|
|
| [1]ܘܝܼܬ̣ܒܲܬ̤ ܪܥܘܿܬ̣ ܥܲܡ ܚܡܵܬ̣ܵܗ̇: ܘܐܸܡܪܲܬ̤ ܠܵܗ̇ ܢܲܥܡܝܼ: ܒܪܲܬ̣ܝ: ܠܵܐ ܐܸܒ̣ܥܸܐ ܠܹܟ̣ܝ ܢܝܵܚܵܐ ܘܢܸܛܐܲܒ̣ ܠܹܟ̣ܝ. |
[No book] |
| [2]ܘܗܵܐ ܒܵܥܵܙ ܡܲܚܟ̇ܘܼܡܬ̣ܵܢ ܗ̄ܘ̣: ܗܵܘ̇ ܕܲܗ̤ܘܲܝܬ̇ܝ ܥܲܡ ܥܠܲܝ̈ܡܵܬܹܗ: ܘܗܵܐ ܒܗܵܢܵܐ ܠܸܠܝܵܐ ܐܸܕܼܪܵܐ ܕܲܣܥܵܪܹ̈ܐ ܟܵܫܹܐ. |
[No book] |
| [3]ܣܚܵܝ ܗܵܟܹܝܠ ܘܲܡܫܘܿܚܝ: ܘܐܸܨܛܲܒܲܬ̣ܝ ܒܲܠܒ̣ܘ̈ܫܲܝܟܝ: ܘܚܘܿܬ̣ܝ ܠܐܲܕ̇ܪܵܐ: ܘܠܵܐ ܬ̣ܬ̣ܚ̄ܙܹܝܢ ܠܹܗ: ܥܕܲܡܵܐ ܕܠܵܥܹܣ ܘܫܵܬܹܐ. |
[No book] |
| [4]ܘܢܸܗܘܸܐ ܡܵܐ ܕܕܵܡܹܟ: ܬܣܝܼܡܝܼܢ ܠܒ̣ܵܠܹܟ̣ܝ ܒܕܼܘܼܟ̇ܬ̣ܵܐ ܕܼܵܡܹܟ ܒܵܗ̇. ܘܬ̣ܩ̱ܪܒ̣ܝܼܢ ܘܬܸܕܼܡ̱ܟ̣ܝܼܢ ܠܘܵܬ̣ ܪܸ̈ܓ̣ܠܵܘܗܝ: ܘܗ̤ܘ ܢܹܐܡܲܪ ܠܹܟ̣ܝ ܡܵܐ ܕܬ̣ܥܒ̇ܕܼܝܼܢ. |
[No book] |
| [5]ܘܐܸܡܪܲܬ̤ ܠܵܗ̇: ܟܠܡܵܐ ܕܐܵܡܪܵܐ ܐܲܢ̄ܬ̇ܝ ܠܝܼ: ܐܸܥܒܸ̇ܕܼ. |
[No book] |
| [6]ܘܢܸܚܬ̣ܬ̣ ܠܐܸܕ̇ܪܵܐ: ܘܥܸܒ̣ܕܲܬ̤ ܟܠ ܡܵܐ ܕܦܲܩܸܕܼܬ̣ܵܗ̇ ܚܡܵܬ̣ܵܗ̇. |
[No book] |
| [7]ܘܟܲܕܼ ܐܸܟܲܠ ܒܵܙܵܥ ܘܐܸܫܬ̇ܝܼ: ܘܲܛܐܸܒ̣ ܠܸܒܹ̇ܗ: ܘܐܸܬ̣ܵܐ ܘܲܕܼܡܸܟ ܒܓܲܒܹ̇ܗ ܕܐܸܕ̇ܪܵܐ: ܘܲܒ̣ܡܲܚ̱ܠܝܵܐ ܕܫܸܢܬ̣ܵܐ ܟܲܕܼ ܕܵܡܹܟ ܒܸܐܕ̇ܪܵܐ: ܐܸܬ̣ܵܬ̤ ܗ̤ܝ ܒܛܘܼܫܝܵܐ: ܘܲܓ̣ܠܵܬ̤ ܠܟܸܢܦܵܐ ܕܡܲܪܛܘܼܛܹܗ: ܘܢܸܦܠܲܬ̤ ܠܘܿܬ̣ ܪܸ̈ܓ̣ܠܵܘܗܝ. |
