➖ »
«
➖ ➕
Peshitta OT
PesOT
The Epistle of Barnabas
EpiBar
   
Ruth
Rut
1
→
[1]ܘܲܗ̤ܘܵܐ ܒܝܵܘ̈ܡܲܝ ܕܲܝܵܢܹ̈ܐ: ܗܘܸܐ ܟܲܦܢܵܐ ܠܐܲܪܥܵܐ. ܘܐܸܙܲܠ ܓܲܒ̣ܪܵܐ ܡ̣ܢ ܒܹܝܬ̣ ܠܚܸܡ ܕܲܝܗܘܼܕܼܵܐ ܠܡܸܥܡܲܪ ܒܐܲܪܥܵܐ ܕܡܘܼܐܵܒ̣: ܗܸܘ ܘܐܲܢ̄ܬ̇ܬܹܗ ܘܲܒ̣ܢܵܘ̈ܗܝ: ܡܸܛܠ ܕܲܥܫܸܢ ܟܲܦܢܵܐ ܠܐܲܪܥܵܐ. [No book]
[2]ܘܲܫܡܹܗ ܠܓܲܒ̣ܪܵܐ ܐܹܠܝܼܡܲܠܟ: ܘܲܫܡܵܗ̇ ܕܐܲܢ̄ܬ̇ܬܹܗ ܢܲܥܡܝܼ. ܘܫܵܡܵܗܹ̈ܐ ܕܲܒ̣ܢܵܘ̈ܗܝ: ܡܲܠܝܘܿܢ ܘܟ̣ܠܝܘܿܢ: ܐܲܦܲܪ̈ܬ̣ܵܐܝܹܐ ܡ̣ܢ ܒܹܝܬ̣ ܠܚܸܡ ܕܲܝܼܗܘܼܕܼܵܐ. ܘܐܸܬ̣ܵܐܘ ܠܐܲܪܥܵܐ ܕܡܘܼܐܵܒ̣ ܠܡܸܥܡܲܪ ܬܲܡܵܢ. [No book]
[3]ܘܡܝܼܬ̣ܼ ܐܹܠܝܼܡܲܠܟ ܒܲܥܠܵܗ̇ ܕܢܲܥܡܝܼ: ܘܐܸܫܬܲܚܪܲܬ̤ ܗ̤ܝ ܘܲܬ̣ܪܹܝܢ ܒܢܹܝ̈ܗ̇. [No book]
[4]ܘܲܢܣܲܒ̣ܘ ܠܗܘܿܢ ܢܸܫܹ̈ܐ ܡܘܼ̈ܐܵܒ̣ܵܝܵܬ̣ܵܐ: ܫܡܵܗ̇ ܕܲܚܕܼܵܐ ܥܲܪܦܵܐ: ܘܲܫܡܵܗ̇ ܕܐܲܚܪܹܬ̣ܐ ܪܥܘܿܬ̣. ܘܲܥܡܲܪܘ ܬܲܡܵܢ ܐܲܝܟ ܫ̈ܢܲܝܵܐ ܥܝܲܪ. [No book]
[5]ܘܡܝܼܬ̣ܘ ܬܪ̈ܲܝܗܘܿܢ ܒܢܹܝ̈ܗ̇: ܡܲܠܝܘܿܢ ܘܟ̣ܠܝܘܿܢ: ܘܐܸܬ̣ܓܲܙܝܲܬ̤ ܐܲܢ̄ܬ̇ܬ̣ܵܐ ܡ̣ܢ ܒܲܥܠܵܗ̇ ܘܡ̣ܢ ܬܪܲܝܗܘܿܢ ܒܢܹܝ̈ܗ̇. [No book]
