|
|
| [No book] |
[1]Non zeles mulierem sinus tui, ne ostendat super te malitiam doctrinæ nequam. |
| [No book] |
[2]Non des mulieri potestatem animæ tuæ, ne ingrediatur in virtutem tuam, et confundaris. |
| [No book] |
[3]Ne respicias mulierem multivolam, ne forte incidas in laqueos illius. |
| [No book] |
[4]Cum saltatrice ne assiduus sis, nec audias illam, ne forte pereas in efficacia illius. |
| [No book] |
[5]Virginem ne conspicias, ne forte scandalizeris in decore illius. |
| [No book] |
[6]Ne des fornicariis animam tuam in ullo, ne perdas te et hæreditatem tuam. |
| [No book] |
[7]Noli circumspicere in vicis civitatis, nec oberraveris in plateis illius. |
| [No book] |
[8]Averte faciem tuam a muliere compta, et ne circumspicias speciem alienam. |
| [No book] |
[9]Propter speciem mulieris multi perierunt: et ex hoc concupiscentia quasi ignis exardescit. |
| [No book] |
[10]Omnis mulier quæ est fornicaria, quasi stercus in via conculcabitur. |
| [No book] |
[11]Speciem mulieris alienæ multi admirati, reprobi facti sunt: colloquium enim illius quasi ignis exardescit. |
| [No book] |
[12]Cum aliena muliere ne sedeas omnino, nec accumbas cum ea super cubitum: |
| [No book] |
[13]et non alterceris cum illa in vino, ne forte declinet cor tuum in illam, et sanguine tuo labaris in perditionem. |
| [No book] |
[14]Ne derelinquas amicum antiquum: novus enim non erit similis illi. |
| [No book] |
[15]Vinum novum amicus novus: veterascet, et cum suavitate bibes illud. |
| [No book] |
[16]Non zeles gloriam et opes peccatoris: non enim scis quæ futura sit illius subversio. |
| [No book] |
[17]Non placeat tibi injuria injustorum, sciens quoniam usque ad inferos non placebit impius. |
| [No book] |
[18]Longe abesto ab homine potestatem habente occidendi, et non suspicaberis timorem mortis. |
| [No book] |
[19]Et si accesseris ad illum, noli aliquid committere, ne forte auferat vitam tuam. |
| [No book] |
[20]Communionem mortis scito, quoniam in medio laqueorum ingredieris, et super dolentium arma ambulabis. |
| [No book] |
[21]Secundum virtutem tuam cave te a proximo tuo, et cum sapientibus et prudentibus tracta. |
| [No book] |
[22]Viri justi sint tibi convivæ, et in timore Dei sit tibi gloriatio: |
| [No book] |
[23]et in sensu sit tibi cogitatus Dei, et omnis enarratio tua in præceptis Altissimi. |
| [No book] |
[24]In manu artificum opera laudabuntur, et princeps populi in sapientia sermonis sui, in sensu vero seniorum verbum. |
| [No book] |
[25]Terribilis est in civitate sua homo linguosus: et temerarius in verbo suo odibilis erit. |