[No book] |
| [8]ܘܲܗܘ̤ܵܐ ܒܦܸܠܓܹ̇ܗ ܕܠܸܠܝܵܐ: ܓܲܒ̣ܪܵܐ ܡ̣ܢ ܫܸܢܬܹܗ: ܘܲܬ̣ܘܲܗ ܕܲܚܙܵܐ ܐܲܢ̄ܬ̇ܬ̣ܵܐ ܕܕܲܡܟܵܐ ܠܘܵܬ̣ ܪܸ̈ܓ̣ܠܵܘܗܝ. |
[No book] |
| [9]ܘܐܸܡܲܪ ܠܵܗ̇ ܡܵܐ ܛܸܒܹ̇ܟ̣ܝ: ܘܐܸܡܪܲܬ̤ ܠܹܗ: ܐܸܢܵܐ ܐ̄ܬܵܐ ܪܥܘܿܬ̣ ܐܲܡܬ̣ܵܟ: ܐܸܠܵܐ ܟܲܣܵܐ ܠܐܲܡܬ̣ܵܟ ܒܟܸܢܦܵܐ ܕܡܲܪܛܘܼܛܵܟ: ܡܸܛܠ ܕܐܲܢ̄ܬ̇ ܗ̄ܘ̣ ܬܵܒܲܥ ܝܵܪܬ̇ܘܼܬ̣ܵܐ. |
[No book] |
| [10]ܘܬܸܡܲܪ ܠܵܗ̇ ܒܵܥܵܙ. ܒܪܝܼܟ̣ܵܐ ܐܲܢ̄ܬ̇ܝ ܠܐܲܠܵܗܵܐ ܒܪܲܬ̣ܝ: ܡܸܛܠ ܕܐܵܛܐܸܒ̣ܬ̇ܝ ܚܸܣܕܹܟ̣ܝ ܐ̄ܚܪܵܝܵܐ ܛܵܒ̣ ܡ̣ܢ ܩܲܕܼܡܵܝܵܐ: ܕܠܵܐ ܐܸܙܲܠܬ̇ܝ ܒܵܬܲܪ ܥܠܲܝܡܹ̈ܐ ܕܥܲܬ̇ܝܼܪܝܼܢ ܐܵܘ ܕܡܸܣܟܹܢܝܼܢ. |
[No book] |
| [11]ܘܗܵܫܵܐ ܒܪܲܬ̣ܝ ܠܵܐ ܬܸܕܼܚ̄ܠܝܼܢ: ܡܸܛܠ ܕܟ̣ܠ ܕܬܹܐܡܪܝܼܢ ܠܝܼ ܐܸܟܒܸܕܼ ܠܹܟ̣ܝ. ܝܵܕܼܥܵܐ ܓܹܝܪ ܟܠܵܗ̇ ܫܲܪܒ̇ܬ̣ܵܐ ܕܥܲܡܲܢ: ܕܐܲܢ̄ܬ̇ܬ̣ܵܐ ܐܲܢ̄ܬ̇ܝ ܕܥܘܼܫܢܵܐ. |
[No book] |
| [12]ܘܗܵܫܵܐ ܒܩܘܼܫܬܵܐ ܐܸܢܵܐ ܐ̄ܢܵܐ ܬܵܒܲܥ ܝܵܪܬ̇ܘܼܬ̣ܵܐ: ܒܪܲܡ ܕܹܝܢ ܐܝܼܬ̣ ܗ̄ܘ̣ ܐ̄ܚܪܹܢܵܐ ܬܵܒܲܥ ܝܵܪܬ̇ܘܼܬ̣ܵ ܕܗ̤ܘ ܩܲܪܝܼܒ̣ ܝܲܬ̇ܝܼܪ ܡܹܢܝ. |
[No book] |