[6]ܘܗܸܦܟܲܬ̤ ܗ̤ܝ ܘܬܲܪܬܹܝܢ ܟܲܠ̈ܠܵܬ̣ܵܐ ܥܲܡܵܗ̇ ܡ̣ܢ ܐܲܪܥܵܐ ܕܡܘܼܐܵܒ̣. ܡܸ̰ܠ ܕܲܫܡܲܥ ܒܐܲܪܥܵܐ ܕܡܘܼܐܵܒ̣: ܕܲܣܥܲܪ ܡܵܪܝܵܐ ܠܥܲܡܹܗ ܠܡܸܬܲܠ ܠܗܘܿܢ ܡܵܙܘܿܢܵܐ. [No book]
[7]ܘܲܢܦܲܩ ܡ̣ܢ ܐܲܪܥܵܐ ܕܡܲܥܡܲܪܗܹܝܢ ܗ̤ܝ ܘܬܲܪܬܹܝܢ ܟܲܠ̈ܠܵܬ̣ܵܗ̇ ܥܲܡܵܗ̇: ܠܡܸܗܦܲܟ ܘܲܠܡܹܐܙܲܠ ܠܐܲܪܥܵܐ ܕܲܝܗܘܿܕܼܵܐ. [No book]
[8]ܘܐܸܡܪܲܬ̤ ܢܲܥܡܝܼ ܠܟܲܠ̈ܠܵܬ̣ܵܗ̇: ܗܦܘܿܟܹܝ̈ܢ ܙܸܠܹܝ̈ܢ ܠܐܲܬ̣ܪ̱ܟܹܝܢ ܘܲܠܒܹܝܬ̣ ܐ̄ܢܵܫܲܝ̈ܟܹܝܢ. ܘܡܵܪܝܵܐ ܢܸܥܒܸܕܼ ܥܲܡܟܹܢ ܪ̈ܲܚܡܹܐ: ܐܲܝܟ ܕܲܥܒܲܕܼܬܹܝ̈ܢ ܥܲܡܝ: ܘܥܲܡ ܬܪ̈ܲܝܗܘܿܢ ܒ̈ܢܲܝ ܕܡܝܼܬ̣ܘ. [No book]
[9]ܘܢܸܬܸܠܟܹܝܢ ܡܵܪܝܵܐ ܠܚܸܣܕܼܵܐ: ܘܬܸܫ̈ܟ̇ܚܵܢ ܢܚܵܚܵܐ ܒܹܝܬ̣ ܐܲܒ̣ܵܗܲܝ̈ܟܹ̇ܝܢ. ܘܢܸܫܩܲܬ̤ ܐܸܢܹܝܢ: ܘܐܲܪܝܼܡ ܩܵܠܗܹܝܢ ܘܲܒ̣̈ܟܲܝ. [No book]
[10]ܘܐܵܡܪ̈ܵܢ ܠܵܗ̇ ܠܵܐ: ܐܸܠܵܐ ܥܲܡܹܟ̣ܝ ܢܹܐܙܲܠ: ܠܐܲܪܥܹܟ̣ܝ ܘܲܠܥܲܡܹܟ̣ܝ. [No book]
[11]ܘܐܸܡܪܲܬ̤ ܠܗܹܝܢ ܢܲܥܡܝܼ: ܗܦܘܿܟܹ̈ܝܢ ܒ̈ܢܵܬ̣ܝ: ܐܵܙܠ̈ܢ ܬܢ̄ܬܹܝܢ ܥܲܡܝ. ܕܲܠܡܵܐ ܬܘܼܒ̣ ܢܸܗܘܘܿܢ ܠܝܼ ܒܢܲܝ̈ܵܐ ܘܐܸܬܸܠܟܹܝܢ ܠܗܘܿܢ. [No book]
[12]ܗܦܘܿܟܹܝ̈ܢ ܒܢܵܬ̣̈ܝ: ܡܸܛܠ ܕܐܸܢܵܐ ܣܸܐܒܹܬ̣ ܠܝܼ ܡ̣ܢ ܕܲܠܡܸܗܘܵܐ ܠܓܲܒ̣ܪܵܐ: ܕܐܹܡܲܪ ܕܬ̣ܘܼܒ̣ ܢܸܗܘܸܐ ܠܝܼ ܣܲܒ̣ܪܵܐ: ܘܐܸܗܘܸܐ ܠܓܲܒ̣ܪܵܐ ܘܐܵܘܠܸܕܼ ܒܢܲܝ̈ܵܐ. [No book]
