➖ »
«
➖ ➕
Peshitta OT
PesOT
The Second Book of Clement
2Clem
   
Zechariah
Zec
1
→
[1]ܒܝܲܪܚܵܐ ܕܲܬ̣ܡܵܢܝܵܐ ܒܚܲܕ݂ ܒܝܲܪܚܵܐ: ܒܲܫܢܲܬ̣ ܬܲܪܬܹ̇ܝܢ ܕܕܲܪܝܵܘܵܫ: ܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܙܟܲܪܝܵܐ ܒܲܪ ܒܪܲܟ݂ܝܵܐ: ܒܲܪ ܥܲܕ̇ܘܿ ܢܒ̣ܝܼܵܐ ܠܡܹܐܡܲܪ. [No book]
[2]ܪܓܸܙ ܡܵܪܝܵܐ ܥܲܠ ܐܲܒ̣ܵܗܲܝ̈ܟ̇ܘܿܢ ܪܘܼܓ̣ܙܵܐ ܪܲܒܵܐ. [No book]
[3]ܐܸܡܲܪ ܠܗܘܿܢ: ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܐܸܬ̣ܦܢܵܘ ܠܘܵܬ̣ܝ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܘܐܸܬ̣ܦܢܸܐ ܥܠܲܝܟ̇ܘܿܢ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. [No book]
[4]ܘܠܵܐ ܬܸܗܘܘܿܢ ܐܲܝܟ݂ ܐܲܒ̣ܵܗܲܝ̈ܟ̇ܘܿܢ: ܕܐܲܟ݂ܪܸܙܘ ܥܠܲܝܗܘܿܢ ܢܒ̣̈ܝܹܐ ܩܲܕ݂ܡܵܝܹ̈ܐ ܘܐܸܡܲܪܘ: ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܐܸܬ̣ܦܢܵܘ ܡ̣ܢ ܐܘܼܪ̈ܚܵܬ̣ܟ݂ܘܿܢ ܒܝܼ̈ܫܵܬ̣ܵܐ: ܘܡ̣ܢ ܥܒ̣ܵܕܲܝ̈ܟ̇ܘܿܢ ܒܝܼܫܹ̈ܐ: ܘܠܵܐ ܫ̣ܡܲܥܘ ܘܠܵܐ ܨܵܬ̣ܘܼܢܝ ܐܵܡܲܪ ܡܵܪܝܵܐ. [No book]
[5]ܐܲܝܟܵܐ ܐܸܢܘܿܢ ܐܲܒ̣ܵܗܲܝ̈ܟ̇ܘܿܢ ܘܲܢܒ̣̈ܝܲܝ ܕܲܠܡܵܐ ܠܥܵܠܲܡ ܚܲܝܝܼܢ. [No book]
[6]ܠܦܸܬ̣ܓ̣ܵܡܲܝ̈ ܕܹܝܢ ܘܲܠܦܘܼܩ̈ܕܵܢܲܝ ܕܦܲܩ̇ܕܹܬ̣ ܠܥܲܒ̣ܕܲܝ̈ ܢܒ̣̈ܝܹܐ: ܐܸܬ̇ܕܲܟܲܪܘ ܐܸܢܘܿܢ ܐܲܒ̣ܵܗܲܝ̈ܟ̇ܘܿܢ ܘܐܸܬ̣ܪܲܥܝܼܘ: ܘܐܸܡܲܪܘ: ܐܲܝܟ݂ ܕܐܸܬ̣ܪܲܥܝܼ ܡܵܪܝܵܐ ܚܲܝܠܬ̣ܵܢܵܐ ܠܡܸܥܒܲܕ݂ ܠܲܢ: ܐܲܝܟ݂ ܐܘܼܪ̈ܚܵܬܲܢ ܘܐܲܝܟ݂ ܨܸܢ̈ܥܵܬܲܢ ܗܵܟܲܢܵܐ ܥ̣ܒܲܕ݂ ܠܲܢ. [No book]
