|
|
| [1]Sapientia humiliati exaltabit caput illius, et in medio magnatorum consedere illum faciet. |
[No book] |
| [2]Non laudes virum in specie sua, neque spernas hominem in visu suo. |
[No book] |
| [3]Brevis in volatilibus est apis, et initium dulcoris habet fructus illius. |
[No book] |
| [4]In vestitu ne glorieris umquam, nec in die honoris tui extollaris: quoniam mirabilia opera Altissimi solius, et gloriosa, et absconsa, et invisa opera illius. |
[No book] |
| [5]Multi tyranni sederunt in throno: et insuspicabilis portavit diadema. |
[No book] |
| [6]Multi potentes oppressi sunt valide, et gloriosi traditi sunt in manus alterorum. |
[No book] |
| [7]Priusquam interroges, ne vituperes quemquam: et cum interrogaveris, corripe juste. |
[No book] |
| [8]Priusquam audias, ne respondeas verbum: et in medio sermonum ne adjicias loqui. |
[No book] |
| [9]De ea re quæ te non molestat, ne certeris: et in judicio peccantium ne consistas. |
[No book] |
| [10]Fili, ne in multis sint actus tui: et si dives fueris, non eris immunis a delicto. Si enim secutus fueris, non apprehendes: et non effugies, si præcucurreris. |
[No book] |
| [11]Est homo laborans et festinans, et dolens: impius, et tanto magis non abundabit. |
[No book] |
| [12]Est homo marcidus egens recuperatione, plus deficiens virtute, et abundans paupertate: |
[No book] |
| [13]et oculus Dei respexit illum in bono, et erexit eum ab humilitate ipsius, et exaltavit caput ejus: et mirati sunt in illo multi, et honoraverunt Deum. |
[No book] |
| [14]Bona et mala, vita et mors, paupertas et honestas, a Deo sunt: |
[No book] |
| [15]sapientia, et disciplina, et scientia legis, apud Deum: dilectio, et viæ bonorum, apud ipsum. |
[No book] |
| [16]Error et tenebræ peccatoribus concreata sunt: qui autem exsultant in malis consenescunt in malo. |
[No book] |
| [17]Datio Dei permanet justis, et profectus illius successus habebit in æternum. |
[No book] |
| [18]Est qui locupletatur parce agendo, et hæc est pars mercedis illius. |
[No book] |
| [19]In eo quod dicit: Inveni requiem mihi, et nunc manducabo de bonis meis solus: |
[No book] |
| [20]et nescit quod tempus præteriet, et mors appropinquet, et relinquat omnia aliis, et morietur. |
[No book] |
| [21]Sta in testamento tuo, et in illo colloquere, et in opere mandatorum tuorum veterasce. |
[No book] |
| [22]Ne manseris in operibus peccatorum: confide autem in Deo, et mane in loco tuo. |
[No book] |
| [23]Facile est enim in oculis Dei subito honestare pauperem. |
[No book] |
| [24]Benedictio Dei in mercedem justi festinat, et in hora veloci processus illius fructificat. |
[No book] |
| [25]Ne dicas: Quid est mihi opus? et quæ erunt mihi ex hoc bona? |
[No book] |
| [26]Ne dicas: Sufficiens mihi sum: et quid ex hoc pessimabor? |
[No book] |
| [27]In die bonorum ne immemor sis malorum, et in die malorum ne immemor sis bonorum: |
[No book] |
| [28]quoniam facile est coram Deo in die obitus retribuere unicuique secundum vias suas. |
[No book] |
| [29]Malitia horæ oblivionem facit luxuriæ magnæ, et in fine hominis denudatio operum illius. |
[No book] |
| [30]Ante mortem ne laudes hominem quemquam: quoniam in filiis suis agnoscitur vir. |
[No book] |
| [31]Non omnem hominem inducas in domum tuam: multæ enim sunt insidiæ dolosi. |
[No book] |
| [32]Sicut enim eructant præcordia fœtentium, et sicut perdix inducitur in caveam, et ut caprea in laqueum: sic et cor superborum, et sicut prospector videns casum proximi sui. |
[No book] |
| [33]Bona enim in mala convertens insidiatur, et in electis imponet maculam. |
[No book] |
| [34]A scintilla una augetur ignis, et ab uno doloso augetur sanguis: homo vero peccator sanguini insidiatur. |
[No book] |
| [35]Attende tibi a pestifero, fabricat enim mala, ne inducat super te subsannationem in perpetuum. |
[No book] |
| [36]Admitte ad te alienigenam: et subvertet te in turbine, et abalienabit te a tuis propriis. |
[No book] |