|
|
| [1]SPONSA. Quid videbis in Sulamite, nisi choros castrorum? CHORUS. Quam pulchri sunt gressus tui in calceamentis, filia principis ! Juncturæ femorum tuorum sicut monilia quæ fabricata sunt manu artificis. |
[No book] |
| [2]Umbilicus tuus crater tornatilis, numquam indigens poculis. Venter tuus sicut acervus tritici vallatus liliis. |
[No book] |
| [3]Duo ubera tua sicut duo hinnuli, gemelli capreæ. |
[No book] |
| [4]Collum tuum sicut turris eburnea; oculi tui sicut piscinæ in Hesebon quæ sunt in porta filiæ multitudinis. Nasus tuus sicut turris Libani, quæ respicit contra Damascum. |
[No book] |
| [5]Caput tuum ut Carmelus; et comæ capitis tui sicut purpura regis vincta canalibus. |
[No book] |
| [6]SPONSUS. Quam pulchra es, et quam decora, carissima, in deliciis ! |
[No book] |
| [7]Statura tua assimilata est palmæ, et ubera tua botris. |
[No book] |
| [8]Dixi: Ascendam in palmam, et apprehendam fructus ejus; et erunt ubera tua sicut botri vineæ, et odor oris tui sicut malorum. |
[No book] |
| [9]Guttur tuum sicut vinum optimum, dignum dilecto meo ad potandum, labiisque et dentibus illius ad ruminandum. |
[No book] |
| [10]SPONSA. Ego dilecto meo, et ad me conversio ejus. |
[No book] |
| [11]Veni, dilecte mi, egrediamur in agrum, commoremur in villis. |
[No book] |
| [12]Mane surgamus ad vineas: videamus si floruit vinea, si flores fructus parturiunt, si floruerunt mala punica; ibi dabo tibi ubera mea. |
[No book] |
| [13]Mandragoræ dederunt odorem in portis nostris omnia poma: nova et vetera, dilecte mi, servavi tibi. |
[No book] |