|
|
| [1]Simon, Oniæ filius, sacerdos magnus, qui in vita sua suffulsit domum, et in diebus suis corroboravit templum. |
[No book] |
| [2]Templi etiam altitudo ab ipso fundata est, duplex ædificatio, et excelsi parietes templi. |
[No book] |
| [3]In diebus ipsius emanaverunt putei aquarum, et quasi mare adimpleti sunt supra modum. |
[No book] |
| [4]Qui curavit gentem suam, et liberavit eam a perditione: |
[No book] |
| [5]qui prævaluit amplificare civitatem, qui adeptus est gloriam in conversatione gentis, et ingressum domus et atrii amplificavit. |
[No book] |
| [6]Quasi stella matutina in medio nebulæ, et quasi luna plena, in diebus suis lucet: |
[No book] |
| [7]et quasi sol refulgens, sic ille effulsit in templo Dei. |
[No book] |
| [8]Quasi arcus refulgens inter nebulas gloriæ, et quasi flos rosarum in diebus vernis, et quasi lilia quæ sunt in transitu aquæ, et quasi thus redolens in diebus æstatis: |
[No book] |
| [9]quasi ignis effulgens, et thus ardens in igne: |
[No book] |
| [10]quasi vas auri solidum, ornatum omni lapide pretioso: |
[No book] |
| [11]quasi oliva pullulans, et cypressus in altitudinem se extollens, in accipiendo ipsum stolam gloriæ, et vestiri eum in consummationem virtutis. |
[No book] |
| [12]In ascensu altaris sancti gloriam dedit sanctitatis amictum. |
[No book] |
| [13]In accipiendo autem partes de manu sacerdotum, et ipse stans juxta aram: et circa illum corona fratrum: quasi plantatio cedri in monte Libano, |
[No book] |
| [14]sic circa illum steterunt quasi rami palmæ: et omnes filii Aaron in gloria sua. |
[No book] |
| [15]Oblatio autem Domini in manibus ipsorum coram omni synagoga Israël: et consummatione fungens in ara, amplificare oblationem excelsi Regis, |
[No book] |
| [16]porrexit manum suam in libatione, et libavit de sanguine uvæ. |
[No book] |
| [17]Effudit in fundamento altaris odorem divinum excelso Principi. |
[No book] |
| [18]Tunc exclamaverunt filii Aaron, in tubis productilibus sonuerunt: et auditam fecerunt vocem magnam in memoriam coram Deo. |
[No book] |
| [19]Tunc omnis populus simul properaverunt, et ceciderunt in faciem super terram, adorare Dominum Deum suum, et dare preces omnipotenti Deo excelso. |
[No book] |
| [20]Et amplificaverunt psallentes in vocibus suis, et in magna domo auctus est sonus suavitatis plenus. |
[No book] |
| [21]Et rogavit populus Dominum excelsum in prece, usque dum perfectus est honor Domini, et munus suum perfecerunt. |
[No book] |
| [22]Tunc descendens, manus suas extulit in omne congregationem filiorum Israël, dare gloriam Deo a labiis suis, et in nomine ipsius gloriari: |
[No book] |
| [23]et iteravit orationem suam, volens ostendere virtutem Dei. |
[No book] |
| [24]Et nunc orate Deum omnium, qui magna fecit in omni terra, qui auxit dies nostros a ventre matris nostræ, et fecit nobiscum secundum suam misericordiam: |
[No book] |
| [25]det nobis jucunditatem cordis, et fieri pacem in diebus nostris in Israël per dies sempiternos: |
[No book] |
| [26]credere Israël nobiscum esse Dei misericordiam, ut liberet nos in diebus suis. |
[No book] |
| [27]Duas gentes odit anima mea: tertia autem non est gens quam oderim: |
[No book] |
| [28]qui sedent in monte Seir, et Philisthiim, et stultus populus qui habitat in Sichimis. |
[No book] |
| [29]Doctrinam sapientiæ et disciplinæ scripsit in codice isto Jesus, filius Sirach, Jerosolymita, qui renovavit sapientiam de corde suo. |
[No book] |
| [30]Beatus qui in istis versatur bonis: qui ponit illa in corde suo, sapiens erit semper. |
[No book] |
| [31]Si enim hæc fecerit, ad omnia valebit, quia lux Dei vestigium ejus est. |
[No book] |