|
|
| [1]Deus creavit de terra hominem, et secundum imaginem suam fecit illum: |
[No book] |
| [2]et iterum convertit illum in ipsam, et secundum se vestivit illum virtute. |
[No book] |
| [3]Numerum dierum et tempus dedit illi, et dedit illi potestatem eorum quæ sunt super terram. |
[No book] |
| [4]Posuit timorem illius super omnem carnem, et dominatus est bestiarum et volatilium. |
[No book] |
| [5]Creavit ex ipso adjutorium simile sibi: consilium, et linguam, et oculos, et aures, et cor dedit illis excogitandi, et disciplina intellectus replevit illos. |
[No book] |
| [6]Creavit illis scientiam spiritus, sensu implevit cor illorum, et mala et bona ostendit illis. |
[No book] |
| [7]Posuit oculum suum super corda illorum, ostendere illis magnalia operum suorum: |
[No book] |
| [8]ut nomen sanctificationis collaudent, et gloriari in mirabilibus illius; ut magnalia enarrent operum ejus. |
[No book] |
| [9]Addidit illis disciplinam, et legem vitæ hæreditavit illos. |
[No book] |
| [10]Testamentum æternum constituit cum illis, et justitiam et judicia sua ostendit illis. |
[No book] |
| [11]Et magnalia honoris ejus vidit oculus illorum, et honorem vocis audierunt aures illorum. Et dixit illis: Attendite ab omni iniquo. |
[No book] |
| [12]Et mandavit illis unicuique de proximo suo. |
[No book] |
| [13]Viæ illorum coram ipso sunt semper: non sunt absconsæ ab oculis ipsius. |
[No book] |
| [14]In unamquamque gentem præposuit rectorem: |
[No book] |
| [15]et pars Dei Israël facta est manifesta. |
[No book] |
| [16]Et omnia opera illorum velut sol in conspectu Dei: et oculi ejus sine intermissione inspicientes in viis eorum. |
[No book] |
| [17]Non sunt absconsa testamenta per iniquitatem illorum, et omnes iniquitates eorum in conspectu Dei. |
[No book] |
| [18]Eleemosyna viri quasi signaculum cum ipso, et gratiam hominis quasi pupillam conservabit. |
[No book] |
| [19]Et postea resurget, et retribuet illis retributionem, unicuique in caput ipsorum, et convertet in interiores partes terræ. |
[No book] |
| [20]Pœnitentibus autem dedit viam justitiæ, et confirmavit deficientes sustinere, et destinavit illis sortem veritatis. |
[No book] |
| [21]Convertere ad Dominum, et relinque peccata tua: |
[No book] |
| [22]precare ante faciem Domini, et minue offendicula. |
[No book] |
| [23]Revertere ad Dominum, et avertere ab injustitia tua, et nimis odito execrationem: |
[No book] |
| [24]et cognosce justitias et judicia Dei, et sta in sorte propositionis, et orationis altissimi Dei. |
[No book] |
| [25]In partes vade sæculi sancti, cum vivis et dantibus confessionem Deo. |
[No book] |
| [26]Non demoreris in errore impiorum: ante mortem confitere: a mortuo, quasi nihil, perit confessio. |
[No book] |
| [27]Confiteberis vivens, vivus et sanus confiteberis: et laudabis Deum, et gloriaberis in miserationibus illius. |
[No book] |
| [28]Quam magna misericordia Domini, et propitiatio illius convertentibus ad se ! |
[No book] |
| [29]Nec enim omnia possunt esse in hominibus, quoniam non est immortalis filius hominis, et in vanitate malitiæ placuerunt. |
[No book] |
| [30]Quid lucidius sole? et hic deficiet; aut quid nequius quam quod excogitavit caro et sanguis? et hoc arguetur. |
[No book] |
| [31]Virtutem altitudinis cæli ipse conspicit: et omnes homines terra et cinis. |
[No book] |