|
|
| [1]Qui conservat legem multiplicat oblationem. |
[No book] |
| [2]Sacrificium salutare est attendere mandatis, et discedere ab omni iniquitate. |
[No book] |
| [3]Et propitiationem litare sacrificii super injustitias: et deprecatio pro peccatis, recedere ab injustitia. |
[No book] |
| [4]Retribuet gratiam qui offert similaginem: et qui facit misericordiam offert sacrificium. |
[No book] |
| [5]Beneplacitum est Domino recedere ab iniquitate: et deprecatio pro peccatis recedere ab injustitia. |
[No book] |
| [6]Non apparebis ante conspectum Domini vacuus: |
[No book] |
| [7]hæc enim omnia propter mandatum Dei fiunt. |
[No book] |
| [8]Oblatio justi impinguat altare, et odor suavitatis est in conspectu Altissimi. |
[No book] |
| [9]Sacrificium justi acceptum est, et memoriam ejus non obliviscetur Dominus. |
[No book] |
| [10]Bono animo gloriam redde Deo, et non minuas primitias manuum tuarum. |
[No book] |
| [11]In omni dato hilarem fac vultum tuum, et in exsultatione sanctifica decimas tuas. |
[No book] |
| [12]Da Altissimo secundum datum ejus, et in bono oculo adinventionem facito manuum tuarum, |
[No book] |
| [13]quoniam Dominus retribuens est, et septies tantum reddet tibi. |
[No book] |
| [14]Noli offerre munera prava, non enim suscipiet illa. |
[No book] |
| [15]Et noli inspicere sacrificum injustum, quoniam Dominus judex est, et non est apud illum gloria personæ. |
[No book] |
| [16]Non accipiet Dominus personam in pauperem, et deprecationem læsi exaudiet. |
[No book] |
| [17]Non despiciet preces pupilli, nec viduam, si effundat loquelam gemitus. |
[No book] |
| [18]Nonne lacrimæ viduæ ad maxillam descendunt, et exclamatio ejus super deducentem eas? |
[No book] |
| [19]A maxilla enim ascendunt usque ad cælum, et Dominus exauditor non delectabitur in illis. |
[No book] |
| [20]Qui adorat Deum in oblectatione suscipietur, et deprecatio illius usque ad nubes propinquabit. |
[No book] |
| [21]Oratio humiliantis se nubes penetrabit, et donec propinquet non consolabitur, et non discedet donec Altissimus aspiciat. |
[No book] |
| [22]Et Dominus non elongabit: et judicabit justos, et faciet judicium: et Fortissimus non habebit in illis patientiam, ut contribulet dorsum ipsorum: |
[No book] |
| [23]et gentibus reddet vindictam, donec tollat plenitudinem superborum, et sceptra iniquorum contribulet: |
[No book] |
| [24]donec reddat hominibus secundum actus suos, et secundum opera Adæ, et secundum præsumptionem illius: |
[No book] |
| [25]donec judicet judicium plebis suæ, et oblectabit justos misericordia sua. |
[No book] |
| [26]Speciosa misericordia Dei in tempore tribulationis, quasi nubes pluviæ in tempore siccitatis. |
[No book] |