➕
←
2 Peter
2Pe
3
   
[1]הדא מנ כדו חביבי אגרתא דתרתינ כתב אנא לכונ הלינ דבהינ מעיר אנא בעוהדנא לרעינכונ שׁפיא [2]דתתעהדונ למלא דקדמ אתאמר מנ נביא קדישׁא ולפוקדנה דמרנ ופרוקנ דביד שׁליחא [3]כד הדא לוקדמ ידעינ אנתונ דנאתונ בחרתא דיומתא מבזחנא דמבזחינ כד איכ רגיגתא דילהונ מהלכינ [4]ואמרינ דאיכא איתוהי מולכנא דמאתיתה מנ כד גיר אבהתנ שׁכבו כלמדמ הכנא מכתר מנ שׁוריה דבריתא [5]טעיא להונ גיר הדא כד צבינ דשׁמיא איתיהונ הוו מנ קדימ וארעא מנ מיא וביד מיא קמת במלתא דאלהא [6]הלינ דבאידיהונ עלמא דהידינ טפ במיא ואבד [7]שׁמיא דינ דהשׁא וארעא במלתא דילה אסינינ כד לנורא מתנטרינ ליומא דדינא ודאבדנא דבנינשׁא רשׁיעא [8]הדא דינ חדא לא תטעיכונ חביבי דחד יומא למריא איכ אלפ שׁנינ איתוהי ואלפ שׁנינ איכ יומא חד [9]לא משׁתוחר מריא במולכנוהי איכ דאנשׁינ שׁווחרא מסברינ אלא מגר רוחה מטלתכונ בדלא צבא דאנשׁ נאבד אלא כלנשׁ לתיבותא נאתא [10]אתא דינ יומה דמריא איכ גנבא הו דבה שׁמיא מנ שׁלי עברינ אסטוכסא דינ כד יקדינ נשׁתרונ וארעא ועבדא דבה תשׁתכח [11]כד הכיל הלינ כלהונ משׁתרינ דאיכ אילינ זדק לכונ דתהוונ בהופכיכונ קדישׁא ובדחלת אלהא [12]כד מסכינ אנתונ וסוחינ אנתונ למאתיתא דיומה דאלהא הו דבה שׁמיא כד מתבחרינ בנורא נשׁתרונ ואסטוכסא כד יקדינ נשׁוחונ [13]לשׁמיא דינ חדתא וארעא חדתא איכ מולכנא דילה מסכיננ הלינ דבהונ זדיקותא עמרא [14]מטל הנא חביבי כד להלינ מסכינ אנתונ יצפו דדלא כותמא ודלא מומא לה תשׁתכחונ בשׁלמא [15]ולמגרת רוחה דמריא פורקנא תחשׁבונ איכנא דאפ אחונ חביבא פולוס איכ חכמתא דאתיהבת לה כתב לכונ [16]איכנא דבכלהינ אגרתה מלל בהינ על הלינ אילינ דאית בהינ מדמ דעסיק לסוכלא הלינ דאילינ דדלא יולפנא אנונ ולא סמיכינ מעקמינ להינ איכ דאפ להלינ כתבא דשׁרכא לות אבדנא דילהונ [17]אנתונ הכיל חביבי כד קדמינ אנתונ ידעינ טרו נפשׁכונ דדלמא כד אזלינ אנתונ בתר טעיותא דאילינ דדלא נמוס אנונ תפלונ מנ סמכא דילכונ [18]הויתונ דינ מתרבינ בטיבותא ובידעתא דמרנ ופרוקנ ישׁוע משׁיחא ודאלהא אבא דלה תשׁבוחתא אפ השׁא ובכלזבנ וליומי עלמא אמינ
 
Top