➖ »
«
➖ ➕
Peshitta OT
PesOT
The Acts of Thomas
ActThom
←
Zechariah
Zec
4
→
[1]ܘܲܗܦܲܟ݂ ܡܲܠܲܐܟ݂ܵܐ ܕܲܡܡܲܠܸܠ ܒܝܼ: ܘܐܲܥܝܼܪܲܢܝ ܐܲܝܟ݂ ܓܲܒ̣ܪܵܐ ܕܡܸܬ̇ܬ̇ܥܝܼܪ ܡ̣ܢ ܫܸܢܬܹܗ. [No book]
[2]ܘܐܸܡܲܪ ܠܝܼ ܡܵܢܵܐ ܚ̣ܙܲܝܬ̇: ܘܐܸܡ̇ܪܹܬ̣ ܚ̇ܙܹܝܬ̣ ܡܢܵܪܬܵܐ ܕܕܲܗܒ̣ܵܐ: ܘܟܲܦܬ̣ܵܐ ܥܲܠ ܪܹܫܵܗ̇: ܘܫܲܒ̣ܥܵܐ ܫܪ̈ܵܓ̣ܝܼܢ ܥܠܹܝܗ̇: ܘܫܲܒ̣ܥܵܐ ܫܲܒ̣ܥܵܐ ܦܘܼܡ̈ܝܼܢ ܠܲܫܪܵܓ̣ܵܐ ܕܐܝܼܬ̣ ܒܪܹܫܵܗ̇. [No book]
[3]ܘܲܬ̣ܪܹܝܢ ܙܲܝܬ̇ܝܼ̈ܢ ܐܝܼܬ̣ ܥܠܹܝܗ̇: ܚܲܕ݂ ܡ̣ܢ ܝܲܡܝܼܢܵܗ̇ ܕܟܲܦܬ̣ܵܐ ܘܚܲܕ݂ ܡ̣ܢ ܣܸܡܵܠܵܗ̇. [No book]
[4]ܘܲܥܢܹ̇ܝܬ̣ ܘܐܸܡ̇ܪܹܬ̣ ܠܡܲܠܲܐܟ݂ܵܐ ܕܲܡܡܲܠܸܠ ܒܝܼ: ܡܵܢܵܐ ܐܸܢܘܿܢ ܗܵܠܹܝܢ ܡܵܪܝ. [No book]
[5]ܥܢ̣ܵܐ ܡܲܠܲܐܟ݂ܵܐ ܕܲܡܡܲܠܸܠ ܒܝܼ ܘܐܸܡ̣ܲܪ ܠܝܼ: ܠܵܐ ܝܵܕܲܥ ܐܲܢ̄ܬ̇ ܡܵܢܵܐ ܐܸܢܘܿܢ ܗܵܠܹܝܢ: ܘܐܸܡ̇ܪܹܬ̣ ܠܵܐ ܝܵܕܲܥ ܐ̄ܢܵܐ ܡܵܪܝ. [No book]
[6]ܘܐܸܡ̣ܲܪ ܠܝܼ: ܗܵܢܵܘ ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܙܘܼܪܒܵܒܹܠ: ܠܵܐ ܒܚܲܝܠܵܐ ܘܠܵܐ ܒܥܘܼܫܢܵܐ: ܐܸܠܵܐ ܐܸܢ ܒܪܘܼܚ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. [No book]
[7]ܡܵܢܵܐ ܐܲܢ̄ܬ̇ ܛܘܼܪܵܐ ܪܲܒܵܐ ܩܕ݂ܵܡ ܙܘܼܪܒܵܒܹܠ: ܐܸܠܵܐ ܐܲܝܟ݂ ܦܩܲܥܬ̣ܵܐ: ܘܐܲܦܸܩ ܠܟܹܐܦܵܐ ܪܹܫܵܝܬܵܐ ܕܫܲܘܝܘܼܬ̣ܵܐ ܘܲܕ݂ܪ̈ܲܚܡܹܐ. [No book]