| [13]ܘܗܵܫܵܐ ܟܲܬܲܪܝ ܝܵܘܡܵܢܵܐ ܘܒ̣ܘܼܬ̣ܝ ܥܲܕܼ ܢܵܓܸܗ̇ܐ. ܘܢܸܗܘܸܐ ܒܨܲܦܪܵܐ: ܐܸܢ ܬܲܒ̣ܥܹܟ̣ܝ: ܫܲܦܝܼܪ ܢܸܬ̣ܒܲܥ. ܘܐܸܢ ܕܹܝܢ ܠܵܐ ܢܸܨܒܸ̇ܐ ܕܢܸܬ̣ܒ̇ܥܹܟ̣ܝ: ܚܲܝ ܗ̄ܘ̣ ܡܵܪܝܵܐ ܐܸܢܵܐ ܐܸܬ̣ܒ̇ܥܹܟ̣ܝ. ܘܐܸܡܲܪ ܠܵܗ̇ ܕܡܲܟ̣ܝ ܥܲܕܼ ܨܲܦܪܵܐ. |
[No book] |
| [14]ܘܕܸܡܟ̇ܬ̤ ܠܘܵܬ̣ ܪܸ̈ܓ̣ܠܵܘܗܝ ܥܕܲܡܵܐ ܕܢܸܓ̣ܗܲܬ̤: ܘܩܵܡܲܬ̤ ܒܨܲܦܪܵܐ ܟܲܕܼ ܥܲܡܘܼܛ: ܥܲܕܼ ܠܵܐ ܐ̄ܢܵܫ ܢܸܕܲܥ ܠܚܲܒ̣ܪܹܗ: ܘܐܸܡܪܲܬ̤ ܠܹܗ: ܕܠܵܐ ܐ̄ܢܵܫ ܢܸܕܲܥ ܕܢܸܚܬܹ̇ܬ̣ ܠܘܵܬ̣ܵܟ ܠܐܸܕ̇ܪܵܐ. |
[No book] |
| [15]ܐܵܡܲܪ ܠܵܗ̇ ܒܵܥܵܙ: ܦܪܘܿܣܝ ܡܲܪܛܘܼܛܹܟ̣ܝ: ܘܦܸܪܣܲܬ̤: ܘܐܲܟ̇ܝܼܠ ܐܲܪܡܝܼ ܠܵܗ̇ ܫܬܵܐ ܟܲܝ̈ܠܝܼܢ ܕܲܣܥܵܪܹ̈ܐ: ܘܐܲܪܝܼܡ ܥܠܹܝܗ̇: ܘܫܸܩܠܲܬ̤ ܘܐܸܬ̣ܵܬ̤ ܠܲܡܕܼܝܼܢ̄ܬܵܐ. |
[No book] |
| [16]ܘܥܸܠܲܬ̤ ܠܘܵܬ̣ ܚܡܵܬ̣ܵܗ̇: ܬܵܡܪܵܐ ܠܵܗ̇ ܚܡܵܬ̣ܵܗ̇ ܡ̇ܢ ܐܲܢ̄ܬ̇ܝ ܒܪܲܬ̣ܝ. ܐܵܡܪܵܐ ܠܵܗ̇: ܐܸܢܵܐ ܐ̄ܢܵܐ ܪܥܘܿܬ̣: ܘܐܸܡܪܲܬ̣ ܠܵܗ̇ ܟܠܡܵܐ ܕܲܥܒܲܕܼ ܠܵܗ̇ ܒܵܥܵܙ. |
[No book] |
| [17]ܘܲܕܼܝܲܗ̄ܒ̣ ܠܵܗ̇ ܫܬܵܐ ܟܲܝ̈ܠܝܼܢ ܕܲܣܥܵܪܹ̈ܐ: ܘܕܐܸܡܲܪ ܠܵܗ̇ ܕܠܵܐ ܬܸܥܠܝܼܢ ܠܘܵܬ̣ ܚܡܵܬܹܟ̣ܝ ܣܪܝܼܩܵܐܝܼܬ̣. |
[No book] |
| [18]ܐܵܡܪܵܐ ܠܵܗ̇ ܚܡܵܬ̣ܵܗ̇: ܬܸܒ̣ܝ ܒܪܲܬ̣ܝ ܥܲܕܼ ܬܸܚܙܹܝܢ: ܠܵܐ ܓܹܝܪ ܫܵܠܹܐ ܓܲܒ̣ܪܵܐ ܥܕܲܡܵܐ ܕܲܡܩܲܪܸܒ ܠܹܗ ܕܝܼܢܵܐ ܝܵܘܡܵܢܵܐ. |
[No book] |