[7]ܒܝܘܿܡ ܐܲܪܒ̇ܥܵܐ ܘܥܸܣܪܝܼܢ ܒܝܲܪܚܵܐ ܕܲܚܕܲܥܣܲܪ ܕܗ̤ܘ ܫܒܲܛ: ܒܲܫܢܲܬ̣ ܬܲܪܬܹ̇ܝܢ ܕܕܲܪܝܵܘܵܫ: ܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܙܟܲܪܝܵܐ ܒܲܪ ܒܪܲܟ݂ܝܵܐ: ܒܲܪ ܥܲܕ̇ܘܿ ܢܒ̣ܝܼܵܐ ܠܡܹܐܡܲܪ. [No book]
[8]ܚܙܹ̇ܝܬ̣ ܒܠܸܠܝܵܐ ܓܲܒ̣ܪܵܐ ܕܲܪܟ݂ܝܼܒ̣ ܥܲܠ ܣܘܼܣܝܵܐ ܣܘܼܡܵܩܵܐ: ܘܩܵܐܹ̇ܡ ܒܲܝܢܵܬ̣ ܐܝܼܠܵܢܹ̈ܐ ܕܡܲܛܠܠܝܼܢ: ܘܒ̣ܵܬ̣ܪܹܗ ܪ̈ܲܟ݂ܫܵܐ ܣܘܼܡܵܩܹ̈ܐ: ܘܦܲܝܣ̈ܟ݂ܵܝܹܐ: ܘܚܸܘܵܪܹ̈ܐ. [No book]
[9]ܘܐܸܡ̇ܪܹܬ̣ ܡܵܢܵܐ ܐܸܢܘܿܢ ܗܵܠܹܝܢ ܡܵܪܝ: ܘܲܥܢ̣ܵܐ ܡܲܠܲܐܟ݂ܵܐ ܕܲܡܡܲܠܸܠ ܒܝܼ ܘܐܸܡܲܪ ܠܝܼ: ܐܸܢܵܐ ܐܹܚܵܘܹܝܟ݂ ܡܵܢܵܐ ܐܸܢܘܿܢ ܗܵܠܹܝܢ. [No book]
[10]ܥܢ̣ܵܐ ܓܲܒ̣ܪܵܐ ܕܩܵܐܹ̇ܡ ܒܲܝܢܵܬ̣ ܐܝܼܠܵܢܹ̈ܐ: ܘܐܸܡܲܪ ܠܝܼ: ܗܵܠܹܝܢ ܐܸܢܘܿܢ ܕܫܲܕܲܪ ܡܵܪܝܵܐ ܠܲܡܗܲܠܵܟ݂ܘܼ ܒܐܲܪܥܵܐ. [No book]
[11]ܘܲܥܢ̣ܵܘ ܘܐܸܡܲܪܘ ܠܡܲܠܲܐܟܹܗ ܕܡܵܪܝܵܐ ܕܩܵܐܹ̇ܡ ܒܲܝܢܵܬ̣ ܐܝܼܠܵܢܹ̈ܐ: ܗܲܠܸܝܼܢ ܒܐܲܪܥܵܐ: ܘܟ݂ܠܵܗ̇ ܐܲܪܥܵܐ ܝܵܬ̣ܒܵܐ ܘܫܲܠܝܵܐ. [No book]
[12]ܘܲܥܢ̣ܵܐ ܡܲܠܲܐܟܹܗ ܕܡܵܪܝܵܐ: ܘܐܸܡܲܪ: ܡܵܪܝܵܐ ܚܲܝܠܬ̣ܵܢܵܐ: ܥܲܕ݂ ܐܸܡܲܬ̣ܝ ܠܵܐ ܡܪܲܚܸܡ ܐܲܢ̄ܬ̇ ܥܲܠ ܐܘܿܪܸܫܠܸܡ: ܘܥܲܠ ܡܕ݂ܝܼ̈ܢܵܬ̣ܵܐ ܕܲܝܗܘܼܕ݂ܵܐ ܕܲܪܓܸܙܬ̇ ܥܠܲܝܗܹܝܢ ܗܵܐ ܫܲܒ̣ܥܝܼܢ ܫܢ̈ܝܼܢ. [No book]
[13]ܘܲܥ̣ܢܵܐ ܡܵܪܝܵܐ ܠܡܲܠܲܐܟ݂ܵܐ ܕܲܡܡܲܠܸܠ ܒܝܼ ܡܸܠܹ̈ܐ ܫܲܦܝܼܪ̈ܵܬ̣ܵܐ: ܘܦܸܬ̣ܓ̣ܵܡܹ̈ܐ ܕܒ̣ܘܼܝܵܐܵܐ. [No book]
[14]ܘܐܸܡܲܪ ܠܝܼ ܡܲܠܲܐܟ݂ܵܐ ܕܲܡܡܲܠܸܠ ܒܝܼ: ܐܲܟ݂ܪܸܙ ܘܐܸܡܲܪ: ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܛܸܢܹ̇ܬ̣ ܒܐܘܿܪܸܫܠܸܡ ܘܲܒ̣ܨܸܗܝܘܿܢ ܛܢܵܢܵܐ ܪܲܒܵܐ. [No book]
