➖ »
«
➖ ➕
Aleppo Codex (~920)
Alep
The Gospel of James
GspJam
←
Zechariah
Zec
11
→
[1]פתח לבנון דלתיך ותאכל אש בארזיך [No book]
[2]הילל ברוש כי נפל ארז אשר אדרים שדדו הילילו אלוני בשן כי ירד יער הבצור [Q: הבציר] [No book]
[3]קול יללת הרעים כי שדדה אדרתם קול שאגת כפירים כי שדד גאון הירדן [No book]
[4]כה אמר יהוה אלהי רעה את צאן ההרגה [No book]
[5]אשר קניהן יהרגן ולא יאשמו ומכריהן יאמר ברוך יהוה ואעשר ורעיהם לא יחמול עליהן [No book]
[6]כי לא אחמול עוד על ישבי הארץ־נאם יהוה והנה אנכי ממציא את האדם איש ביד רעהו וביד מלכו וכתתו את הארץ ולא אציל מידם [No book]
[7]וארעה את צאן ההרגה לכן עניי הצאן ואקח לי שני מקלות לאחד קראתי נעם ולאחד קראתי חבלים וארעה את הצאן [No book]
[8]ואכחד את שלשת הרעים בירח אחד ותקצר נפשי בהם וגם נפשם בחלה בי [No book]
[9]ואמר לא ארעה אתכם המתה תמות והנכחדת תכחד והנשארות תאכלנה אשה את בשר רעותה [No book]
[10]ואקח את מקלי את נעם ואגדע אתו־להפיר את בריתי אשר כרתי את כל העמים [No book]
[11]ותפר ביום ההוא וידעו כן עניי הצאן השמרים אתי כי דבר יהוה הוא [No book]
[12]ואמר אליהם אם טוב בעיניכם הבו שכרי־ואם לא חדלו וישקלו את שכרי שלשים כסף [No book]
[13]ויאמר יהוה אלי השליכהו אל היוצר אדר היקר אשר יקרתי מעליהם ואקחה שלשים הכסף ואשליך אתו בית יהוה אל היוצר [No book]
[14]ואגדע את מקלי השני את החבלים־להפר את האחוה בין יהודה ובין ישראל [No book]
[15]ויאמר יהוה אלי עוד קח לך כלי רעה אולי [No book]
[16]כי הנה אנכי מקים רעה בארץ הנכחדות לא יפקד הנער לא יבקש והנשברת לא ירפא הנצבה לא יכלכל ובשר הבריאה יאכל ופרסיהן יפרק [No book]
[17]הוי רעי האליל עזבי הצאן חרב על זרועו ועל עין ימינו זרעו יבוש תיבש ועין ימינו כהה תכהה [No book]
Source: unbound.biola.edu
 Translation: M.R. James (1924)
Source: www.earlychristianwritings.com
Top