[8]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܠܡܹܐܡܲܪ. [No book]
[9]ܐܝܼܕ݂ܵܘ̈ܗܝ ܕܙܘܼܪܒܵܒܹܠ ܣܵܡ̣ ܫܲܬ̣ܐ̱ܣܵܘ̈ܗܝ ܕܒܲܝܬܵܐ ܗܵܢܵܐ: ܘܐܝܼܕ݂ܵܘ̈ܗܝ ܡܫܲܠ̈ܡܵܢ ܠܹܗ: ܘܬܸܕ̇ܥܘܼܢ ܕܡܵܪܝܵܐ ܚܲܝܠܬ̣ܵܢܵܐ ܫܲܕ̇ܪܲܢܝ ܠܘܵܬ̣ܟ݂ܘܿܢ. [No book]
[10]ܡܸܛܠ ܕܡܲܢ̣ܘܼ ܫܵܐܹ̇ܛ ܠܝܵܘ̈ܡܵܬ̣ܵܐ ܙܥܘܿܪܹ̈ܐ: ܘܲܢܚܘܼܪܘܼܢ ܘܢܸܚܙܘܿܢ ܠܟܹܐܦܵܐ ܕܦܘܼܪܫܵܢܵܐ ܒܐܝܼܕ݂ܵܘ̈ܗܝ: ܕܙܘܼܪܒܵܒܹܠ: ܗܵܠܹܝܢ ܐܸܢܹܝܢ ܫܒܲܥ ܥܲܝܢܵܘ̈ܗܝ ܕܡܵܪܝܵܐ ܕܚܵܝܪ̈ܵܢ ܒܟ݂ܠܵܗ̇ ܐܲܪܥܵܐ. [No book]
[11]ܥ̇ܢܹܝܬ̣ ܘܐܸܡ̇ܪܹܬ̣ ܠܹܗ: ܘܡܵܢܵܐ ܐܸܢܘܿܢ ܗܵܠܹܝܢ ܬܪܹܝܢ ܙܲܝܬ̇ܝܼ̈ܢ: ܕܡ̣ܢ ܝܲܡܝܼܢܵܗ̇ ܕܟܲܦܬ̣ܵܐ ܘܡ̣ܢ ܣܡܵܠܵܗ̇. [No book]
[12]ܥܢܹ̇ܝܬ̣ ܕܬܲܪܬܹ̇ܝܢ ܙܲܒ̣ܢ̈ܝܼܢ ܘܐܸܡ̇ܪܹܬ̣ ܠܹܗ: ܘܡܵܢܵܐ ܐܸܢܹܝܢ ܗܵܠܹܝܢ ܬܲܧܬܹ̇ܝܢ ܣܵܘ̈ܟܹ̇ܐ ܕܙܲܝܬܵܐ: ܕܒܲܝܢܵܬ̣ ܬܪܹܝܢ ܢܚܝܼܪ̈ܝܼܢ ܕܕܲܗܒ̣ܵܐ: ܕܢܵܣܟ̇ܝܼܢ ܡܸܢܗܘܿܢ ܕܲܗܒ̣ܵܐ. [No book]
[13]ܘܐܸܡܲܪ ܠܝܼ: ܝܵܕܲܥ ܐܲܢ̄ܬ̇ ܡܵܢܵܐ ܐܸܢܘܿܢ ܗܵܠܹܝܢ: ܘܐܸܡ̇ܪܹܬ̣ ܠܵܐ ܡܵܪܝ. [No book]
[14]ܘܐܸܡܲܪ ܠܝܼ ܗܵܠܹܝܢ ܐܸܢܘܿܢ ܬܪܹܝܢ ܒܢܲܝ̈ ܕܘܼܗܵܢܵܐ: ܕܩܵܝ̇ܡܝܼܢ ܩܕ݂ܵܡ ܡܵܪܵܐ ܕܟ݂ܠܵܗ̇ ܐܲܪܥܵܐ. [No book]
 
Top