[15]ܘܪܘܼܓ̣ܙܵܐ ܪܲܒܵܐ ܪܵܓܹ̇ܙ ܐ̄ܢܵܐ ܥܲܠ ܥܲܡܡܹ̈ܐ ܕܡܸܬ̣ܪܲܓ̣ܫܝܼܢ: ܐܸܢܵܐ ܓܹܝܪ ܪܸܓ̣ܙܹ̇ܬ̣ ܩܲܠܝܼܠ: ܘܗܸܢ̣ܘܿܢ ܥܲܕܲܪܘ ܠܒ̣ܝܼܫܬܵܐ. [No book]
[16]ܡܸܛܠ ܗܵܠܹܝܢ ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܐܸܬ̣ܦܢܝܼܬ̣ ܥܲܠ ܐܘܿܪܸܫܠܸܡ ܒܪ̈ܲܚܡܝܼܢ: ܘܒܲܝܬ̇ܝ ܝܵܗܹ̇ܒ̣ ܐ̄ܢܵܐ ܒܓ̣ܵܘܵܗ̇ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܘܲܫܘܵܝܬܵܐ ܬܸܬ̣ܡ̱ܬܲܚ ܥܲܠ ܐܘܿܪܸܫܠܸܡ. [No book]
[17]ܬܘܼܒ̣ ܐܲܟ݂ܪܸܙ: ܘܐܸܡܲܪ: ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܡܸܟܹ̇ܝܠ ܢܸܣܬܲܪ̈ܩܵܢ ܡܕ݂ܝܼܢ̄ܬܵܐ ܡ̣ܢ ܛܵܒ̣ܵـ̈ـܬ̣ܵܐ: ܘܢܸܒ̣ܢܸܐ ܬܘܼܒ̣ ܡܵܪܝܵܐ ܠܨܸܗܝܘܿܢ: ܘܢܸܓ̣ܒܸ̇ܐ ܬܘܼܒ̣ ܠܐܘܿܪܸܫܠܸܡ. [No book]
[18]ܘܐܲܪܝܼܡܹ̇ܬ̣ ܥܲܝܢܲܝ̈ ܘܲܚܙܹ̇ܝܬ̣ ܘܗܵܐ ܐܲܪܒܲܥ ܩܲܪ̈ܢܵܢ. [No book]
[19]ܘܐܸܡ̇ܪܹܬ̣ ܠܡܲܠܲܐܟ݂ܵܐ ܕܲܡܡܲܠܸܠ ܒܝܼ: ܡܵܢܵܐ ܐܸܢܹܝܢ ܗܵܠܹܝܢ ܡܵܪܝ: ܘܐܸܡ̣ܲܪ ܠܝܼ ܗܵܠܹܝܢ ܐܸܢܹܝܢ ܩܲܪ̈ܢܵܬ̣ܵܐ ܕܒܲܕܲܪ ܠܲܝܗܘܼܕ݂ܵܐ ܘܠܝܼܣܪܵܝܹܠ ܘܠܐܘܿܪܸܫܠܸܡ. [No book]
[20]ܘܚܵܘܝܲܢܝ ܡܵܪܝܵܐ ܐܲܪܒ̇ܥܵܐ ܢܲܓ̇ܪܹ̈ܐ. [No book]
[21]ܘܐܸܡ̇ܪܹܬ̣ ܡܵܢܵܐ ܐܵܬܹ̇ܝܢ ܗܵܠܹܝܢ ܠܡܸܥܒܲܕ݂: ܘܐܸܡܲܪ ܠܝܼ ܗܵܠܹܝܢ ܩܲܪ̈ܢܵܬ̣ܵܐ ܕܒܲܕܲܪ ܠܲܝܗܘܼܕ݂ܵܐ: ܐܲܝܟ݂ ܦܘܼܡܹܗ ܕܓܲܒ̣ܪܵܐ ܕܠܵܐ ܐܲܪܝܼܡ ܪܹܫܹܗ: ܘܐܸܬ̣ܵܘ ܗܵܠܹܝܢ ܕܲܢܙܝܼܥܘܼܢ ܐܸܢܹܝܢ: ܘܢܸܥ̄ܩܪܘܼܢ ܩܲܪ̈ܢܵܬ̣ܵܐ ܕܥܲܡܡܹ̈ܐ: ܕܲܡܪܝܼܡܝܼܢ ܗ̄ܘܼܵܘ ܩܲܪܢܵܐ ܥܲܠ ܐܲܪܥܵܐ ܕܲܝܗܘܼܕ݂ܵܐ ܠܲܡܒܲܕܵܪܘܼܬ̣ܵܗ̇. [No book]
Translation: Charles H. Hoole (1885)
Source: www.earlychristianwritings.com
Top