➖ »
«
➖ ➕
Peshitta OT
PesOT
The Epistle of Barnabas
EpiBar
←
Zechariah
Zec
5
→
[1]ܘܗܸܦܟܹ̇ܬ̣ ܐܲܪܝܼܡܹ̇ܬ̣ ܥܲܝܢܲܝ̈ ܘܲܚܙܹ̇ܝܬ̣ ܡܲܓܲܠܬ̣ܵܐ ܕܦܵܪܚܵܐ. [No book]
[2]ܘܐܸܡܲܪ ܠܝܼ ܡܵܢܵܐ ܚ̣ܙܲܝܬ̇: ܘܐܸܡ̇ܪܹܬ̣ ܚܙܹ̇ܝܬ̣ ܡܓܲܠܬ̣ܵܐ ܕܦܵܪܚܵܐ: ܐܘܼܪܟܵܗ̇ ܥܸܣܪܝܼܢ ܐܲܡ̈ܝܼܢ: ܘܲܦܬ̣ܵܝܵܗ̇ ܥܣܲܪ ܐܵܡ̈ܝܼܢ. [No book]
[3]ܘܐܸܡܲܪ ܠܝܼ: ܗܵܕܹ̇ܐ ܗ̄ܝܼ ܠܵܘܛܬ̣ܵܐ ܕܢܵܦ̇ܩܵܐ ܥܲܠ ܐܲܦܹܝ̈ܗ̇ ܕܟ݂ܠܵܗ̇ ܐܲܪܥܵܐ: ܡܸܛܠ ܕܟ݂ܠ ܕܓܵܢܹ̇ܒ̣: ܡܸܢܵܗ̇ ܐܲܟ݂ܘܵܬ̣ܵܗ̇ ܙܵܟܸ̇ܐ: ܘܟ݂ܠ ܕܝܵܡܹܐ: ܡܸܢܵܗ̇ ܐܲܟ݂ܘܵܬ̣ܵܗ̇ ܙܵܟܹ̇ܐ. [No book]
[4]ܐܲܦܸܩܹܝܗ̇ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܕܬܸܥܘܿܠ ܠܒܲܝܬܹ̇ܗ ܕܓܲܢܵܒ̣ܵܐ: ܘܲܠܒܲܝܬܹ̇ܗ ܕܟ݂ܠ ܕܝܵܡܹ̇ܐ ܒܫܹܡܝ ܒܟܲܕܵܒ̣ܘܼܬ̣ܵܐ: ܘܬܸܫܪܸܐ ܒܓ̣ܵܘ ܒܲܝܬܹ̇ܗ: ܘܲܬ̣ܓܲܡܲܪ ܠܩܲܝܣܵܘ̈ܗܝ ܘܲܠܟܹܐܦܵܘ̈ܗܝ. [No book]
[5]ܘܲܢܦܲܩ̣ ܡܲܠܲܐܟ݂ܵܐ ܕܲܡܡܲܠܸܠ ܒܝܼ: ܘܐܸܡܲܪ ܠܝܼ: ܐܲܪܝܼܡ ܥܲܝܢܲܝ̈ܟ ܘܲܚܙܝܼ ܡܵܢܲܐ ܗ̄ܝܼ ܗܵܕܹܐ ܕܢܵܦ̇ܩܵܐ. [No book]
[6]ܘܐܸܡ̇ܪܹܬ̣ ܡܵܢܲܐ ܗ̄ܝܼ: ܘܐܸܡܲܪ ܠܝܼ: ܗܵܕܲܐ ܗ̄ܝܼ ܟܝܵܠܬܵܐ ܕܢܵܦ̇ܩܵܐ: ܘܒ̣ܵܗ̇ ܐܸܢܘܿܢ ܚܵܘ̈ܒܹ̇ܐ ܕܟ݂ܠܵܗ̇ ܐܲܪܥܵܐ. [No book]
[7]ܘܗܵܐ ܟܲܟ̇ܪܵܐ ܕܐܲܒ̣ܵܪܵܐ ܐܸܫܬܲܩܠܲܬ̤: ܘܐܲܢ̄ܬ̇ܬ̣ܵܐ ܚܕ݂ܵܐ ܝܵܬ̣ܒܵܐ ܗ̄ܘܼܵܬ̣ ܒܓ̣ܵܘ ܟܝܵܠܬܵܐ. [No book]
[8]ܘܐܸܡܲܪ ܠܝܼ: ܗܵܕܲܐ ܗ̄ܝܼ ܚܛܝܼܬ̣ܵܐ: ܘܐܲܪܡܝܵܗ̇ ܒܓ̣ܵܘ ܟܝܵܠܬܵܐ: ܘܐܲܪܡܝܼ ܟܲܟ̇ܪܵܐ ܕܐܲܒ̣ܵܪܵܐ ܥܲܠ ܦܘܼܡܵܗ̇. [No book]
[9]ܘܐܲܪܝܼܡܹ̇ܬ̣ ܥܲܝܢܲܝ̈ ܘܲܚܙܹ̇ܝܬ̣: ܘܗܵܐ ܬܲܪܬܹ̇ܝܢ ܢܸܫܝܼ̈ܢ ܢܵܦ̈ܩܵܢ ܘܪܘܼܚܵܐ ܒܟܸܢܦܲܝ̈ܗܹܝܢ: ܘܟܸܢܦܹ̈ܐ ܐܝܼܬ̣ ܠܗܹܝܢ ܐܲܝܟ݂ ܟܸܢܦܹ̈ܐ ܕܚܘܿܪܒ̣ܵܐ: ܘܫܲܩ̣ܠܵܗ̇ ܠܲܟ݂ܝܵܠܬܵܐ ܒܹܝܬ̣ ܐܲܪܥܵܐ ܠܲܫܡܲܝܵܐ. [No book]
[10]ܘܐܸܡ̇ܪܹܬ̣ ܠܡܲܠܲܐܟ݂ܵܐ ܕܲܡܡܲܠܸܠ ܒܝܼ: ܠܐܲܝܟܵܐ ܡܵܘ̈ܒ̇ܠܵܢ ܠܵܗ̇ ܠܲܟ݂ܝܵܠܬܵܐ. [No book]
[11]ܘܐܸܡ̣ܲܪ ܠܝܼ: ܕܢܸܒ̣ܢ̈ܝܵܢ ܠܵܗ̇ ܒܲܝܬܵܐ ܒܐܲܪܥܵܐ ܕܒ̣ܵܒܹܠ: ܘܢܸܬ̣ܩ̈ܢܵܢܵܗ̇ ܘܢܲܫ̱ܪ̈ܝܵܢܵܗ̇ ܬܲܡܵܢ ܥܲܠ ܡܲܬ̣ܩܢܵܗ̇. [No book]
Translation: Charles H. Hoole (1885)
Source: www.earlychristianwritings.com
Top