➖ »
«
➖ ➕
Aleppo Codex (~920)
Alep
The First Book of Clement
1Clem
←
Zechariah
Zec
12
→
[1]משא דבר יהוה על ישראל נאם יהוה נטה שמים ויסד ארץ ויצר רוח אדם בקרבו [No book]
[2]הנה אנכי שם את ירושלם סף רעל לכל העמים־סביב וגם על יהודה יהיה במצור על ירושלם [No book]
[3]והיה ביום ההוא אשים את ירושלם אבן מעמסה לכל העמים־כל עמסיה שרוט ישרטו ונאספו עליה כל גויי הארץ [No book]
[4]ביום ההוא נאם יהוה אכה כל סוס בתמהון ורכבו בשגעון ועל בית יהודה אפקח את עיני וכל סוס העמים אכה בעורון [No book]
[5]ואמרו אלפי יהודה בלבם אמצה לי ישבי ירושלם ביהוה צבאות אלהיהם [No book]
[6]ביום ההוא אשים את אלפי יהודה ככיור אש בעצים וכלפיד אש בעמיר ואכלו על ימין ועל שמאול את כל העמים סביב וישבה ירושלם עוד תחתיה בירושלם [No book]
[7]והושע יהוה את אהלי יהודה בראשנה למען לא תגדל תפארת בית דויד ותפארת ישב ירושלם־על יהודה [No book]
[8]ביום ההוא יגן יהוה בעד יושב ירושלם והיה הנכשל בהם ביום ההוא כדויד ובית דויד כאלהים כמלאך יהוה לפניהם [No book]
[9]והיה ביום ההוא אבקש להשמיד את כל הגוים הבאים על ירושלם [No book]
[10]ושפכתי על בית דויד ועל יושב ירושלם רוח חן ותחנונים והביטו אלי את אשר דקרו וספדו עליו כמספד על היחיד והמר עליו כהמר על הבכור [No book]
[11]ביום ההוא יגדל המספד בירושלם כמספד הדדרמון בבקעת מגדון [No book]
[12]וספדה הארץ משפחות משפחות לבד משפחת בית דויד לבד ונשיהם לבד־משפחת בית נתן לבד ונשיהם לבד [No book]
[13]משפחת בית לוי לבד ונשיהם לבד משפחת השמעי לבד ונשיהם לבד [No book]
[14]כל המשפחות הנשארות־משפחת משפחת לבד ונשיהם לבד [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top