|
|
| [1]Et conversus sum, et levavi oculos meos, et vidi, et ecce volumen volans. |
[No book] |
| [2]Et dixit ad me: Quid tu vides? Et dixi: Ego video volumen volans: longitudo ejus viginti cubitorum, et latitudo ejus decem cubitorum. |
[No book] |
| [3]Et dixit ad me: Hæc est maledictio quæ egreditur super faciem omnis terræ: quia omnis fur, sicut ibi scriptum est, judicabitur, et omnis jurans ex hoc similiter judicabitur. |
[No book] |
| [4]Educam illud, dicit Dominus exercituum: et veniet ad domum furis, et ad domum jurantis in nomine meo mendaciter: et commorabitur in medio domus ejus, et consumet eam, et ligna ejus, et lapides ejus. |
[No book] |
| [5]Et egressus est angelus qui loquebatur in me, et dixit ad me: Leva oculos tuos, et vide quid est hoc quod egreditur. |
[No book] |
| [6]Et dixi: Quidnam est? Et ait: Hæc est amphora egrediens. Et dixit: Hæc est oculus eorum in universa terra. |
[No book] |
| [7]Et ecce talentum plumbi portabatur, et ecce mulier una sedens in medio amphoræ. |
[No book] |
| [8]Et dixit: Hæc est impietas. Et projecit eam in medio amphoræ, et misit massam plumbeam in os ejus. |
[No book] |
| [9]Et levavi oculos meos, et vidi: et ecce duæ mulieres egredientes: et spiritus in alis earum, et habebant alas quasi alas milvi, et levaverunt amphoram inter terram et cælum. |
[No book] |
| [10]Et dixi ad angelum qui loquebatur in me: Quo istæ deferunt amphoram? |
[No book] |
| [11]Et dixit ad me: Ut ædificetur ei domus in terra Sennaar, et stabiliatur, et ponatur ibi super basem suam. |
[No book] |