Peshitta OT
Peshitta OT
➕
←
2 Chronicles
2Ch
12
→
[
13
]
ܘܐܸܬ̣ܥܲܫܲܢ
ܪܚܸܒ̣ܥܲܡ ܡܲܠܟܵܐ ܒܲܪ ܫܠܹܝܡܘܿܢ ܒܐܘܿܪܸܫܠܸܡ: ܘܐܲܡܠܸܟ݂ ܒܲܪ ܐܲܪܒ̇ܥܝܼܢ ܘܲܚܕ݂ܵܐ ܫܢ̈ܝܼܢ ܪܚܸܒ̣ܥܲܡ ܟܲܕ݂ ܩܵܡ̣ ܒܡܲܠܟ̇ܘܼܬ̣ܵܐ. ܘܲܫܒܲܬܲܥܸܣܪܹ̈ܐ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ: ܩܪܝܼܬ̣ܵܐ ܕܲܓ̣ܒ̣ܵܐ ܠܹܗ ܡܵܪܝܵܐ ܡ̣ܢ ܟܠܗܘܿܢ ܫܲܒ̣̈ܛܹܐ ܕܝܼܣܪܵܝܹܠ: ܠܡܲܫܪܵܝܘܼ ܫܟ݂ܝܼܢܬܹ̇ܗ ܬܲܡܵܢ. ܘܲܫܡܵܐ ܕܐܸܡܹܗ ܢܲܥܡܵܐ ܕܡ̣ܢ ܥܲܡܘܿܢ.
[
14
]
ܘܲܥܒܲܕ݂
ܕܒ̣ܝܼܫ ܩܕ݂ܵܡ ܡܵܪܝܵܐ. ܘܠܵܐ ܐܲܬ̣ܩܸܢ ܠܸܒܹ̇ܗ ܠܕܸܚ̱ܠܬܹܗ ܕܡܵܪܝܵܐ: ܠܡܸܒ̣ܥܝܹܗ ܒܟ݂ܠܹܗ ܠܸܒܹ̇ܗ.
[
15
]
ܘܗܵܠܹܝܢ
ܦܸܬ̣ܓ̣ܵܡܵܘ̈ܗܝ ܕܲܪܚܸܒ̣ܥܲܡ ܩܲܕ݂ܡܵܝܹ̈ܐ ܘܐܲܚܪ̈ܵܝܹܐ: ܠܡܸܥܒܲܕ݂ ܒܝܼܫܬܵܐ ܩܕ݂ܵܡ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ. ܘܲܩܪܵܒ̣ܵܐ ܗܘ̤ܵܐ ܒܹܝܬ̣ ܪܚܸܒ̣ܥܲܡ ܒܪܹܗ ܕܲܫܠܹܝܡܘܿܢ: ܘܒܹܝܬ̣ ܝܘܿܪܲܒ̣ܥܲܡ ܒܲܪ ܢܵܒ̣ܵܛ: ܟܠ ܝܵܘ̈ܡܲܝ ܚܲܝܵܘ̈ܗܝ.
[
16
]
ܘܲܫܟܸܒ̣
ܪܚܸܒ̣ܥܲܡ ܥܲܡ ܐܲܒ̣ܵـ̈ـܗܵܬܹܗ. ܘܐܸܬ̣ܩܒܲܪ ܒܲܩܪܝܼܬ̣ܵܐ ܕܕ݂ܵܘܝܼܕ݂. ܘܩܵܡ̣ ܒܡܲܠܟ̇ܘܼܬ̣ܵܐ ܐܲܒ̣ܝܵܐ ܒܪܹܗ ܒܵܬ̣ܪܹܗ.
Top