➖ »
«
➖ ➕
Aleppo Codex (~920)
Alep
The Book of Enoch (1917)
1Eno(Cha)
←
Zechariah
Zec
6
→
[1]ואשב ואשא עיני ואראה והנה ארבע מרכבות יצאות מבין שני ההרים וההרים הרי נחשת [No book]
[2]במרכבה הראשנה סוסים אדמים ובמרכבה השנית סוסים שחרים [No book]
[3]ובמרכבה השלשית סוסים לבנים ובמרכבה הרבעית סוסים ברדים אמצים [No book]
[4]ואען ואמר אל המלאך הדבר בי מה אלה אדני [No book]
[5]ויען המלאך ויאמר אלי אלה ארבע רוחות השמים יוצאות מהתיצב על אדון כל הארץ [No book]
[6]אשר בה הסוסים השחרים יצאים אל ארץ צפון והלבנים יצאו אל אחריהם והברדים־יצאו אל ארץ התימן [No book]
[7]והאמצים יצאו ויבקשו ללכת להתהלך בארץ ויאמר לכו התהלכו בארץ ותתהלכנה בארץ [No book]
[8]ויזעק אתי וידבר אלי לאמר ראה היוצאים אל ארץ צפון־הניחו את רוחי בארץ צפון [No book]
[9]ויהי דבר יהוה אלי לאמר [No book]
[10]לקוח מאת הגולה מחלדי ומאת טוביה ומאת ידעיה ובאת אתה ביום ההוא ובאת בית יאשיה בן צפניה אשר באו מבבל [No book]
[11]ולקחת כסף וזהב ועשית עטרות ושמת בראש יהושע בן יהוצדק־הכהן הגדול [No book]
[12]ואמרת אליו לאמר כה אמר יהוה צבאות לאמר הנה איש צמח שמו ומתחתיו יצמח ובנה את היכל יהוה [No book]
[13]והוא יבנה את היכל יהוה והוא ישא הוד וישב ומשל על כסאו והיה כהן על כסאו ועצת שלום תהיה בין שניהם [No book]
[14]והעטרת תהיה לחלם ולטוביה ולידעיה ולחן בן צפניה־לזכרון בהיכל יהוה [No book]
[15]ורחוקים יבאו ובנו בהיכל יהוה וידעתם כי יהוה צבאות שלחני אליכם והיה אם שמוע תשמעון בקול יהוה אלהיכם [No book]
Legend
[Gg: Text found only in Greek Akhmim]]
[E: Text found only in Ethiopic]]
<Restored text>
[Interpolation or note]
(Editor's addition or note)
Source: unbound.biola.edu
 Translation: R. H. Charles, D. Litt., D.D. (1917)
Source: sacred-texts.com
Top