|
|
| [1]Non duplices sermonem auditus de revelatione sermonis absconditi: et eris vere sine confusione, et invenies gratiam in conspectu omnium hominum. Ne pro his omnibus confundaris, et ne accipias personam ut delinquas: |
[No book] |
| [2]de lege Altissimi, et testamento, et de judicio justificare impium, |
[No book] |
| [3]de verbo sociorum et viatorum, et de datione hæreditatis amicorum, |
[No book] |
| [4]de æqualitate stateræ et ponderum, de acquisitione multorum et paucorum, |
[No book] |
| [5]de corruptione emptionis et negotiatorum, et de multa disciplina filiorum, et servo pessimo latus sanguinare. |
[No book] |
| [6]Super mulierem nequam bonum est signum. |
[No book] |
| [7]Ubi manus multæ sunt, claude: et quodcumque trades, numera et appende: datum vero et acceptum omne describe. |
[No book] |
| [8]De disciplina insensati et fatui, et de senioribus qui judicantur ab adolescentibus: et eris eruditus in omnibus, et probabilis in conspectu omnium vivorum. |
[No book] |
| [9]Filia patris abscondita est vigilia, et sollicitudo ejus aufert somnum: ne forte in adolescentia sua adulta efficiatur, et cum viro commorata odibilis fiat: |
[No book] |
| [10]nequando polluatur in virginitate sua, et in paternis suis gravida inveniatur: ne forte cum viro commorata transgrediatur, aut certe sterilis efficiatur. |
[No book] |
| [11]Super filiam luxuriosam confirma custodiam, nequando faciat te in opprobrium venire inimicis, a detractione in civitate, et objectione plebis, et confundat te in multitudine populi. |
[No book] |
| [12]Omni homini noli intendere in specie, et in medio mulierum noli commorari: |
[No book] |
| [13]de vestimentis enim procedit tinea, et a muliere iniquitas viri. |
[No book] |
| [14]Melior est enim iniquitas viri quam mulier benefaciens, et mulier confundens in opprobrium. |
[No book] |
| [15]Memor ero igitur operum Domini, et quæ vidi annuntiabo. In sermonibus Domini opera ejus. |
[No book] |
| [16]Sol illuminans per omnia respexit, et gloria Domini plenum est opus ejus. |
[No book] |
| [17]Nonne Dominus fecit sanctos enarrare omnia mirabilia sua, quæ confirmavit Dominus omnipotens stabiliri in gloria sua? |
[No book] |
| [18]Abyssum et cor hominum investigavit, et in astutia eorum excogitavit. |
[No book] |
| [19]Cognovit enim Dominus omnem scientiam, et inspexit in signum ævi, annuntians quæ præterierunt et quæ superventura sunt, revelans vestigia occultorum. |
[No book] |
| [20]Non præterit illum omnis cogitatus, et non abscondit se ab eo ullus sermo. |
[No book] |
| [21]Magnalia sapientiæ suæ decoravit, qui est ante sæculum et usque in sæculum: neque adjectum est, |
[No book] |
| [22]neque minuitur, et non eget alicujus consilio. |
[No book] |
| [23]Quam desiderabilia omnia opera ejus ! et tamquam scintilla quæ est considerare ! |
[No book] |
| [24]Omnia hæc vivunt, et manent in sæculum, et in omni necessitate omnia obaudiunt ei. |
[No book] |
| [25]Omnia duplicia, unum contra unum, et non fecit quidquam deesse. |
[No book] |
| [26]Uniuscujusque confirmavit bona: et quis satiabitur videns gloriam ejus? |
[No book] |