|
|
| [1]In tribus placitum est spiritui meo, quæ sunt probata coram Deo et hominibus: |
[No book] |
| [2]concordia fratrum, et amor proximorum, et vir et mulier bene sibi consentientes. |
[No book] |
| [3]Tres species odivit anima mea, et aggravor valde animæ illorum: |
[No book] |
| [4]pauperem superbum, divitem mendacem, senem fatuum et insensatum. |
[No book] |
| [5]Quæ in juventute tua non congregasti, quomodo in senectute tua invenies? |
[No book] |
| [6]Quam speciosum canitiei judicium, et presbyteris cognoscere consilium ! |
[No book] |
| [7]Quam speciosa veteranis sapientia, et gloriosus intellectus et consilium ! |
[No book] |
| [8]Corona senum multa peritia, et gloria illorum timor Dei. |
[No book] |
| [9]Novem insuspicabilia cordis magnificavi: et decimum dicam in lingua hominibus: |
[No book] |
| [10]homo qui jucundatur in filiis, vivens et videns subversionem inimicorum suorum. |
[No book] |
| [11]Beatus qui habitat cum muliere sensata, et qui lingua sua non est lapsus, et qui non servivit indignis se. |
[No book] |
| [12]Beatus qui invenit amicum verum, et qui enarrat justitiam auri audienti. |
[No book] |
| [13]Quam magnus qui invenit sapientiam et scientiam ! sed non est super timentem Dominum. |
[No book] |
| [14]Timor Dei super omnia se superposuit. |
[No book] |
| [15]Beatus homo cui donatum est habere timorem Dei: qui tenet illum, cui assimilabitur? |
[No book] |
| [16]Timor Dei initium dilectionis ejus: fidei autem initium agglutinandum est ei. |
[No book] |
| [17]Omnis plaga tristitia cordis est, et omnis malitia nequitia mulieris. |
[No book] |
| [18]Et omnem plagam, et non plagam videbit cordis: |
[No book] |
| [19]et omnem nequitiam, et non nequitiam mulieris: |
[No book] |
| [20]et omnem obductum, et non obductum odientium: |
[No book] |
| [21]et omnem vindictam, et non vindictam inimicorum. |
[No book] |
| [22]Non est caput nequius super caput colubri, |
[No book] |
| [23]et non est ira super iram mulieris. Commorari leoni et draconi placebit, quam habitare cum muliere nequam. |
[No book] |
| [24]Nequitia mulieris immutat faciem ejus: et obcæcat vultum suum tamquam ursus, et quasi saccum ostendit. In medio proximorum ejus |
[No book] |
| [25]ingemuit vir ejus, et audiens suspiravit modicum. |
[No book] |
| [26]Brevis omnis malitia super malitiam mulieris: sors peccatorum cadat super illam. |
[No book] |
| [27]Sicut ascensus arenosus in pedibus veterani, sic mulier linguata homini quieto. |
[No book] |
| [28]Ne respicias in mulieris speciem, et non concupiscas mulierem in specie. |
[No book] |
| [29]Mulieris ira, et irreverentia, et confusio magna. |
[No book] |
| [30]Mulier si primatum habeat, contraria est viro suo. |
[No book] |
| [31]Cor humile, et facies tristis, et plaga cordis, mulier nequam. |
[No book] |
| [32]Manus debiles et genua dissoluta, mulier quæ non beatificat virum suum. |
[No book] |
| [33]A muliere initium factum est peccati, et per illam omnes morimur. |
[No book] |
| [34]Non des aquæ tuæ exitum, nec modicum: nec mulieri nequam veniam prodeundi. |
[No book] |
| [35]Si non ambulaverit ad manum tuam, confundet te in conspectu inimicorum. |
[No book] |
| [36]A carnibus tuis abscinde illam, ne semper te abutatur. |
[No book] |