|
|
| [No book] |
[1]Carissimi, nolite omni spiritui credere, sed probate spiritus si ex Deo sint: quoniam multi pseudoprophetæ exierunt in mundum. |
| [No book] |
[2]In hoc cognoscitur Spiritus Dei: omnis spiritus qui confitetur Jesum Christum in carne venisse, ex Deo est: |
| [No book] |
[3]et omnis spiritus qui solvit Jesum, ex Deo non est, et hic est antichristus, de quo audistis quoniam venit, et nunc jam in mundo est. |
| [No book] |
[4]Vos ex Deo estis filioli, et vicistis eum, quoniam major est qui in vobis est, quam qui in mundo. |
| [No book] |
[5]Ipsi de mundo sunt: ideo de mundo loquuntur, et mundus eos audit. |
| [No book] |
[6]Nos ex Deo sumus. Qui novit Deum, audit nos; qui non est ex Deo, non audit nos: in hoc cognoscimus Spiritum veritatis, et spiritum erroris. |
| [No book] |
[7]Carissimi, diligamus nos invicem: quia caritas ex Deo est. Et omnis qui diligit, ex Deo natus est, et cognoscit Deum. |
| [No book] |
[8]Qui non diligit, non novit Deum: quoniam Deus caritas est. |
| [No book] |
[9]In hoc apparuit caritas Dei in nobis, quoniam Filium suum unigenitum misit Deus in mundum, ut vivamus per eum. |
| [No book] |
[10]In hoc est caritas: non quasi nos dilexerimus Deum, sed quoniam ipse prior dilexit nos, et misit Filium suum propitiationem pro peccatis nostris. |
| [No book] |
[11]Carissimi, si sic Deus dilexit nos: et nos debemus alterutrum diligere. |
| [No book] |
[12]Deum nemo vidit umquam. Si diligamus invicem, Deus in nobis manet, et caritas ejus in nobis perfecta est. |
| [No book] |
[13]In hoc cognoscimus quoniam in eo manemus, et ipse in nobis: quoniam de Spiritu suo dedit nobis. |
| [No book] |
[14]Et vos vidimus, et testificamur quoniam Pater misit Filium suum Salvatorem mundi. |
| [No book] |
[15]Quisquis confessus fuerit quoniam Jesus est Filius Dei, Deus in eo manet, et ipse in Deo. |
| [No book] |
[16]Et nos cognovimus, et credidimus caritati, quam habet Deus in nobis. Deus caritas est: et qui manet in caritate, in Deo manet, et Deus in eo. |
| [No book] |
[17]In hoc perfecta est caritas Dei nobiscum, ut fiduciam habeamus in die judicii: quia sicut ille est, et nos sumus in hoc mundo. |
| [No book] |
[18]Timor non est in caritate: sed perfecta caritas foras mittit timorem, quoniam timor pœnam habet: qui autem timet, non est perfectus in caritate. |
| [No book] |
[19]Nos ergo diligamus Deum, quoniam Deus prior dilexit nos. |
| [No book] |
[20]Si quis dixerit, Quoniam diligo Deum, et fratrem suum oderit, mendax est. Qui enim non diligit fratrem suum quem vidit, Deum, quem non vidit, quomodo potest diligere? |
| [No book] |
[21]Et hoc mandatum habemus a Deo: ut qui diligit Deum, diligat et fratrem suum. |