|
|
| [1]Qui tetigerit picem inquinabitur ab ea: et qui communicaverit superbo induet superbiam. |
[No book] |
| [2]Pondus super se tollat qui honestiori se communicat, et ditiori te ne socius fueris. |
[No book] |
| [3]Quid communicabit cacabus ad ollam? quando enim se colliserint, confringetur. |
[No book] |
| [4]Dives injuste egit, et fremet: pauper autem læsus tacebit. |
[No book] |
| [5]Si largitus fueris, assumet te: et si non habueris, derelinquet te. |
[No book] |
| [6]Si habes, convivet tecum, et evacuabit te: et ipse non dolebit super te. |
[No book] |
| [7]Si necessarius illi fueris, supplantabit te, et subridens spem dabit, narrans tibi bona, et dicet: Quid opus est tibi? |
[No book] |
| [8]Et confundet te in cibis suis, donec te exinaniat bis et ter: et in novissimo deridebit te, et postea videns derelinquet te, et caput suum movebit ad te. |
[No book] |
| [9]Humiliare Deo, et exspecta manus ejus. |
[No book] |
| [10]Attende ne seductus in stultitiam humilieris. |
[No book] |
| [11]Noli esse humilis in sapientia tua, ne humiliatus in stultitiam seducaris. |
[No book] |
| [12]Advocatus a potentiore, discede: ex hoc enim magis te advocabit. |
[No book] |
| [13]Ne improbus sis, ne impingaris: et ne longe sis ab eo, ne eas in oblivionem. |
[No book] |
| [14]Ne retineas ex æquo loqui cum illo, nec credas multis verbis illius: ex multa enim loquela tentabit te, et subridens interrogabit te de absconditis tuis. |
[No book] |
| [15]Immitis animus illius conservabit verba tua: et non parcet de malitia, et de vinculis. |
[No book] |
| [16]Cave tibi, et attende diligenter auditui tuo, quoniam cum subversione tua ambulas: |
[No book] |
| [17]audiens vero illa, quasi in somnis vide, et vigilabis. |
[No book] |
| [18]Omni vita tua dilige Deum, et invoca illum in salute tua. |
[No book] |
| [19]Omne animal diligit simile sibi, sic et omnis homo proximum sibi. |
[No book] |
| [20]Omnis caro ad similem sibi conjungetur, et omnis homo simili sui sociabitur. |
[No book] |
| [21]Si communicabit lupus agno aliquando, sic peccator justo. |
[No book] |
| [22]Quæ communicatio sancto homini ad canem? aut quæ pars diviti ad pauperem? |
[No book] |
| [23]Venatio leonis onager in eremo: sic et pascua divitum sunt pauperes. |
[No book] |
| [24]Et sicut abominatio est superbo humilitas, sic et execratio divitis pauper. |
[No book] |
| [25]Dives commotus confirmatur ab amicis suis: humilis autem cum ceciderit, expelletur et a notis. |
[No book] |
| [26]Diviti decepto multi recuperatores: locutus est superbia, et justificaverunt illum. |
[No book] |
| [27]Humilis deceptus est, insuper et arguitur: locutus est sensate, et non est datus ei locus. |
[No book] |
| [28]Dives locutus est, et omnes tacuerunt, et verbum illius usque ad nubes perducent. |
[No book] |
| [29]Pauper locutus est, et dicunt: Quis est hic? et si offenderit, subvertent illum. |
[No book] |
| [30]Bona est substantia cui non est peccatum in conscientia: et nequissima paupertas in ore impii. |
[No book] |
| [31]Cor hominis immutat faciem illius, sive in bona, sive in mala. |
[No book] |
| [32]Vestigium cordis boni et faciem bonam difficile invenies, et cum labore. |
[No book] |