|
|
| [1]Noli facere mala, et non te apprehendent: |
[No book] |
| [2]discede ab iniquo, et deficient mala abs te. |
[No book] |
| [3]Fili, non semines mala in sulcis injustitiæ, et non metes ea in septuplum. |
[No book] |
| [4]Noli quærere a Domino ducatum, neque a rege cathedram honoris. |
[No book] |
| [5]Non te justifices ante Deum, quoniam agnitor cordis ipse est: et penes regem noli velle videri sapiens. |
[No book] |
| [6]Noli quærere fieri judex, nisi valeas virtute irrumpere iniquitates: ne forte extimescas faciem potentis, et ponas scandalum in æquitate tua. |
[No book] |
| [7]Non pecces in multitudinem civitatis, nec te immittas in populum: |
[No book] |
| [8]neque alliges duplicia peccata, nec enim in uno eris immunis. |
[No book] |
| [9]Noli esse pusillanimis in animo tuo: |
[No book] |
| [10]exorare et facere eleemosynam ne despicias. |
[No book] |
| [11]Ne dicas: In multitudine munerum meorum respiciet Deus, et offerente me Deo altissimo, munera mea suscipiet. |
[No book] |
| [12]Non irrideas hominem in amaritudine animæ: est enim qui humiliat et exaltat circumspector Deus. |
[No book] |
| [13]Noli amare mendacium adversus fratrem tuum, neque in amicum similiter facias. |
[No book] |
| [14]Noli velle mentiri omne mendacium: assiduitas enim illius non est bona. |
[No book] |
| [15]Noli verbosus esse in multitudine presbyterorum, et non iteres verbum in oratione tua. |
[No book] |
| [16]Non oderis laboriosa opera, et rusticationem creatam ab Altissimo. |
[No book] |
| [17]Non te reputes in multitudine indisciplinatorum. |
[No book] |
| [18]Memento iræ, quoniam non tardabit. |
[No book] |
| [19]Humilia valde spiritum tuum, quoniam vindicta carnis impii ignis et vermis. |
[No book] |
| [20]Noli prævaricari in amicum pecuniam differentem, neque fratrem carissimum auro spreveris. |
[No book] |
| [21]Noli discedere a muliere sensata et bona, quam sortitus es in timore Domini: gratia enim verecundiæ illius super aurum. |
[No book] |
| [22]Non lædas servum in veritate operantem, neque mercenarium dantem animam suam. |
[No book] |
| [23]Servus sensatus sit tibi dilectus quasi anima tua: non defraudes illum libertate, neque inopem derelinquas illum. |
[No book] |
| [24]Pecora tibi sunt, attende illis: et si sunt utilia, perseverent apud te. |
[No book] |
| [25]Filii tibi sunt? erudi illos, et curva illos a pueritia illorum. |
[No book] |
| [26]Filiæ tibi sunt? serva corpus illarum, et non ostendas hilarem faciem tuam ad illas. |
[No book] |
| [27]Trade filiam, et grande opus feceris: et homini sensato da illam. |
[No book] |
| [28]Mulier si est tibi secundum animam tuam, non projicias illam: et odibili non credas te. In toto corde tuo |
[No book] |
| [29]honora patrem tuum, et gemitus matris tuæ ne obliviscaris: |
[No book] |
| [30]memento quoniam nisi per illos natus non fuisses: et retribue illis, quomodo et illi tibi. |
[No book] |
| [31]In tota anima tua time Dominum, et sacerdotes illius sanctifica. |
[No book] |
| [32]In omni virtute tua dilige eum qui te fecit, et ministros ejus ne derelinquas. |
[No book] |
| [33]Honora Deum ex tota anima tua, et honorifica sacerdotes, et propurga te cum brachiis. |
[No book] |
| [34]Da illis partem, sicut mandatum est tibi, primitiarum et purgationis, et de negligentia tua purga te cum paucis. |
[No book] |
| [35]Datum brachiorum tuorum, et sacrificium sanctificationis offeres Domino, et initia sanctorum. |
[No book] |
| [36]Et pauperi porrige manum tuam, ut perficiatur propitiatio et benedictio tua. |
[No book] |
| [37]Gratia dati in conspectu omnis viventis, et mortuo non prohibeas gratiam. |
[No book] |
| [38]Non desis plorantibus in consolatione, et cum lugentibus ambula. |
[No book] |
| [39]Non te pigeat visitare infirmum: ex his enim in dilectione firmaberis. |
[No book] |
| [40]In omnibus operibus tuis memorare novissima tua, et in æternum non peccabis. |
[No book] |