➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
←
Deuteronomy
Deu
2
→
[1]ונפן ונסע המדברה דרך ים סוף כאשר דבר יהוה אלי ונסב את הר שעיר ימים רבים [No book]
[2]ויאמר יהוה אלי לאמר [No book]
[3]רב לכם סב את ההר הזה פנו לכם צפנה [No book]
[4]ואת העם צו לאמר אתם עברים בגבול אחיכם בני עשו הישבים בשעיר וייראו מכם ונשמרתם מאד [No book]
[5]אל תתגרו בם־כי לא אתן לכם מארצם עד מדרך כף רגל כי ירשה לעשו נתתי את הר שעיר [No book]
[6]אכל תשברו מאתם בכסף ואכלתם וגם מים תכרו מאתם בכסף־ושתיתם [No book]
[7]כי יהוה אלהיך ברכך בכל מעשה ידך־ידע לכתך את המדבר הגדל הזה זה ארבעים שנה יהוה אלהיך עמך־לא חסרת דבר [No book]
[8]ונעבר מאת אחינו בני עשו הישבים בשעיר מדרך הערבה מאילת ומעצין גבר ונפן ונעבר דרך מדבר מואב [No book]
[9]ויאמר יהוה אלי אל תצר את מואב ואל תתגר בם מלחמה כי לא אתן לך מארצו ירשה־כי לבני לוט נתתי את ער ירשה [No book]
[10]האמים לפנים ישבו בה־עם גדול ורב ורם כענקים [No book]
[11]רפאים יחשבו אף הם כענקים והמאבים יקראו להם אמים [No book]
[12]ובשעיר ישבו החרים לפנים ובני עשו יירשום וישמידום מפניהם וישבו תחתם כאשר עשה ישראל לארץ ירשתו אשר נתן יהוה להם [No book]
[13]עתה קמו ועברו לכם־את נחל זרד ונעבר את נחל זרד [No book]
[14]והימים אשר הלכנו מקדש ברנע עד אשר עברנו את נחל זרד שלשים ושמנה שנה־עד תם כל הדור אנשי המלחמה מקרב המחנה כאשר נשבע יהוה להם [No book]
[15]וגם יד יהוה היתה בם להמם מקרב המחנה עד תמם [No book]
[16]ויהי כאשר תמו כל אנשי המלחמה למות־מקרב העם [No book]
[17]וידבר יהוה אלי לאמר [No book]
[18]אתה עבר היום את גבול מואב את ער [No book]
[19]וקרבת מול בני עמון־אל תצרם ואל תתגר בם כי לא אתן מארץ בני עמון לך ירשה־כי לבני לוט נתתיה ירשה [No book]
[20]ארץ רפאים תחשב אף הוא רפאים ישבו בה לפנים והעמנים יקראו להם זמזמים [No book]
[21]עם גדול ורב ורם כענקים וישמידם יהוה מפניהם ויירשם וישבו תחתם [No book]
[22]כאשר עשה לבני עשו הישבים בשעיר־אשר השמיד את החרי מפניהם ויירשם וישבו תחתם עד היום הזה [No book]
[23]והעוים הישבים בחצרים עד עזה־כפתרים היצאים מכפתר השמידם וישבו תחתם [No book]
[24]קומו סעו ועברו את נחל ארנן־ראה נתתי בידך את סיחן מלך חשבון האמרי ואת ארצו החל רש והתגר בו מלחמה [No book]
[25]היום הזה אחל תת פחדך ויראתך על פני העמים תחת כל השמים־אשר ישמעון שמעך ורגזו וחלו מפניך [No book]
[26]ואשלח מלאכים ממדבר קדמות אל סיחון מלך חשבון דברי שלום לאמר [No book]
[27]אעברה בארצך בדרך בדרך אלך לא אסור ימין ושמאול [No book]
[28]אכל בכסף תשברני ואכלתי ומים בכסף תתן לי ושתיתי רק אעברה ברגלי [No book]
[29]כאשר עשו לי בני עשו הישבים בשעיר והמואבים הישבים בער־עד אשר אעבר את הירדן אל הארץ אשר יהוה אלהינו נתן לנו [No book]
[30]ולא אבה סיחן מלך חשבון העברנו בו כי הקשה יהוה אלהיך את רוחו ואמץ את לבבו למען תתו בידך כיום הזה [No book]
[31]ויאמר יהוה אלי ראה החלתי תת לפניך את סיחן ואת ארצו החל רש לרשת את ארצו [No book]
[32]ויצא סיחן לקראתנו הוא וכל עמו למלחמה־יהצה [No book]
[33]ויתנהו יהוה אלהינו לפנינו ונך אתו ואת בנו ואת כל עמו [No book]
[34]ונלכד את כל עריו בעת ההוא ונחרם את כל עיר מתם והנשים והטף לא השארנו שריד [No book]
[35]רק הבהמה בזזנו לנו ושלל הערים אשר לכדנו [No book]
[36]מערער אשר על שפת נחל ארנן והעיר אשר בנחל ועד הגלעד לא היתה קריה אשר שגבה ממנו את הכל נתן יהוה אלהינו לפנינו [No book]
[37]רק אל ארץ בני עמון לא קרבת כל יד נחל יבק וערי ההר וכל אשר צוה יהוה אלהינו [No book]
Source: unbound.biola.edu
Top