|
|
| [1]Hanc ecce vobis, carissimi, secundam scribo epistolam, in quibus vestram excito in commonitione sinceram mentem: |
[No book] |
| [2]ut memores sitis eorum, quæ prædixi, verborum, a sanctis prophetis et apostolorum vestrorum, præceptorum Domini et Salvatoris. |
[No book] |
| [3]Hoc primum scientes, quod venient in novissimis diebus in deceptione illusores, juxta proprias concupiscentias ambulantes, |
[No book] |
| [4]dicentes: Ubi est promissio, aut adventus ejus? ex quo enim patres dormierunt, omnia sic perseverant ab initio creaturæ. |
[No book] |
| [5]Latet enim eos hoc volentes, quod cæli erant prius, et terra de aqua, et per aquam consistens Dei verbo: |
[No book] |
| [6]per quæ, ille tunc mundus aqua inundatus, periit. |
[No book] |
| [7]Cæli autem, qui nunc sunt, et terra eodem verbo repositi sunt, igni reservati in diem judicii, et perditionis impiorum hominum. |
[No book] |
| [8]Unum vero hoc non lateat vos, carissimi, quia unus dies apud Dominum sicut mille anni, et mille anni sicut dies unus. |
[No book] |
| [9]Non tardat Dominus promissionem suam, sicut quidam existimant: sed patienter agit propter vos, nolens aliquos perire, sed omnes ad pœnitentiam reverti. |
[No book] |
| [10]Adveniet autem dies Domini ut fur: in quo cæli magno impetu transient, elementa vero calore solventur, terra autem et quæ in ipsa sunt opera, exurentur. |
[No book] |
| [11]Cum igitur hæc omnia dissolvenda sunt, quales oportet vos esse in sanctis conversationibus, et pietatibus, |
[No book] |
| [12]exspectantes, et properantes in adventum diei Domini, per quem cæli ardentes solventur, et elementa ignis ardore tabescent? |
[No book] |
| [13]Novos vero cælos, et novam terram secundum promissa ipsius exspectamus, in quibus justitia habitat. |
[No book] |
| [14]Propter quod, carissimi, hæc exspectantes, satagite immaculati, et inviolati ei inveniri in pace: |
[No book] |
| [15]et Domini nostri longanimitatem, salutem arbitremini: sicut et carissimus frater noster Paulus secundum datam sibi sapientiam scripsit vobis, |
[No book] |
| [16]sicut et omnibus epistolis, loquens in eis de his in quibus sunt quædam difficilia intellectu, quæ indocti et instabiles depravant, sicut et ceteras Scripturas, ad suam ipsorum perditionem. |
[No book] |
| [17]Vos igitur fratres, præscientes custodite, ne insipientium errore traducti excidatis a propria firmitate: |
[No book] |
| [18]crescite vero in gratia, et in cognitione Domini nostri, et Salvatoris Jesu Christi. Ipsi gloria et nunc, et in diem æternitatis. Amen. |
[No book] |