«
Aleppo Codex (~920)
Alep
The Gospel of James
GspJam
   
Ruth
Rut
1
[1]ויהי בימי שפט השפטים ויהי רעב בארץ וילך איש מבית לחם יהודה לגור בשדי מואב־הוא ואשתו ושני בניו [No book]
[2]ושם האיש אלימלך ושם אשתו נעמי ושם שני בניו מחלון וכליון אפרתים־מבית לחם יהודה ויבאו שדי מואב ויהיו שם [No book]
[3]וימת אלימלך איש נעמי ותשאר היא ושני בניה [No book]
[4]וישאו להם נשים מאביות־שם האחת ערפה ושם השנית רות וישבו שם כעשר שנים [No book]
[5]וימתו גם שניהם מחלון וכליון ותשאר האשה משני ילדיה ומאישה [No book]
[6]ותקם היא וכלתיה ותשב משדי מואב כי שמעה בשדה מואב־כי פקד יהוה את עמו לתת להם לחם [No book]
[7]ותצא מן המקום אשר היתה שמה ושתי כלותיה עמה ותלכנה בדרך לשוב אל ארץ יהודה [No book]
[8]ותאמר נעמי לשתי כלתיה לכנה שבנה אשה לבית אמה יעשה [Q: יעש] יהוה עמכם חסד כאשר עשיתם עם המתים ועמדי [No book]
[9]יתן יהוה לכם ומצאן מנוחה אשה בית אישה ותשק להן ותשאנה קולן ותבכינה [No book]
[10]ותאמרנה לה כי אתך נשוב לעמך [No book]
[11]ותאמר נעמי שבנה בנתי למה תלכנה עמי העוד לי בנים במעי והיו לכם לאנשים [No book]
[12]שבנה בנתי לכן כי זקנתי מהיות לאיש כי אמרתי יש לי תקוה־גם הייתי הלילה לאיש וגם ילדתי בנים [No book]
[13]הלהן תשברנה עד אשר יגדלו הלהן תעגנה לבלתי היות לאיש אל בנתי כי מר לי מאד מכם־כי יצאה בי יד יהוה [No book]
[14]ותשנה קולן ותבכינה עוד ותשק ערפה לחמותה ורות דבקה בה [No book]
[15]ותאמר הנה שבה יבמתך אל עמה ואל אלהיה שובי אחרי יבמתך [No book]
[16]ותאמר רות אל תפגעי בי לעזבך לשוב מאחריך כי אל אשר תלכי אלך ובאשר תליני אלין־עמך עמי ואלהיך אלהי [No book]
[17]באשר תמותי אמות ושם אקבר כה יעשה יהוה לי וכה יוסיף־כי המות יפריד ביני ובינך [No book]
[18]ותרא כי מתאמצת היא ללכת אתה ותחדל לדבר אליה [No book]
[19]ותלכנה שתיהם עד בואנה בית לחם ויהי כבואנה בית לחם ותהם כל העיר עליהן ותאמרנה הזאת נעמי [No book]
[20]ותאמר אליהן אל תקראנה לי נעמי קראן לי מרא כי המר שדי לי מאד [No book]
[21]אני מלאה הלכתי וריקם השיבני יהוה למה תקראנה לי נעמי ויהוה ענה בי ושדי הרע לי [No book]
[22]ותשב נעמי ורות המואביה כלתה עמה השבה משדי מואב והמה באו בית לחם בתחלת קציר שערים [No book]
Source: unbound.biola.edu
Translation: M.R. James (1924)
Source: www.earlychristianwritings.com
Top