[13]ܘܐܲܢ̄ܬܹܝܢ ܬܣܲܟ̈ܝܵܢ ܠܗܘܿܢ ܥܕܲܡܵܐ ܕܢܸܪܒ̇ܘܿܢ: ܘܬܸܬ̣ܥܲܟ̇ܪ̈ܵܢ ܡ̣ܢ ܕܲܠܡܸܗܘܵܐ ܠܓܲܒ̣ܪܵܐ. ܠܵܐ ܒܢܵܬ̣̈ܝ: ܡܸܛܠ ܕܡܸܪܲܬ̤ ܠܝܼ ܛܵܒ̣ ܥܠܲܝܟܹ̇ܝ: ܘܠܝܼ ܡܲܪܝܼܪܵܐ ܝܲܬ̇ܝܼܪ ܡܸܢܟܹܢ: ܡܸܛܠ ܕܐܝܼܕܹܗ ܕܡܵܪܝܵܐ ܢܸܦܩܲܬ̤ ܒܵܬܲܪܝ. [No book]
[14]ܘܐܲܪܝܼܡ ܬܘܼܒ̣ ܩܵܠܗܹܝܢ ܘܲܒ̣̈ܟ̣ܝ. ܘܢܸܫܩܲܬ̤ ܥܲܪܦܵܐ ܠܲܚܡܵܬ̣ܵܗ̇ ܘܗܸܦܟܲܬ̤̱ ܘܐܸܙܲܠ̄ܬ̤: ܪܥܘܿܬ̣ ܕܹܝܢ ܢܩܸܦܬ̣ܵܗ̇. [No book]
[15]ܘܐܸܡܪܲܬ̤ ܠܵܗ̇ ܚܡܵܬ̣ܵܗ̇: ܗܵܐ ܝܼܒܲܡܬܹܟ̣ܝ ܗܸܦܟܲܬ̤ ܠܥܲܡܵܗ̇ ܘܲܠܒܹܝܬ̣ ܐ̄ܢܵܫܹ̈ܗ̇: ܗܦܘܿܟ̣ܝ ܐܵܦ ܐܲܢ̄ܬ̇ܝ ܒܵܬܲܪ ܝܼܒܲܡܬܹܟ̣ܝ. [No book]
[16]ܘܐܸܡܪܲܬ̤ ܠܵܗ̇ ܪܥܘܿܬ̣: ܚܵܣ ܠܝܼ ܕܐܸܗܦܘܿܟ ܡ̣ܢ ܠܘܵܬܹܟ̣ܝ ܘܐܸܫܒ̇ܩܹܟ̣ܝ: ܡܸܛܠ ܕܠܲܐܬܲܪ ܕܬܹܐܙܠ̄ܝܼܢ ܐܹܙܲܠ: ܘܐܲܝܟܵܐ ܕܬܸܥܡܪܝܼܢ ܐܸܥܡܲܪ. ܥܲܡܹܟ̣ܝ ܥܲܡܝ: ܘܐܲܠܵܗܹܟ̣ܝ ܐܲܠܵܗܝ. [No book]
[17]ܘܐܲܬܲܪ ܕܲܬ̣ܡܘܼܬ̣ܝܼܢ: ܐܹܡܘܼܬ̣ ܐܵܦ ܬܸܢܵܐ ܘܐܸܬ̣ܩܒܲܪ. ܗܵܟܲܢܵܐ ܢܸܥܒܸ̇ܕܼ ܠܝܼ ܐܲܠܵܗܵܐ ܘܗܵܟܲܢܵܐ ܢܵܘܣܸܦ ܠܝܼ: ܐܸܠܵܐ ܐܸܢ ܡܵܘܬܵܐ ܒܲܠܚܘܿܕܼ ܢܸܦܪܘܿܫ ܒܲܝܢܲܝ ܘܠܹܟ̣ܝ. [No book]
