|
|
| [1]Vana spes et mendacium viro insensato: et somnia extollunt imprudentes. |
[No book] |
| [2]Quasi qui apprehendit umbram et persequitur ventum, sic et qui attendit ad visa mendacia. |
[No book] |
| [3]Hoc secundum hoc visio somniorum, ante faciem hominis similitudo hominis. |
[No book] |
| [4]Ab immundo, quid mundabitur? et a mendace, quid verum dicetur? |
[No book] |
| [5]Divinatio erroris, et auguria mendacia, et somnia malefacientium, vanitas est: |
[No book] |
| [6]et sicut parturientis, cor tuum phantasias patitur. Nisi ab Altissimo fuerit emissa visitatio, ne dederis in illis cor tuum: |
[No book] |
| [7]multos enim errare fecerunt somnia, et exciderunt sperantes in illis. |
[No book] |
| [8]Sine mendacio consummabitur verbum legis, et sapientia in ore fidelis complanabitur. |
[No book] |
| [9]Qui non est tentatus quid scit? vir in multis expertus cogitabit multa: et qui multa didicit enarrabit intellectum. |
[No book] |
| [10]Qui non est expertus pauca recognoscit: qui autem in multis factus est, multiplicat malitiam. |
[No book] |
| [11]Qui tentatus non est qualia scit? qui implanatus est abundabit nequitia. |
[No book] |
| [12]Multa vidi errando, et plurimas verborum consuetudines. |
[No book] |
| [13]Aliquoties usque ad mortem periclitatus sum horum causa, et liberatus sum gratia Dei. |
[No book] |
| [14]Spiritus timentium Deum quæritur, et in respectu illius benedicetur. |
[No book] |
| [15]Spes enim illorum in salvantem illos, et oculi Dei in diligentes se. |
[No book] |
| [16]Qui timet Dominum nihil trepidabit: et non pavebit, quoniam ipse est spes ejus. |
[No book] |
| [17]Timentis Dominum, beata est anima ejus. |
[No book] |
| [18]Ad quem respicit, et quis est fortitudo ejus? |
[No book] |
| [19]Oculi Domini super timentes eum: protector potentiæ, firmamentum virtutis, tegimen ardoris, et umbraculum meridiani: |
[No book] |
| [20]deprecatio offensionis, et adjutorium casus: exaltans animam, et illuminans oculos, dans sanitatem, et vitam, et benedictionem. |
[No book] |
| [21]Immolantis ex iniquo oblatio est maculata, et non sunt beneplacitæ subsannationes injustorum. |
[No book] |
| [22]Dominus solus sustinentibus se in via veritatis et justitiæ. |
[No book] |
| [23]Dona iniquorum non probat Altissimus, nec respicit in oblationes iniquorum, nec in multitudine sacrificiorum eorum propitiabitur peccatis. |
[No book] |
| [24]Qui offert sacrificium ex substantia pauperum, quasi qui victimat filium in conspectu patris sui. |
[No book] |
| [25]Panis egentium vita pauperum est: qui defraudat illum homo sanguinis est. |
[No book] |
| [26]Qui aufert in sudore panem, quasi qui occidit proximum suum. |
[No book] |
| [27]Qui effundit sanguinem, et qui fraudem facit mercenario, fratres sunt. |
[No book] |
| [28]Unus ædificans, et unus destruens: quid prodest illis, nisi labor? |
[No book] |
| [29]Unus orans, et unus maledicens: cujus vocem exaudiet Deus? |
[No book] |
| [30]Qui baptizatur a mortuo, et iterum tangit eum, quid proficit lavatio illius? |
[No book] |
| [31]Sic homo qui jejunat in peccatis suis, et iterum eadem faciens: quid proficit humiliando se? orationem illius quis exaudiet? |
[No book] |