|
|
| [1]Ne jucunderis in filiis impiis, si multiplicentur: nec oblecteris super ipsos, si non est timor Dei in illis. |
[No book] |
| [2]Non credas vitæ illorum, et ne respexeris in labores eorum. |
[No book] |
| [3]Melior est enim unus timens Deum, quam mille filii impii: |
[No book] |
| [4]et utile est mori sine filiis, quam relinquere filios impios. |
[No book] |
| [5]Ab uno sensato inhabitabitur patria: tribus impiorum deseretur. |
[No book] |
| [6]Multa talia vidit oculis meus, et fortiora horum audivit auris mea. |
[No book] |
| [7]In synagoga peccantium exardebit ignis, et in gente incredibili exardescet ira. |
[No book] |
| [8]Non exoraverunt pro peccatis suis antiqui gigantes, qui destructi sunt confidentes suæ virtuti. |
[No book] |
| [9]Et non pepercit peregrinationi Lot, et execratus est eos præ superbia verbi illorum. |
[No book] |
| [10]Non misertus est illis, gentem totam perdens, et extollentem se in peccatis suis. |
[No book] |
| [11]Et sicut sexcenta millia peditum, qui congregati sunt in duritia cordis sui: et si unus fuisset cervicatus, mirum si fuisset immunis. |
[No book] |
| [12]Misericordia enim et ira est cum illo: potens exoratio, et effundens iram. |
[No book] |
| [13]Secundum misericordiam suam, sic correptio illius homines secundum opera sua judicat. |
[No book] |
| [14]Non effugiet in rapina peccator, et non retardabit sufferentia misericordiam facientis. |
[No book] |
| [15]Omnis misericordia faciet locum unicuique, secundum meritum operum suorum, et secundum intellectum peregrinationis ipsius. |
[No book] |
| [16]Non dicas: A Deo abscondar: et ex summo, quis mei memorabitur? |
[No book] |
| [17]in populo magno non agnoscar: quæ est enim anima mea in tam immensa creatura? |
[No book] |
| [18]Ecce cælum et cæli cælorum, abyssus, et universa terra, et quæ in eis sunt, in conspectu illius commovebuntur. |
[No book] |
| [19]Montes simul, et colles, et fundamenta terræ, cum conspexerit illa Deus, tremore concutientur. |
[No book] |
| [20]Et in omnibus his insensatum est cor, et omne cor intelligitur ab illo. |
[No book] |
| [21]Et vias illius quis intelligit, et procellam quam nec oculus videbit hominis? |
[No book] |
| [22]Nam plurima illius opera sunt in absconsis: sed opera justitiæ ejus quis enuntiabit, aut quis sustinebit? longe enim est testamentum a quibusdam, et interrogatio omnium in consummatione est. |
[No book] |
| [23]Qui minoratur corde cogitat inania, et vir imprudens et errans cogitat stulta. |
[No book] |
| [24]Audi me, fili, et disce disciplinam sensus, et in verbis meis attende in corde tuo: |
[No book] |
| [25]et dicam in æquitate disciplinam, et scrutabor enarrare sapientiam: et in verbis meis attende in corde tuo, et dico in æquitate spiritus virtutes quas posuit Deus in opera sua ab initio, et in veritate enuntio scientiam ejus. |
[No book] |
| [26]In judicio Dei opera ejus ab initio, et ab institutione ipsorum distinxit partes illorum, et initia eorum in gentibus suis. |
[No book] |
| [27]Ornavit in æternum opera illorum: nec esurierunt, nec laboraverunt, et non destiterunt ab operibus suis. |
[No book] |
| [28]Unusquisque proximum sibi non angustiabit in æternum: |
[No book] |
| [29]non sis incredibilis verbo illius. |
[No book] |
| [30]Post hæc Deus in terram respexit, et implevit illam bonis suis: |
[No book] |
| [31]anima omnis vitalis denuntiavit ante faciem ipsius, et in ipsam iterum reversio illorum. |
[No book] |