|
|
| [1]Post hæc surrexit Nathan, propheta in diebus David. |
[No book] |
| [2]Et quasi adeps separatus a carne, sic David a filiis Israël. |
[No book] |
| [3]Cum leonibus lusit quasi cum agnis, et in ursis similiter fecit sicut in agnis ovium, in juventute sua. |
[No book] |
| [4]Numquid non occidit gigantem, et abstulit opprobrium de gente? |
[No book] |
| [5]In tollendo manum, saxo fundæ dejecit exsultationem Goliæ: |
[No book] |
| [6]nam invocavit Dominum omnipotentem, et dedit in dextera ejus tollere hominem fortem in bello, et exaltare cornu gentis suæ. |
[No book] |
| [7]Sic in decem millibus glorificavit eum: et laudavit eum in benedictionibus Domini, in offerendo illi coronam gloriæ: |
[No book] |
| [8]contrivit enim inimicos undique, et extirpavit Philisthiim contrarios usque in hodiernum diem: contrivit cornu ipsorum usque in æternum. |
[No book] |
| [9]In omni opere dedit confessionem Sancto, et Excelso in verbo gloriæ. |
[No book] |
| [10]De omni corde suo laudavit Dominum: et dilexit Deum, qui fecit illum, et dedit illi contra inimicos potentiam: |
[No book] |
| [11]et stare fecit cantores contra altare, et in sono eorum dulces fecit modos. |
[No book] |
| [12]Et dedit in celebrationibus decus, et ornavit tempora usque ad consummationem vitæ, ut laudarent nomen sanctum Domini, et amplificarent mane Dei sanctitatem. |
[No book] |
| [13]Dominus purgavit peccata ipsius, et exaltavit in æternum cornu ejus: et dedit illi testamentum regni, et sedem gloriæ in Israël. |
[No book] |
| [14]Post ipsum surrexit filius sensatus, et propter illum dejecit omnem potentiam inimicorum. |
[No book] |
| [15]Salomon imperavit in diebus pacis, cui subjecit Deus omnes hostes, ut conderet domum in nomine suo, et pararet sanctitatem in sempiternum. Quemadmodum eruditus es in juventute tua, |
[No book] |
| [16]et impletus es, quasi flumen, sapientia, et terram retexit anima tua. |
[No book] |
| [17]Et replesti in comparationibus ænigmata: ad insulas longe divulgatum est nomen tuum, et dilectus es in pace tua. |
[No book] |
| [18]In cantilenis, et proverbiis, et comparationibus, et interpretationibus, miratæ sunt terræ: |
[No book] |
| [19]et in nomine Domini Dei, cui est cognomen Deus Israël. |
[No book] |
| [20]Collegisti quasi auricalcum aurum, et ut plumbum complesti argentum: |
[No book] |
| [21]et inclinasti femora tua mulieribus: potestatem habuisti in corpore tuo. |
[No book] |
| [22]Dedisti maculam in gloria tua, et profanasti semen tuum, inducere iracundiam ad liberos tuos, et incitari stultitiam tuam: |
[No book] |
| [23]ut faceres imperium bipartitum, et ex Ephraim imperare imperium durum. |
[No book] |
| [24]Deus autem non derelinquet misericordiam suam: et non corrumpet, nec delebit opera sua, neque perdet a stirpe nepotes electi sui, et semen ejus qui diligit Dominum non corrumpet. |
[No book] |
| [25]Dedit autem reliquum Jacob, et David de ipsa stirpe. |
[No book] |
| [26]Et finem habuit Salomon cum patribus suis. |
[No book] |
| [27]Et dereliquit post se de semine suo, gentis stultitiam, |
[No book] |
| [28]et imminutum a prudentia, Roboam, qui avertit gentem consilio suo: |
[No book] |
| [29]et Jeroboam filium Nabat, qui peccare fecit Israël, et dedit viam peccandi Ephraim: et plurima redundaverunt peccata ipsorum. |
[No book] |
| [30]Valde averterunt illos a terra sua. |
[No book] |
| [31]Et quæsivit omnes nequitias, usque dum perveniret ad illos defensio, et ab omnibus peccatis liberavit eos. |
[No book] |