|
|
| [1]Sapientia laudabit animam suam, et in Deo honorabitur, et in medio populi sui gloriabitur, |
[No book] |
| [2]et in ecclesiis Altissimi aperiet os suum, et in conspectu virtutis illius gloriabitur, |
[No book] |
| [3]et in medio populi sui exaltabitur, et in plenitudine sancta admirabitur, |
[No book] |
| [4]et in multitudine electorum habebit laudem, et inter benedictos benedicetur, dicens: |
[No book] |
| [5]Ego ex ore Altissimi prodivi, primogenita ante omnem creaturam. |
[No book] |
| [6]Ego feci in cælis ut oriretur lumen indeficiens, et sicut nebula texi omnem terram. |
[No book] |
| [7]Ego in altissimis habitavi, et thronus meus in columna nubis. |
[No book] |
| [8]Gyrum cæli circuivi sola, et profundum abyssi penetravi: in fluctibus maris ambulavi. |
[No book] |
| [9]Et in omni terra steti: et in omni populo, |
[No book] |
| [10]et in omni gente primatum habui: |
[No book] |
| [11]et omnium excellentium et humilium corda virtute calcavi. Et in his omnibus requiem quæsivi, et in hæreditate Domini morabor. |
[No book] |
| [12]Tunc præcepit, et dixit mihi Creator omnium: et qui creavit me, requievit in tabernaculo meo. |
[No book] |
| [13]Et dixit mihi: In Jacob inhabita, et in Israël hæreditare, et in electis meis mitte radices. |
[No book] |
| [14]Ab initio et ante sæcula creata sum, et usque ad futurum sæculum non desinam: et in habitatione sancta coram ipso ministravi. |
[No book] |
| [15]Et sic in Sion firmata sum, et in civitate sanctificata similiter requievi, et in Jerusalem potestas mea. |
[No book] |
| [16]Et radicavi in populo honorificato, et in parte Dei mei hæreditas illius, et in plenitudine sanctorum detentio mea. |
[No book] |
| [17]Quasi cedrus exaltata sum in Libano, et quasi cypressus in monte Sion: |
[No book] |
| [18]quasi palma exaltata sum in Cades, et quasi plantatio rosæ in Jericho: |
[No book] |
| [19]quasi oliva speciosa in campis, et quasi platanus exaltata sum juxta aquam in plateis. |
[No book] |
| [20]Sicut cinnamomum et balsamum aromatizans odorem dedi; quasi myrrha electa dedi suavitatem odoris: |
[No book] |
| [21]et quasi storax, et galbanus, et ungula, et gutta, et quasi Libanus non incisus vaporavi habitationem meam, et quasi balsamum non mistum odor meus. |
[No book] |
| [22]Ego quasi terebinthus extendi ramos meos, et rami mei honoris et gratiæ. |
[No book] |
| [23]Ego quasi vitis fructificavi suavitatem odoris: et flores mei fructus honoris et honestatis. |
[No book] |
| [24]Ego mater pulchræ dilectionis, et timoris, et agnitionis, et sanctæ spei. |
[No book] |
| [25]In me gratia omnis viæ et veritatis: in me omnis spes vitæ et virtutis. |
[No book] |
| [26]Transite ad me, omnes qui concupiscitis me, et a generationibus meis implemini: |
[No book] |
| [27]spiritus enim meus super mel dulcis, et hæreditas mea super mel et favum. |
[No book] |
| [28]Memoria mea in generatione sæculorum. |
[No book] |
| [29]Qui edunt me, adhuc esurient, et qui bibunt me, adhuc sitient. |
[No book] |
| [30]Qui audit me non confundetur, et qui operantur in me non peccabunt: |
[No book] |
| [31]qui elucidant me, vitam æternam habebunt. |
[No book] |
| [32]Hæc omnia liber vitæ, et testamentum Altissimi, et agnitio veritatis. |
[No book] |
| [33]Legem mandavit Moyses in præceptis justitiarum, et hæreditatem domui Jacob, et Israël promissiones. |
[No book] |
| [34]Posuit David, puero suo, excitare regem ex ipso fortissimum, et in throno honoris sedentem in sempiternum. |
[No book] |
| [35]Qui implet quasi Phison sapientiam, et sicut Tigris in diebus novorum: |
[No book] |
| [36]qui adimplet quasi Euphrates sensum, qui multiplicat quasi Jordanis in tempore messis: |
[No book] |
| [37]qui mittit disciplinam sicut lucem, et assistens quasi Gehon in die vindemiæ. |
[No book] |
| [38]Qui perficit primus scire ipsam, et infirmior non investigabit eam. |
[No book] |
| [39]A mari enim abundavit cogitatio ejus, et consilium illius ab abysso magna. |
[No book] |
| [40]Ego sapientiam effudi flumina: |
[No book] |
| [41]ego quasi trames aquæ immensæ de fluvio: ego quasi fluvii dioryx, et sicut aquæductus exivi de paradiso. |
[No book] |
| [42]Dixi: Rigabo hortum meum plantationum, et inebriabo prati mei fructum. |
[No book] |
| [43]Et ecce factus est mihi trames abundans, et fluvius meus appropinquavit ad mare: |
[No book] |
| [44]quoniam doctrinam quasi antelucanum illumino omnibus, et enarrabo illam usque ad longinquum. |
[No book] |
| [45]Penetrabo omnes inferiores partes terræ, et inspiciam omnes dormientes, et illuminabo omnes sperantes in Domino. |
[No book] |
| [46]Adhuc doctrinam quasi prophetiam effundam, et relinquam illam quærentibus sapientiam, et non desinam in progenies illorum usque in ævum sanctum. |
[No book] |
| [47]Videte quoniam non soli mihi laboravi, sed omnibus exquirentibus veritatem. |
[No book] |