|
|
| [1]Qui vivet in æternum creavit omnia simul. Deus solus justificabitur, et manet invictus rex in æternum. |
[No book] |
| [2]Quis sufficit enarrare opera illius? |
[No book] |
| [3]quis enim investigabit magnalia ejus? |
[No book] |
| [4]virtutem autem magnitudinis ejus quis enuntiabit? aut quis adjiciet enarrare misericordiam ejus? |
[No book] |
| [5]Non est minuere neque adjicere, nec est invenire magnalia Dei. |
[No book] |
| [6]Cum consummaverit homo, tunc incipiet: et cum quieverit, aporiabitur. |
[No book] |
| [7]Quid est homo? et quæ est gratia illius? et quid bonum aut quid nequam illius? |
[No book] |
| [8]Numerus dierum hominum, ut multum centum anni, quasi gutta aquæ maris deputati sunt: et sicut calculus arenæ, sic exigui anni in die ævi. |
[No book] |
| [9]Propter hoc patiens est Deus in illis, et effundit super eos misericordiam suam. |
[No book] |
| [10]Vidit præsumptionem cordis eorum, quoniam mala est: et cognovit subversionem illorum, quoniam nequam est. |
[No book] |
| [11]Ideo adimplevit propitiationem suam in illis, et ostendit eis viam æquitatis. |
[No book] |
| [12]Miseratio hominis circa proximum suum: misericordia autem Dei super omnem carnem. |
[No book] |
| [13]Qui misericordiam habet, docet et erudit quasi pastor gregem suum. |
[No book] |
| [14]Miseretur excipientis doctrinam miserationis, et qui festinat in judiciis ejus. |
[No book] |
| [15]Fili, in bonis non des querelam, et in omni dato non des tristitiam verbi mali. |
[No book] |
| [16]Nonne ardorem refrigerabit ros? sic et verbum melius quam datum. |
[No book] |
| [17]Nonne ecce verbum super datum bonum? sed utraque cum homine justificato. |
[No book] |
| [18]Stultus acriter improperabit: et datus indisciplinati tabescere facit oculos. |
[No book] |
| [19]Ante judicium para justitiam tibi, et antequam loquaris, disce. |
[No book] |
| [20]Ante languorem adhibe medicinam: et ante judicium interroga teipsum, et in conspectu Dei invenies propitiationem. |
[No book] |
| [21]Ante languorem humilia te, et in tempore infirmitatis ostende conversationem tuam. |
[No book] |
| [22]Non impediaris orare semper, et ne verearis usque ad mortem justificari, quoniam merces Dei manet in æternum. |
[No book] |
| [23]Ante orationem præpara animam tuam, et noli esse quasi homo qui tentat Deum. |
[No book] |
| [24]Memento iræ in die consummationis, et tempus retributionis in conversatione faciei. |
[No book] |
| [25]Memento paupertatis in tempore abundantiæ, et necessitatum paupertatis in die divitiarum. |
[No book] |
| [26]A mane usque ad vesperam immutabitur tempus, et hæc omnia citata in oculis Dei. |
[No book] |
| [27]Homo sapiens in omnibus metuet, et in diebus delictorum attendet ab inertia. |
[No book] |
| [28]Omnis astutus agnoscit sapientiam, et invenienti eam dabit confessionem. |
[No book] |
| [29]Sensati in verbis et ipsi sapienter egerunt, et intellexerunt veritatem et justitiam, et impleverunt proverbia et judicia. |
[No book] |
| [30]Post concupiscentias tuas non eas, et a voluntate tua avertere. |
[No book] |
| [31]Si præstes animæ tuæ concupiscentias ejus, faciat te in gaudium inimicis tuis. |
[No book] |
| [32]Ne oblecteris in turbis nec in modicis: assidua enim est commissio illorum. |
[No book] |
| [33]Ne fueris mediocris in contentione ex fœnore, et est tibi nihil in sacculo: eris enim invidus vitæ tuæ. |
[No book] |