|
|
| [1]Memoria Josiæ in compositionem odoris facta opus pigmentarii. |
[No book] |
| [2]In omni ore quasi mel indulcabitur ejus memoria, et ut musica in convivio vini. |
[No book] |
| [3]Ipse est directus divinitus in pœnitentiam gentis, et tulit abominationes impietatis. |
[No book] |
| [4]Et gubernavit ad Dominum cor ipsius, et in diebus peccatorum corroboravit pietatem. |
[No book] |
| [5]Præter David et Ezechiam et Josiam, omnes peccatum commiserunt: |
[No book] |
| [6]nam reliquerunt legem Altissimi reges Juda, et contempserunt timorem Dei. |
[No book] |
| [7]Dederunt enim regnum suum aliis, et gloriam suam alienigenæ genti. |
[No book] |
| [8]Incenderunt electam sanctitatis civitatem, et desertas fecerunt vias ipsius in manu Jeremiæ. |
[No book] |
| [9]Nam male tractaverunt illum qui a ventre matris consecratus est propheta, evertere, et eruere, et perdere, et iterum ædificare, et renovare: |
[No book] |
| [10]Ezechiel, qui vidit conspectum gloriæ quam ostendit illi in curru cherubim. |
[No book] |
| [11]Nam commemoratus est inimicorum in imbre, benefacere illis qui ostenderunt rectas vias. |
[No book] |
| [12]Et duodecim prophetarum ossa pullulent de loco suo: nam corroboraverunt Jacob, et redemerunt se in fide virtutis. |
[No book] |
| [13]Quomodo amplificemus Zorobabel? nam et ipse quasi signum in dextera manu: |
[No book] |
| [14]sic et Jesum filium Josedec, qui in diebus suis ædificaverunt domum, et exaltaverunt templum sanctum Domino, paratum in gloriam sempiternam. |
[No book] |
| [15]Et Nehemias in memoriam multi temporis, qui erexit nobis muros eversos, et stare fecit portas et seras, qui erexit domos nostras. |
[No book] |
| [16]Nemo natus est in terra qualis Henoch, nam et ipse receptus est a terra: |
[No book] |
| [17]neque ut Joseph, qui natus est homo princeps fratrum, firmamentum gentis, rector fratrum, stabilimentum populi: |
[No book] |
| [18]et ossa ipsius visitata sunt, et post mortem prophetaverunt. |
[No book] |
| [19]Seth et Sem apud homines gloriam adepti sunt, et super omnem animam in origine Adam. |
[No book] |