|
|
| [1]Beatus vir qui non est lapsus verbo ex ore suo, et non est stimulatus in tristitia delicti. |
[No book] |
| [2]Felix qui non habuit animi sui tristitiam, et non excidit a spe sua. |
[No book] |
| [3]Viro cupido et tenaci sine ratione est substantia: et homini livido ad quid aurum? |
[No book] |
| [4]Qui acervat ex animo suo injuste, aliis congregat, et in bonis illius alius luxuriabitur. |
[No book] |
| [5]Qui sibi nequam est, cui alii bonus erit? et non jucundabitur in bonis suis. |
[No book] |
| [6]Qui sibi invidet, nihil est illo nequius: et hæc redditio est malitiæ illius. |
[No book] |
| [7]Et si bene fecerit, ignoranter et non volens facit: et in novissimo manifestat malitiam suam. |
[No book] |
| [8]Nequam est oculus lividi: et avertens faciem suam, et despiciens animam suam. |
[No book] |
| [9]Insatiabilis oculus cupidi in parte iniquitatis: non satiabitur donec consumat arefaciens animam suam. |
[No book] |
| [10]Oculus malus ad mala, et non saturabitur pane, sed indigens et in tristitia erit super mensam suam. |
[No book] |
| [11]Fili, si habes, benefac tecum, et Deo dignas oblationes offer. |
[No book] |
| [12]Memor esto quoniam mors non tardat, et testamentum inferorum, quia demonstratum est tibi: testamentum enim hujus mundi morte morietur. |
[No book] |
| [13]Ante mortem benefac amico tuo, et secundum vires tuas exporrigens da pauperi. |
[No book] |
| [14]Non defrauderis a die bono, et particula boni doni non te prætereat. |
[No book] |
| [15]Nonne aliis relinques dolores et labores tuos in divisione sortis? |
[No book] |
| [16]Da et accipe, et justifica animam tuam. |
[No book] |
| [17]Ante obitum tuum operare justitiam, quoniam non est apud inferos invenire cibum. |
[No book] |
| [18]Omnis caro sicut fœnum veterascet, et sicut folium fructificans in arbore viridi. |
[No book] |
| [19]Alia generantur, et alia dejiciuntur: sic generatio carnis et sanguinis, alia finitur, et alia nascitur. |
[No book] |
| [20]Omne opus corruptibile in fine deficiet, et qui illud operatur ibit cum illo. |
[No book] |
| [21]Et omne opus electum justificabitur, et qui operatur illud honorabitur in illo. |
[No book] |
| [22]Beatus vir qui in sapientia morabitur, et qui in justitia sua meditabitur, et in sensu cogitabit circumspectionem Dei: |
[No book] |
| [23]qui excogitat vias illius in corde suo, et in absconditis suis intelligens, vadens post illam quasi investigator, et in viis illius consistens: |
[No book] |
| [24]qui respicit per fenestras illius, et in januis illius audiens: |
[No book] |
| [25]qui requiescit juxta domum illius, et in parietibus illius figens palum, statuet casulam suam ad manus illius, et requiescent in casula illius bona per ævum. |
[No book] |
| [26]Statuet filios suos sub tegmine illius, et sub ramis ejus morabitur. |
[No book] |
| [27]Protegetur sub tegmine illius a fervore, et in gloria ejus requiescet. |
[No book] |