|
|
| [1]Fili, eleemosynam pauperis ne defraudes, et oculos tuos ne transvertas a paupere. |
[No book] |
| [2]Animam esurientem ne despexeris, et non exasperes pauperem in inopia sua. |
[No book] |
| [3]Cor inopis ne afflixeris, et non protrahas datum angustianti. |
[No book] |
| [4]Rogationem contribulati ne abjicias, et non avertas faciem tuam ab egeno. |
[No book] |
| [5]Ab inope ne avertas oculos tuos propter iram: et non relinquas quærentibus tibi retro maledicere. |
[No book] |
| [6]Maledicentis enim tibi in amaritudine animæ, exaudietur deprecatio illius: exaudiet autem eum qui fecit illum. |
[No book] |
| [7]Congregationi pauperum affabilem te facito: et presbytero humilia animam tuam, et magnato humilia caput tuum. |
[No book] |
| [8]Declina pauperi sine tristitia aurem tuam, et redde debitum tuum, et responde illi pacifica in mansuetudine. |
[No book] |
| [9]Libera eum qui injuriam patitur de manu superbi, et non acide feras in anima tua. |
[No book] |
| [10]In judicando esto pupillis misericors ut pater, et pro viro matri illorum: |
[No book] |
| [11]et eris tu velut filius Altissimi obediens, et miserebitur tui magis quam mater. |
[No book] |
| [12]Sapientia filiis suis vitam inspirat: et suscipit inquirentes se, et præibit in via justitiæ. |
[No book] |
| [13]Et qui illam diligit, diligit vitam, et qui vigilaverint ad illam complectentur placorem ejus. |
[No book] |
| [14]Qui tenuerint illam, vitam hæreditabunt: et quo introibit benedicet Deus. |
[No book] |
| [15]Qui serviunt ei obsequentes erunt sancto: et eos qui diligunt illam, diligit Deus. |
[No book] |
| [16]Qui audit illam judicabit gentes: et qui intuetur illam permanebit confidens. |
[No book] |
| [17]Si crediderit ei, hæreditabit illam, et erunt in confirmatione creaturæ illius: |
[No book] |
| [18]quoniam in tentatione ambulat cum eo, et in primis eligit eum. |
[No book] |
| [19]Timorem, et metum, et probationem inducet super illum: et cruciabit illum in tribulatione doctrinæ suæ, donec tentet eum in cogitationibus suis, et credat animæ illius. |
[No book] |
| [20]Et firmabit illum, et iter adducet directum ad illum, et lætificabit illum: |
[No book] |
| [21]et denudabit absconsa sua illi, et thesaurizabit super illum scientiam et intellectum justitiæ. |
[No book] |
| [22]Si autem oberraverit, derelinquet eum, et tradet eum in manus inimici sui. |
[No book] |
| [23]Fili, conserva tempus, et devita a malo. |
[No book] |
| [24]Pro anima tua ne confundaris dicere verum: |
[No book] |
| [25]est enim confusio adducens peccatum, et est confusio adducens gloriam et gratiam. |
[No book] |
| [26]Ne accipias faciem adversus faciem tuam, nec adversus animam tuam mendacium. |
[No book] |
| [27]Ne reverearis proximum tuum in casu suo, |
[No book] |
| [28]nec retineas verbum in tempore salutis. Non abscondas sapientiam tuam in decore suo: |
[No book] |
| [29]in lingua enim sapientia dignoscitur: et sensus, et scientia, et doctrina in verbo sensati, et firmamentum in operibus justitiæ. |
[No book] |
| [30]Non contradicas verbo veritatis ullo modo, et de mendacio ineruditionis tuæ confundere. |
[No book] |
| [31]Non confundaris confiteri peccata tua, et ne subjicias te omni homini pro peccato. |
[No book] |
| [32]Noli resistere contra faciem potentis, nec coneris contra ictum fluvii. |
[No book] |
| [33]Pro justitia agonizare pro anima tua, et usque ad mortem certa pro justitia: et Deus expugnabit pro te inimicos tuos. |
[No book] |
| [34]Noli citatus esse in lingua tua, et inutilis, et remissus in operibus tuis. |
[No book] |
| [35]Noli esse sicut leo in domo tua, evertens domesticos tuos, et opprimens subjectos tibi. |
[No book] |
| [36]Non sit porrecta manus tua ad accipiendum, et ad dandum collecta. |
[No book] |