[18]ܟܲܕܼ ܚܙܵܬ̤ ܕܹܝܢ ܢܲܥܡܝܼ ܕܫܲܪܝܼܪܵܐܝܼܬ̣ ܐܸܨܛܲܒ̣ܝܲܬ̤ ܠܡܹܐܙܲܠ ܥܲܡܵܗ̇: ܫܸܠܝܲܬ̤ ܡ̣ܢ ܕܲܠܡܹܐܡܲܪ ܠܵܗ̇ ܠܡܸܗܦܲܟ. [No book]
[19]ܘܐܸܬܲܝ̈ ܐܲܟ̣ܚ̄ܕܼܵܐ ܥܕܲܡܵܐ ܠܒܹܝܬ̣ ܠܚܸܡ ܕܲܝܗܘܼܕܼܵܐ: ܘܲܗܘ̤ܵܐ ܕܟܲܕܼ ܐܸܬܲܝ̈ ܠܒܹܝܬ̣ܠܚܸܡ: ܚܸܕܼܝܲܬ̤ ܒܗܹܝܢ ܟܠܵܗ̇ ܡܕܼܝܼܢ̄ܬܵܐ: ܘܐܵܡܪܝܼܢ ܗܵܕܐ ܗ̄ܝܼ ܢܲܥܢܝܼ. [No book]
[20]ܘܐܸܡܪܲܬ̤ ܠܗܹܝܢ ܠܵܐ ܬܸܩܪ̈ܝܵܢܵܢܝ ܢܲܥܢܝܼ: ܐܸܠܵܐ ܩܪ̈ܵܝܹܢܵܢܝ ܡܲܪܝܼܪܲܬ̣ ܢܲܦ̮ܫܵܐ: ܡܸܛܠ ܕܐܹܝܠܫܲܕܼܝ ܡܲܪܡܪܲܢܝ ܛܵܒ̣. [No book]
[21]ܡܲܠܝܵܐܝ̣ܬ̣ ܓܹܝܪ ܐܸܙܹܠ̄ܬ̣ ܡܸܟܵܐ: ܘܡܵܪܝܵܐ ܐܲܗܦܟܲܢܝ ܣܪܝܼܩܵܐܝܼܬ̣. ܘܲܠܡܵܢܵܐ ܡܸܟܹܝܠ ܩܵܪ̈ܝܵܢ ܐ̄ܢܬܹܝܢ ܠܝܼ ܢܲܥܡܝܼ ܕܡܵܪܝܵܐ ܡܲܟܟܲܢܢ: ܘܡ̇ܢ ܕܡܵܛܹܐ ܒܐܝܼܕܼܵܘ̈ܗܝ ܐܲܒ̣ܐܸܫ ܠܝܼ. [No book]
[22]ܘܗܸܦܟܲܬ̤ ܢܲܥܡܝܼ ܘܲܪܥܘܿܬ̣ ܡܘܼܐܵܒ̣ܵܝܬܵܐ ܟܲܠܬ̣ܵܗ̇ ܥܲܡܵܗ̇: ܕܐܸܨܛܲܒ̣ܝܲܬ̤ ܠܡܸܗܦܲܟ ܥܲܡܵܗ̇ ܒܠܸܒܵܐ ܫܲܠܡܵܐ. ܘܐܸܬܲܝ̈ ܡ̣ܢ ܐܲܪܥܵܐ ܕܡܘܼܐܵܒ̣ ܒܪܹܫ ܚܨܵܕܼܵܐ ܕܲܣܥܵܪܹ̈ܐ. [No book]
Translation: Charles H. Hoole (1885)
Source: www.earlychristianwritings.com
Top