book] |
| [23]Salutat vos Cajus hospes meus, et universa ecclesia. Salutat vos Erastus arcarius civitatis, et Quartus, frater. |
[No book] |
| [24]Gratia Domini nostri Jesu Christi cum omnibus vobis. Amen. |
[No book] |
| [25]Ei autem, qui potens est vos confirmare juxta Evangelium meum, et prædicationem Jesu Christi, secundum revelationem mysterii temporibus æternis taciti |
[No book] |
| [26](quod nunc patefactum est per Scripturas prophetarum secundum præceptum æterni Dei, ad obeditionem fidei), in cunctis gentibus cogniti, |
[No book] |
| [27]soli sapienti Deo, per Jesum Christum, cui honor et gloria in sæcula sæculorum. Amen. |
[No book] |