|
|
| [1]But speke thou tho thingis that bisemen hoolsum teching; |
[No book] |
| [2]that elde men be sobre, chast, prudent, hool in feith, in loue, and pacience; |
[No book] |
| [3]also olde wymmen in hooli abite, not sclaundereris, not seruynge myche to wyn, wel techynge, that thei teche prudence. |
[No book] |
| [4]Moneste thou yonge wymmen, that thei loue here hosebondis, that thei loue her children; |
[No book] |
| [5]and that thei be prudent, chast, sobre, hauynge cure of the hous, benygne, suget to her hosebondis, that the word of God be not blasfemyd. |
[No book] |
| [6]Also moneste thou yonge men, that thei be sobre. |
[No book] |
| [7]In alle thingis yyue thi silf ensaumple of good werkis, in teching, in hoolnesse, in sadnesse. |
[No book] |
| [8]An hoolsum word, and vnrepreuable; that he that is of the contrarie side, be aschamed, hauynge noon yuel thing to seie of you. |
[No book] |
| [9]Moneste thou seruauntis to be suget to her lordis; in alle thingis plesinge, not ayenseiynge, not defraudynge, |
[No book] |
| [10]but in alle thingis schewinge good feith, that thei onoure in alle thingis the doctryn of `God, oure sauyour. |
[No book] |
| [11]For the grace of `God, oure sauyour, |
[No book] |
| [12]hath apperid to alle men, and tauyte vs, that we forsake wickidnesse, and worldli desyris, lyue sobreli, and iustli, `and piteuousli in this world, |
[No book] |
| [13]abidinge the blessid hope and the comyng of the glorie of the greet God, and of oure sauyour Jhesu Crist; |
[No book] |
| [14]that yaf hym silf for vs, to ayenbie vs fro al wickidnesse, and make clene to hym silf a puple acceptable, and suere of good werkis. |
[No book] |
| [15]Speke thou these thingis, and moneste thou, and repreue thou with al comaundement; no man dispise thee. |
[No book] |